السحر الملعون " الجزء الثاني تابع لشيطان زوجي "

الحلقة 9

🕯#السحر الملعون🕯
#شيطان زوجي 2
#صونيا
🤍الحلقة 9 🤍
************
قاعد يستنا فيها تخرج من غرفة الأشعة مقلق ماشي حامل روحو ....
شافاتو زينب راحت ليه تزرب حايرة علاش حسام راه في لي اورجونس....
زينب: حسام علاش راك هنا غير الخير واش راه صاري ....
حسام : وانت واش تعملي هنا .....
زينب: راني Gارد الليلة هايا حسام احكي ....
حسام: هند طاحت وعلى الاغلب يدها تكسرت ....
زينب خافت بزاف خلاتو واقف ودخلت تشوف واش كاين ....
فتحت الباب ديراكت ودخلت ؛ شاف معاها الطبيب مستغرب من تصرفاتها ....
زينب: sorry دخلت هكذا بويسك تقلقت عليها
طبيب: تقربلك هاذي باين زينب رجعتي لا علاقة غير تصدمي وصايي ....
ضحكت هند ومدت يدها لزينب ....
زينب: راهي كيف ختي والله نموت عليها ونخاف عليها ....
طبيب : ما تتقلقيش عندها كسر في ذراعها وشطبة مشققة لازم تريح مليح ذرك اديرولها بلاطر ....
يا مدام لازم كي تمشي تتولهي مع انك قلتي طحتي وحدك مي لي طراس لي في ظهرك تقول العكس ؛ كاين لي ضربك ودفشك راكي باين تحمي كاش واحد وانا شاك في زوجك .....
زينب: حسام لا مستحيل اذا قاتلك طاحت سور بلي طاحت راجلها موحال اديرها احبها بزاف بزاف .....
طبيب: ان شاءالله نكون غالط في كلامي ....
زينب تبالي مرة طلبت منك تقهوا كيف كيف راني مزالني نستنا فيك هههه
زينب:ههههه غير اكون عندي وقت نقولك وعد .....
خرج خلاها مع هند ؛ زينب خايفة عليها بزاف ....
زينب : معليش تحكيلي الصح قبل ما نخرجو ... ماشي حسام لي دارلك هكذا ياك .....
هند جات تهدر دخل عليهم حسام ...
حسام : هند حبيبتي راكي مليحة قولي راح ليها قعد اعنق وبوسها ....
هبطت راسها زينب وقالت : ذرك نروح نشوف لي دير لبلاطر اجي هكذا ما طولوش اروحو هند لازملها بزاف راحة حسام اكي.....
خرجت وهي متحيرة على صحبتها والشي لي وقعلها
......
********** من جيهة وائل ومراد ******
وائل: هاذي سلمى تعرفت عليها من عامين كل مرة نفتارقو ونرجعو حبيتها من اول مرة شفتها فيها سكنتلي في عقلي وقلبي خطرات نقول صايي نفريها معاها بويسك تحب بزاف مشاكل مي ايامات نلقى روحي رجعت ليها .....
مراد : مالة لحكاية سوريوز خويا ....
وائل: صراحة ايه قات ايامات ونقول ليما تخطبهالي هكذا ما نجو نتخرجو نكون انا نخدم مع بابا وهي كشما تلقى خدمة ونزوجو .....
وانت احكيلي العلاقة لي بينكم انت و آية كيفي انا وسلمى ؛ وكون نديرو عرس فرد نهار نزوجو في رحبة واش قلت .....
مراد وجهو تبدل ما قدرش حتى يهدر ؛ النفس نقطع منو حتى قعد يسعل .....
وائل: مالك غير الخير لونك تبدل مراد واش بيك قول خويا ......
طاح مراد على الرمل وجهو رجع زرق ماشي قادر يتنفس كامل عينيه تقلبو .....
وائل تخطف ناض ليه ما لقاش واش اديرلو ....
جات وحدة فايتة شافاتو بهاذ الحالة جرات ليهم....
طفلة: بعد عليه اصبر ....
جبد وائل وهي نحاتلو تريكوه وقعدت تضرب فيه من ظهرو ما بغاش اخرج الشيء لي في حلقو ...
جات موراه وقعدت تضرب في صدرو ليها حتى شغل تقيا ورجع يتنفس وقاعد يسعل بزاف خلاص.....
وائل رجع لور حتى طاح على الرمل ما فهم فيها والو .....
الخوف على صاحبو باين في وجهو ....
الطفلة : خلاص راه رجع نورمال كشما كلا وحصلتلو ....
دنى مراد لقا حجرة في وسط الشي لي رجعو مغلفة بورقة حار واش هي وقالهم وانا علاش رجعت هاذي ما كليت حتى حاجة انا ذرك كيفاش حتى تخنقت....
قرب حسام وشد ما وغسل ذيك الحجرة والورقة لي معاها ...
فتحها لقا طلاميس وحروف ماشي مفهومين.....
شوكات هاذيك الطفلة وقالت : انتوما تخوفو انا نروح باي .....
مراد : واش اسمك هكذا نقولك مرسي نقذتيني من الموت اليوم .....
الطفلة: اسمي  آية ؛ وبلا مزية .....
مراد ضحك وقال : زهري غير في آية واقيل اصبري هههه اعطيني النيميرو ....
ضحكت رجعت مدتلو النيميرو وراحت تجري .....
وائل: اممممم واقيل رايح تبدل انت اه حسبتك متت والله قلبي حبس ما عرفتش واش نعمل ....
مراد : كون ماشي انت راهم يترحمو عليا اليوم خويا .....
قعدو يحكو حتى وائل شافها واقفة موراه تضحك ذيك الضحكة تاعها تخوف قصدها اليوم ما ماتش مي تعاودها رايح اموت ...
مراد : وينك صاحبي مع من راك تشوف ....
وائل: كون نحكيلك ما تامنيش ....
#يتبع 😈