السحر الملعون " الجزء الثاني تابع لشيطان زوجي "

الحلقة 69

🕯السحر الملعون 🕯
#شيطان زوجي 2
#صونيا
🤍الحلقة 69🤍
********************
وائل مقلق على حالت سلمى ؛ خلاها مع هند وراح جاب ذاك الشيخ ....
غير ما دخل شافت معاه وضحكت 😏
سلمى : عاودت رجعت يا شيخنا ؛ غير انا لي نقتلك ...
صوطات عليه وكانت هازة موس قريب قتلاتو ....
حكمها وائل بكل قوتو او غلباتو ...
الشيخ : هاذ المرة كنت قريب صح باش تاخذ روحي ؛ كون تخلي هاذ البنت مسكينة ....
سلمى : هاذي هي لي تصلح ندير فيها واش نحب كنت مهدي الوضع مي تبالي ذرك نشبكها احسن هاهاهاهاها ....
وائل: واش بيك هبلتي علاش تحكي هكذا ....
الشيخ: ماشي هي لي تحكي راه هو؛ هو لي حارس السحر الملعون ؛ هو سباب كلشي صرالكم ؛ ذرك راه باغي يدي روحي باش ما نقدرش نكشفو ونحرقو......
سلمى : هاهاهاها موحال تكشف حاجة اصلا لي كانو يعرفو كامل ماتو بفضلي....
يعني لي بقاو كامل ملكي انا نديهم بالواحد اولهم ....
او دارت عند وائل عينيها معمرين شر وحقد شغل صح ماشي هيا حتى تفاصيل وجها تبدلت ....
وائل: بغيت روحي راهي ليك مي شرط تحبس اللعنة خلي عايلتي تعيش مرتاحة .....
الشيخ: موحال دير معاه عقد اخر انت راه يخدعك كيف خدع لي قبلك راكم اوصلتو لهاذ الحالة غير من كذبو ؛ كل ما تمدلو واش يطلب صدقني احب اكثر واكثر مالة لازم نقطعوه من جذورو هاذ الملعون .....
سلمى بدات تبكي وتعيط هزت راسها قعدو عينيها يدمعو بالد.م ....
شات في هند : انا حايب جنة هي ملكي ورايح نيدها امها مدت حياتها مقابل بنتها مي انا ندير كلشي باش نديها ....
هنا بدا ذاك الشيخ يقرأ في القرآن ويطلب منو انو يخرج منها .....
الشيخ رجع خطرتين في الشهر اجي ارقيها ؛ سلمى قعدت هكذا مريضة دوجي عليهم حتى انهم حطوها في غرفة وحدها ؛ هند تقوم بيها وخطرة على خطرة سلمى تتهجم عليها ......
***********
فاتو 4 سنين وهوما على هاذ الحالة ...
طارق رجعتلو صحتو رجع يمشي على رجليه وحوس من وين بدات ذيك اللعنة هو ميسون ....
مراد طايح لوv في ميسون يعشقها وهي كيفو ....
وائل مالقا روحو بين سلمى ولى بين بنتو لي ذرك كبرت تحوس تعرف علاش ماماها وحدة ماتت وحدة محبوسة في بيت ما تقدرش حتى تشوفها من غير تحكي معاها مور الباب ....
سلمى استغلت الوضع وقربت جنة ليها .....
هند رجعت بين دارها ودار لولدها حسام كل يوم يضعف ويمرض على لي راح......
*******************
طلع نهار جديدة ؛ فتحت عينيها لقات روحها في بيت ماشي عارفة واش صرا وعلاش راهي هنا ....
ناضت من السرير توجهت عند الباب ناضت تعيط عليه باش يفتحلها الباب....
قربت جنة وقالت : ماما سلمى هاذي انت ......
سلمى : شكون انت واش تعملي هنا في داري .....
جنة : ماما هاذي انا جنة قالولي راكي مريضة؛ كل يوم نجي نحكي معاك هنا ....
سلمى تسمع في كلامها بلا ما تقول حرف تخمم يعني شحال من وقت وهي راهي في هاذ البيت ....
وهي تخمم تفتح الباب عليها ؛ كانت قاعدة في لرض هزت راسها شافتها طفلة صغيرة شعرها طويل حرير شقرة عينيها زورق ؛
سمية وهي صغيرة ....
جنة طلقت يد باباها وترمات في حضن سلمى ....
سلمى تبكي وتبوس فيها وجنة ثاني تبوس فب ماماها سلمى : وائل واش صرا قولي ....
وائل ضحك شاف معاها : كنتي مريضة وقت طويل مي ذرك الحمد لله باين بلي بريتي وراح ذاك الشيء منك .....
ضحكت معاه وفي عينيها شيء غريب واحد ما حسو من غيرها .......
#يتبع 😈