🕯السحر الملعون 🕯
#شيطان زوجي 2
#صونيا
🤍الحلقة 93🤍
******************
راقدة مع جداتها ؛ حتى ناضت تعيط وتبكي ...
هند : بنتي جنة مالك علاش تبكي ؛ بالشوية خوك راه راقد راهي 2 تاع الليل ...
جنة مسحت دموعها : ماني جدو لي جا هنا راح كان اقولي عاونيني من بعد راح حن لعجوز هاذيك راحت ...
هند : حاجة مليحة هاذي يعني ذرك ما تزيديش تخافي وتولي ترقدي الليل كامل ...
غطاتها ؛ وحطت راسها حذاها تخمم في كلامها ...
اما هي تحس روحها مليحة كانت ديما مقلقة وديما تشوف حسام غير هاذ الليلة ما شافاتوش حتى انها ما تقلقتش كي ما شافتوش ...
هند رتاح بالها لأول مرة من لي مات حسام ...
****************
زينب شادة اولاد مراد كانو كامل راقدين حتى ناضت أميرة تبكي ما حبتش كامل تسكت ...
طارق : مالها الطفلة جامي بكات هكذا ...
زينب : والله ماني عارفة حتى الحمة ما كانش راني حايرة فيها ...
هزتها ورجعت دور بيها في لاشومبر والطفلة ما حبتش تسكت ؛ كي خرجت منها راحت لصالو سكتت وحبت ترقد هنا زينب قلبها ما طمنهاش..
رجعت عند طارق باش تقولو ؛ أميرة رجعت تعيط وتبكي حتى قاتلو : هايا نروحو لصالو ثمة كي وصلنا شدها النعاس ...
هزو لولاد وراحو لصالو قعدو ؛ لولاد رجعو رقدو ....
طارق : اصلا انا ما رقدتش ما جانيش الرقاد كامل ...
زينب : فاش راك تخمم من قبيل نشوف فيك مقلق حتى انك ما تعشيتش ...
طارق : غدوة نحكو فيها الليلة راح الحال أرقدي مدامهم راقدين لولاد ...
قعد اخمم في سؤ حواس اذا كمل ولا مزال ؛ طارق احب غير اشوف ضوء الشمس باش اروح ليه ديراكت ...
طلع النهار ومع ضوء الشمس لولة ركب في الطونوبيل تاعو وراح لدوار مع لحق لقاه مرمي على لرض غارق في د.مو ..
سي حواس ميت مطايش على لرض ولقبر مفتوح وخرج كلشي لي فيه كل السحر كان مرمي على برا ؛ هنا فهم كي قالو ارواح مع لابوليس الصباح وفهم بلي سي حواس كان علابالو بلي رايح اموت ....
وبلا ما يستنا عيطلهم خبرهم بلي كاين واحد ميت ...
بضع دقايق كانو في المقبرة شرطة إسعاف بزاف ناس حاضرة ؛ وطارق قاعد يحكيلهم الشيء لي يعرفو....
دات الإسعاف الجثة تاع سي حواس للتحليل الجنائي باش امدو تقرير على سبب الوفاة تاع اما طارق راح مع الشرطة باش يدلي بالشهادة و واش يعرف على هاذ لحكاية ؛ لانو الشرطي ما قدرش أصدق واش قال طارق جاتو حكاية اخترعها من راسو ....
غير لحقو لمركز الشرطة جبدو دوسيي تاع سي حواس لؤ كان عندهم بلي مات بطلق ناري من قبل الشرطة ...
خرج التقرير الطبي وتأكدو بلي هو سي حواس ....
الشرطي : علابالك سي طارق كيفاش مات هاذ الراجل ...
طارق : لا انا كي لحقت لقيتو على لرض غارق في دمو...
الشرطي : الطبيب الشرعي أكد هوية الضحية لي خو نفسو سي حواس لي كنا نعتاقدو فيه مات من عوام و قال لقاو سم في جسمو تاع كوبرا ما اعدل 10 افاعي ؛ اما على الجروح لؤ في جسمو قال شغل واحد كان مخيط ونفك هاذاك الخيط وصرالو ايموراجي ...
حتى الطبيب حاير في جسمو وقال بلي تعذب بزاف وهاذ الشيء كامل صرالو وهو حي وتحمل كلشي حتى قتلو السم في النهاية ...
اما الشيء لي خرج من لقبر قصدي السحر لي لقيناه فيه بزاف تصاور ناس عايلات كبار وصغار ربي يسترنا من عباد كسف هاذو ويأخذ فيهم الحق...
طارق : انا عن نفسي سامحتو لانو كان عارف نهايتو ومع هكذاك كمل فيها ودار لي عليه ......
كمل كلامو مع الشرطي ؛ وقع على اقوالو وراح اروح ...
خرج طارق من مركز الشرطة ركب في طونوبيل حتى شاف ميساج تاع زينب: ( أميرة ماهيش مليحة ؛ ما حبتش تسكت كامل رايحة نديها لطبيب ) .....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
