السحر الملعون " الجزء الثاني تابع لشيطان زوجي "

الحلقة 54

🕯السحر الملعون 🕯
#شيطان زوجي 2
#صونيا
🤍الحلقة 54🤍
******************
فتح عينيه حاير وين راه ؛ الضوء تاع برا وجعو دار يدو على وجهو اغطي فيهم؛ قعد اعيط على يماه .
مراد : ماما ماما وينك ...
سمعاتو الفرملية راحت تجري عيطت لطبيب ...
جاو لقاوه حايب يوقف مي ما قدرش ...
الطبيب : ولدي لازم تريح في بلاصتك مزال الحال باش تمشي ....
مراد : وين راني وعلاش ما نقدرش نحرك رجليا قول ....
الطبيب: عندك شلل نصفي مؤقت البارة لي كانت في كرشك قاست أعصاب ذرك لازملك وقت كبير باش تقدر تمشي ان شاءالله
مراد ماشي مصدق بلي راه مشلول ....
مراد: حايب نشوف بابا وينا وينهم ...
الطبيب: عندك سمانة وانت غايب علينا اصبر لازم نديرو تحاليل من بعدها نخلو يماك تشوفك  .....
مراد : ثلت يما وينو بابا علاش ما حكيتش عليه ....
الطبيب: باباك مزالو في غيبوبة ما نعرف لا افيق منها ولا لالا ....
مراد حزن بزاف كي سمع هاذ لكلام ...
الطبيب: ماشي وقتها لازم تكون عندك كوراج اصلا انت راك نجيت بأعجوبة مزية حبيبتك مدتلك كلية والا موحال راك هنا عايش بينا ...
الفرملية: دكتور ياك قالت بلي ممنوع تقول عليها ...
الطبيب : انا ما عنديش هاذ المعلومة ...
مراد : شكون حبيبتي احكي حايب نعرف كلشي ...
الطبيب: انا لي نعرفو قلتو قاتلي بلي حبيبتك هي سمرة شوية وعينيها كبار ممكن قالتلهم ما تحبش انكم تعرفو مي انا ماكنت علابالي بهاذ الشيء ...
الفرملية: هي قالت بلي اذا تعرف ماكش رايح تقبل مالة قلنا بلي راجل هكذا مكانش اي مشكل وصلا مكانش عندنا حل اخر يا نقبلو بيها يا انت تموت ....
مراد سكت وقالهم : وذرك واش لازم نعملو ......
الطبيب: بعد الفحص والتحاليل نعرفو اذا ممكن تقدر تروح وترجع دير رياضة باش تقدر تعاود تمشي كاين طبيب مختص في هاذ الشيء رايح اتبعك في كل خطوة منها ...
مراد حرك راسو وقبل بكلامو ...
خرج الطبيب وقعد يحكي مع الفرملية...
الطبيب: المرة الجاية لازم تعلموني بكلشي ماشي تخلوني قدام المريض وتقولو هاذا ايه وهاذا لا ....
عاودت دخلت عندو باش تنحيلو الدم شاف معاها ....
مراد : وينو بورطابلي ....
الفرملية: حوايجك كامل داتهم يماك كي نخلص ذرك نحكي معاها ......
كي خلصت خرجت وهو قعد اخمم ؛ شكون فيهم سلمى ولا ميسون ...
كون جات سلمى كيفاش حتى خلاها وائل؛ ممكن على خاطري يقبل انها تمدلي  مورصو منها !!!!!...
حتى انو داير فيا الثيقة ما قاليش ما تجيش لدار ....
وميسون كون جات هي راهي بعثتلي ميساج ؛ اه لا بورطابلي مكانش ....
شاف مع رجليه : شكون ذرك لي رايحة تقبل بواحد معوق ؛ حتى وان قالي مؤقت مي الواحد منين علابالو بلي صح ....
اطلع وهبط في التخمام ؛ شافها جات ومعاها بورطابلو في يدها ....
الفرملية: هاو ليك يماك راهي ميتة بالفرحة تستنى غير ويكت تدخل تشوفك ...
تبسم معاها  وشكرها ......
حل البورطابل لقا بزاف لي آبال ولي ميساج ......
اقلب فيهم ما لقى حتى ميساج من ميسون ولا حتى عيطتلو ....
مي لقا بزاف لي ميساج تاع سلمى ...
كل ميساج تقولو كون تموت نقتل روحي موراك .....
حتى انها كتبتلو مزالني نحبك....
مراد : مزية واحد ما عندو المود باس سينو خلات والله ؛ هاذي ذرك ماهيش رايحة تطلقني تعافني ماشي ناقصني مشاكل يا ربي ....
حل لي فوطو وقاعد اشوف في الفوطو تاع ميسون حتى وان علابالو بلي راهي بنت المشعوذ الا انو توحشها وحايب يسمع صوتها ....
عيطلها وتمنى ترفد عليه ....
ميسون : الحمد لله لي راكي مليح تقلقت عليك بزاف مراد ....
مراد : باين على بيها بعثتيلي ميساج ولا عيطتي ...
ميسون تبكي وتسيي تخبي عليه ...
مراد : علاش راكي تبكي قولي ...
ميسون : كنت حابة نشوفك حتى وان كانت المرة لخرى ؛ اذا غلطت معاك اسمحلي ماكنتش حابة نكون طرف في هاذ الصراع ؛ صح مع لول طلبو مني نتقرب منك ولا من وائل، مي الحاجة لي ما كنتش حاطتها في لحساب انك انسان مليح بزاف وانا غلطت معاك وعلابالي موحال تسامحوني....
مراد قلبو وجعو عليها : حاسك بيك حاجة ميسون احكيلي ...
ميسون : ممكن ما تزيدش تسمع صوتي ولا تشوفني مي حابة نقولهالك ؛ مراد انت اول واحد دخلت لقلبي ....
مراد : حبسي حبسي واش بيك شغل راكي تودعي فيا ؛ ميسون واش لي كاين قولي ....
ميسون: بابا راه زعفان مني وقادر يديني بعيد على هنا على بيها قلت ممكن آخر مرة نحكو ونقولك واش في قلبي ...
مراد : لا ما تقوليش نهار نشوفك قولي لي تبغي....
اما على باباك قوليلو الشيء لي بغا باش يخطيك باين احب يعرف كاش حاجة علينا ....
ميسون تفلقت بالبكا وقطعت عليه غلقت التليفون كامل ....
مراد قعد حاير علاش دارت هكذا ما لقاش كيفاش يتواصل معاها ......
#يتبع 😈