السحر الملعون " الجزء الثاني تابع لشيطان زوجي "

الحلقة 15

🕯#السحر الملعون🕯
#شيطان زوجي 2
#صونيا
🤍الحلقة 15 🤍
************
وينو باباك قول كان معاك رحتو في رحبة ثلاث ساعات وحنا نحوسو عليه يا ربي وين غبر  ؛ حسام مسكين قلبو رهيف وحساس بزاف وين وعلاش راح ....
قعدت تبكي في حضن ولدها ماشي فاهمة واش راه صاري في راجلها ....
دخل عليهم حسام وجهو مقلب دارت ليه راحت تجري ....
هند : حبيبي وين كنت والله قلبي رايح يتفلق من الخوف عليك ....
حسام شاف مع وائل: انت ما كنتش معايا في دار جدك !!؟؟؟؟
وائل: لالا كنت مع مراد حتى نشوف فيك هزيت الوطو وديماريت عندي ثلاث ساعات وانا نحوس حتى خالتي زينب ومراد راهم احوسو خلعتنا ....
حسام شد هند من يدها وداها موراه : لازم نحكو في بزاف صوالح ....
دخلو لصالو وعيط لوائل ثاني ....
قعد وجبد كلشي جابو من عند ام زينب ...
هاذو صوالح ملاك اه قصدي زينب ..
وهاذو صوالحي ؛ بابا كانت عندو مرا ثانيه زوجها وجاوبني اناااا من بعد لعب اللعبة وقالهم بلي متت وداني عند يما لي رباتني ....
هند : حبس حبس واش راك تقول واش من ام ثانية ولي رباتك سور طحت على راسك انت ....
وائل: هاذو دفتر العايلة زوج تاع بابا ...
قصدي نساه في زوج كانو يعرفو بعضاهم مي هو دار شرط بلي وحدة ما تقرب لوحدة ...
كنت نحوس على حوايج اي دليل اقول عكس واش قاتلي ام زينب لقيت بزاف رسائل كاتبهم بابا بأسمي وخباهم شغل كان حاس بلي رايح اموت ....
انا اول طفل عند هاذ لمرا خاف عليا وداني عند يما رجعت فرد طفل في وسط ربع بنات ....
يما الحقانية هي لي ربات زينب ....
هند مشوكية ماشي مستوعبة اي كلمة قالها .....
هند : مستحيل حسام هاذ لكلام ما يدخلش لعقل والله ....
حطلها كلشي قدامها اكثر من 15 رسالة يحكي فيهم حكايتو ...
هزت تشوف تقرا حتى هزت الورقة المتعلقة بزينب ؛ تقرى وتبكي وتقول: مستحيل تكون لا مكانش منها قولي كلشي لي هنا مزور قول بلي راني في كابوس ورايحة نفيق منو حسام وائل ياك راني نام قولو .....
حسام قرب ليها: لالا ماشي تنامي زينب ختك لي كبر منك زينب من دمك ولحمك هاذا هو الواقع و اذا تتقبليه اكون احسن ليك وليا ؛ انا تقبلت الموضوع اصلا كون نخمم اكثر من هكذا نهبل ونهبل تاع الصح ....
وائل: واوووووو العايلة تاعنا كارثة أسرار في كل بلاصة ماكانش حاجة صحيحة ويترى انا نطلع ولد شكون في لخر ....
حسام وهند شافو معاه؛ حسام عقد حواجبو بأن عليه الغضب....
وائل: غير نقصر بابا كنت حايب نضحكم....
زينب تعيط وتعاود حتى رفد عليها حسام ....
حسام : زينب رفدي ولدك ويماك وارواحي عندنا نحتاجك....
شافت معاه هند واحد الخزرة حتى لحمو تشوك ....
هند : مزالني مانيش مستعدة نواجهم علاش قلتلها تجي قول باغيني نقطع قشي حسام ...
حسام : لعمر راه يجري هند الوقت ما يرحمش مانيش حايب يقعد سر مخبي فهمتي لازم نفهم لحكاية كامل من هاذ لمرا قصدي يما حتى وان جاتني ثقيلة نقولها ما عندنا وين نهربو من الحقيقة هاذو من لافامي تاعنا وحنا لازم نلموهم ....
وائل: انا نخرج بابا وعدت سلمى نطلع معاها تشري اذا مكانش مشكل ...
حسام : ايه روح ولدي انطهلا في روحك برك ....
راح وائل تلاقى سلمى ؛ طلعت معاه في اللوطو شاف فيها ....
وائل: غير الخير رايحة لكاش عرس انت واقيل ....
سلمى: علاش راك تقول هكذا ما عجبكش لبستي ولا مكياج قول ....
وائل: في زوج ونهار نروحو للبيتزيريا نلقاك هكذا والله ما تدخليها آخر مرة نحكو في هاذ الموضوع....
سلمى : مي علاش راك مقلق اه وترجع كلشي فيا علاش ...
وائل: الدنيا مخلطة في الدار راسي وجعني صاحبت ماما رجعت ختها ولي كان صاحبي رجع ولد خالتي او ذرك خرجت عندي جدة وخرى واوووو العايلة كبارت ضربة وحدة هههه ....
سلمى : اه كيفاش صرا هاذ الشيء كامل أو زيد كيما كنت نحكي معاك وانت رقدت كانت معاك وحدة تغنيلك سور يماك في بالي وعيطت عليا في التليفون....
شاف معاها مستغرب
#يتبع 😈