🕯#السحر الملعون🕯
#شيطان زوجي 2
#صونيا
🤍الحلقة 23🤍
****************
مشوكية من كلامو قعدت حالة فمها وعنيها فيه ...
وائل: حاجة من الزوج يا ديري واش قتلك وهنا نتأكد بلي انت تاعي ومحال واحد آخر يديك ؛ يا تهزي صاكك وبرى شغل جامي عرفتيني ...
دار خلاها وفي فمو ضحكة خفيفة ؛ دخل لدوش قاعد يغسل؛ راسو داير من الشي لي شربو ...
دار الما على وجهو مع حل عينيه لقاها موراه تشوف فيه ؛خزراتها حادين باين بلي رايحة دير كارثة اليوم ...
كوثر : قتلك ابعد عليها هاذي ماشي تاعك ....
وائل: كون ندور نلقاك واقفة ولا نشوفك غير هكذا في لمراية انا نحب نواجه وتعرفيني ...
دار ما لقا حتى واحد ضحك وخرج من الدوش ....
ويا ريتو ما خرجش؛ لقاها نحات قشها قعدت غير بالدو بياس تستنا فيه والدموع على خدها ....
قرب ليها هز يدو مشاها على كتفها لحمها شوك ....
وائل: هاذ الدموع علاش قلنا تكون أجمل ليلة في حياتنا لا ...
وزيد نورمال كيف راكي تحبيني كيما قلتي تكوني فرحانة ماشي تبكي راكي مع حبيبك ونولي راجلك تعرفيني عند كلمتي انااااا ...
سلمى : كنت متمنية تكون هاذ الليلة نهار عرسنا فهمت هكذا تخيلتها ماشي بهاذ الطريقة شغل قاعدة نسرق ...
هبطت راسها ما حبتش تشوف فيه ....
حكمها عنقها ونحا لافاست تاعو وغطاها....
وائل: انا ولد فاميليا ماشي ولد حرام وموحال نقيسك وانا ماشي راجلك هاذا درتهولك تاست حبيت نعرف الحقيقة لي راكي مخبيتها عليا مي عرفتها وتزيدي تكذبي ولا تخبي عليا حاجة تموتي بين يديا فهمتي ...
وذرك لبسي الخاتم لي شريتلك حتى نهار الخطبة نجيبلك لي خير منو ....
فرحت وغطات روحها قدمت ليه دخلت بين ذرعيه حست بالأمان هكذا ...
تنهد وائل وعنقها...
وائل: لبسي كاش حاجة وهايا نرقدو انا تعبت بزاف ....
رقدت في حضنو متهنية؛ ذرك صايي مهما واش كاين موحال رايح اشك فيها ؛ مي وائل انسان ذكي بزاف موحال تفوت عليه هكذا صح صدقها ذرك مي الايام تورينا كيفاش الكذاب اطيح في الحفرة ....
*********
راقدين في سابع نومة حاسة يدين يخنقو فيها ..
حلت عينيها لقاتها فوقها كيف ما وصفتها من قبل : عينيها حومر وفمها كبير ضحكتها تخوف ...
وجها في وجه الظل وهي تتخبط سيات تنوض مراد ما لقاتوش ...
عيات كيف ادير باش تنحيلها يديها والو ....
كوثر : كيف ما قلتي وكذبتي ذرك تخلصي ....
مراد خرج من الدوش شافها تتخبط راح انوض فيها ....
مراد : آية نوضي واش بيك شواربك زورق فيقي ...
احرك فيها وهي والو غير تتخبط ؛ رجع يقرا في القرآن وسمي بسم الله حتى رجعت لطبيعتها ....
آية : اه اه اه قريب قتلتني والله يا يما واش هاذا ....
مراد : على من راكي كنتي تحلمي واش بيك ....
آية: وحدة كانت تختق فيا حابة تقتلني ...
هز شعرها رقاها متراسية بصباع رقبتها كامل ثلاث صباح تالمو شوكا رجع للور ...
مراد : واش هاذا كيفاش جاوك هاذو اه احكي ....
آية: منين علابالي كنت راقدة معاك حليت عينيا ما لقيتكش شفت وحدة فوقي بدات تخنق فيا 😥😥😥😥
مراد : ما تخافيش حنا مالفين تصرالنا هكذا حتى ماما كي كانت صغيرة حكاتلي جدة ....
آية : خالتك زينونة تهبل مي ما تشبهش ليماك ...
مراد : ماشي وقت لكلام عليهم هايا تروبوزي غدوة ونحكو على كلشي .....
عينيه يتغلقو بالشوية حتى قاعد اشوف في واحد طويل بزاف بزاف حذاها اكاريسي في شعرها ....
ما قدرش يحكي غير اشوف هي ما تتحركش مدتلو بظهرها وهاذاك واقف عندها هز راسو في مراد وقال : هاذي فريسة شابة مانيش فاهم واش وصلها عندكم مي جات برجليها......
مراد حايب غير يحكي ما قدرش ...
الظل : انااااا مازر ذرك مدام تجملتو رجعنا نلعبو مع بعض 😏
حكم هبط عليها وعضها من رقبتها مي هي ما دارت حتى حركة شغل كانت مكتفة ...
شوية هكذا تحركت ودارت عليه كان وجها كامل مبدل عينيها كحالو بكلهم كي فتحتهم تخلع مراد وطاح من السرير....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
