🕯السحر الملعون 🕯
#شيطان زوجي 2
#صونيا
🤍الحلقة 70🤍
********************
كانت في حضنو بعد ما هربت من دارهم ترجف من الخوف ما علابالهاش واش لازم تعمل ؛ ميسون خايفة من ردت فعل باباها .
مراد : ما تخافيش بابا وعمي حسام يلقاو حل راني متأكد...
ميسون : كون غير زدت تحملت مي ما قدرتش راهويطلب مني نكون في بلاصتو او باش يقبلو لخرين لازم انت تموت ؛ انا موحال نعملها كل يوم ضرب سبان مالة هربت وجيتك ....
هز يدو يمسحلها على شعرها ؛ حست بالأمان حتى انها رجعت كالم ماهيش ترجف ...
شاف فيها نحالها شعرها من على وجها وقعد يتأمل في عينيها .....
ميسون : في بالك واش هو الحل مراد قول ...
مراد: نقول لبابا يخطبك من عندهم نزوجو او صايي تقطعي علاقتك بيهم نهائيا ....
ميسون : مستحيل تصير هاذ الحاجة يقتلني ولا امدني ليك ....
مراد : او كيفاش مالة اه ...
ميسون: كاين فرد طريقة .....
مراد : لي هيا !!!!؟؟؟؟
نديرو كلشي بالسر لازم دارنا ما يعرفوش ؛ ولا نحطوهم قدام الأمر الواقع ....
ناض مراد دار شاف معاها ...
مراد : موحال ندير لحرام انااااا ياك قتلك من قبل ميسون ...
ميسون: نديرو فاتحة نزوجو ساهلة....
مراد : اصبري نحكي مع بابا ميسون ما لازمش نتسرعو ....
راح جاب بورطابلو وعيط لطارق ....
حكالو الشيء لي صرا ....
طارق : ميسون عندها الحق موحال امدوهالك ذرك نشوف مع حسام ونقولك ...
رجع ليها مراد لقاها رقدت كيف الطفل الصغير تعبانة جا بحذاها عنقها وغمض عينيه ...
شوية هكذا جاتو سلمى في منامو مدت يدها وداتو لواحد الدار حذاها جبانة شاف راجل كبير في لعمر حذا قبر طفل صغير قاعد يحفر وحط حوايج فيه ...
دخلاتو لذيك الدار شافها معلقة من يديها ورجليها وعذبو فيها جسمها كلو د.م ...
مراد: ميسون واش عملو فيك ...
راح باش اخلصها شدوه بزاف ليدين وطيحوه في لرض وقعدو يجبدو فيه حتى انهم حبو يقبروه وهو حي .....
تخطف لقاها حذاف تفيق فيه ودموعها على خدها ....
مراد : واش كاين علاش تبكي ...
عرات على ذرعيها شاف بلي كاين راطراس تاع لحبل....
ميسون: راه احوس عليا مراد ...
مراد : كيفاش درتي لروحك هكذا ميسون ....
واش صرا احكي ...
ميسون : احكي واش شفت نحب نعرف كلشي قبل ...
حكالها الشي لي شافو بالضبط ...
ميسون : تعرف الشيء لي راه مع سلمى جندي تاع مازر باش ينقل الاخبار ؛ اما انا بابا راه بعثهم احوسو عليا راهم اعذبوني حتى وانا راقدة.
الجن افضلو وحدة فيارج هكذا يمتلكوها وهنا يرجع كيف الن العاشق اما في حالات أخرى باش ؤقدرو يتحكمو فيها اذا كانت مرتطبة تصعب شوية .
لقبر لي شفتو هو لي نحوسو عليه هو لي فيه كلشي ؛ تعرف مراد جدي كي مات قتلوه لابوليس ما نعرفش حتى وين راه مدفون ؛ قالي بابا باش الناس ما تنتقمش منو يدفنوه في قبر واحد ما يعرفو وبلا اسم ثاني ...
مراد استغرب من كلامها ورجع يستغفر في ربي.
ميسون هبطت راسها : هلابالي تقعد هاذ الحاجة عائق بينا تقعد طول حياتك انت تشوف فيا بهاذ الشوفة تاع استحقار ...
قرب منها ضحك باسها على فمها وقال : عندك الحق في حاجة ميسون ...
قعدت تشوف الدموع دارو في عينيها كانت متأكدة بلي رايح يقعد يستحقرها مهما واش صرا بينهم ...
مراد : كاين حل واحد باش تكوني تاعي باش تبطلي من هاذ التخمام العيان ؛ باش تعرفي بلي انا نحبك وكي تحكي نامنك في كلشي ...
قرب ليها ؛ زاد قرب ...
هي ترجع لور وهو ازيد أقرب...
ميسون : جامي درت حاجة من قبل نوعدك ...
مراد : عارف مي ذرك رايحة تولي تاعي وحدي ...
بلا ما أزيد حتى كلمة حط شفايفو على رقبتها وهي بلا حتى ما تبعدو استسلمت ليه بكل بساطة ....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
