🕯السحر الملعون 🕯
#شيطان زوجي 2
#صونيا
🤍الحلقة 77🤍
********************
قاعدة في شومبرة مبلعين عليها ؛ قلبها يخبط لدرجة انو رايح اشق صدرها وطير ؛ حاطة يدها على كرشها خايفة عليه كثر من حياتها؛ تمنات انو يكبر ويخرج لهاذ الدنيا ، مي على حساب واش راهي تشوف انهم رايحين اموتو في زوج ....
تطلب في ربي مراد يلحق عليها قبل ما باباها يهبل ويقتلهم....
***************
لحقو لدوار قعدو ؛ قعدو اشوفو وينها دار ميسون ؛ حسام اشوف وعاود يحكي مع نفسو : راني شايف هاذ لبلاصة وين يا ربي وين .....
لحقو لدار باباها هبط مراد كيف المهبول اعيط ويخبط في الباب ...
خرج ريان معرض صدرو: واش بغيت علاش راك تخبط هكذا الباب...
مراد : وينها عيطلها تخرج لا نعيط لابوليس ذرك ...
شاف معاه ريان خبط في وجهو الباب ودخل ...
مراد وطارق قريب كسرو الباب غير خمس دقايق خرجت ميسون ويدها مجروحة ...
مراد : واش بيها يدك قولي علاش مجروحة ...
مشات وخليتهم موراها طلعت في الطونوبيل وجها بيض كيف الشمعة ...
حسام : طارق هاذا هو حلمي هنا وين شفت هاذاك فهمت ....
طارق : واش هو هذاك نا فهمت والو ...
حسام رجع عليه غير بصوت ضعيف : لقبر والدوار هاذا هو واقيل رانا قريب نوصلو وين حبينا ....
ما كملش كلامو حتى لمح اب ميسون يسمع في كلامهم ...
اب ميسون: هاذ المرة فوتها مي المرة الجاية تخلصها غالية ما نحبش نزيد نشوف وجهك هنا سمعتي ....
خبط عليهم الباب كامل حايرين اشوفو في بعضهم من غير ميسون لي كانت في اللوطو يدها كلها د.م ...
طلع مراد حذاها نحا قمجتو ولفها على يدها ...
مراد : وش صرا قولي علاش يدك مجروحة هكذا ....
هزت راسها شافت فيه وعينيها كامل دموع .
ميسون: بابا ربطني مع خويا يعني كشما يصرالو حاجة نفس الشيء يصرالي ...
طارق: كيفاش !!!؟؟؟؟ وعلاش خوك واش رايح يصرالو ..
مراد : مي حنا ما رايحين نديرو والو لخوك واش هاذ التخمام ...
ميسون: انتم لا مي هو ادير هدد بابا وقالو يا واحد منكم يا ريان ...
حسام : استغفر الله يا ربي واش هاذ الحصلة؛ ميسون قوليلي هاذ الدوار فيه جبانة لا ...
ميسون: فيه 3 في بالي علاش ...
حسام : راني متأكد بلي لقبر لي ديما نحلم بيه راه ثمة لازم نلقاه.....
ميسون: مستحيل اخليك تلقاه تتعب بزاف والله ...
حسام : انتوما روحو وانا نروح لعند الشيخ نقولو ممكن نلقاو حل ...
كل واحد راح لحالو من غير حسام لي راح عند الشيخ؛ في الطريق كان اشوف خيالات في كل جيهة مي ما حبش يتوله ليها المهم ليه يوصل ثمة .
طبطب الباب فتح عليه ولدو ...
حسام : باباك هنا ولدي ...
الطفل : ادخل ذرك اجي راه قالنا بلي راك جاي ...
دخل حسام قعد فوق فوتاي بالشوية حكماتو الدوخة ...
غلق عينيه شافو واقف قدامو ؛ هابط راسو وجهو كحل وهاز حاجة في يدو قرب ليه شاف رجل واحد اكركر فيه حط عينو مع لرض لقاه وائل لي راه مطايش على لرض وهاذاك لي عندو قرون طويل شادو من رجلو .....
حسام: شكون انت وعلاش راك داير هكذا لوليدي.....
الجني : اذا رايح اكون اخرتو معايا اذا انت تكمل في هاذ الطريق ....
عاود دار شاف في وائل لقاه معمر ذبان فمو مفتوح وخرج صوت قال : عاوني بابا ....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
