🕯السحر الملعون 🕯
#شيطان زوجي 2
#صونيا
🤍الحلقة 72🤍
********************
حاكمة تلعب بشعرها لي لونو لون الذهب ؛ تلفو على صبعها وتترك ؛ جنة استسلمت لنوم في حضنها .
سلمى بالشوية نحات ايدها من تحت راسها .
خرجت راحت ديراكت للكوزينة ؛ شافت مع هند وقالت : انت علاش توجعي في الطفلة.
علات صوتها باش حسام وائل يسمعو هدرتهم .
هند : واش راكي تقولي انت مانيش فاهمة كلامك ...
سلمى : وراتلي ذراعها كيفاش حتى زرقتيها راهي غير صغيرة على الضرب ..
جا حسام وائل باش يعرفو واش كاين ...
حسام : علاش صوتكم طالع ...
هند : راهي تقول انا نضرب جنة واقيل هبلت هاذي ...
سلمى: كنت نرقد فيها شفت زروقية في يدها كي سقسيتها قاتلي يما هند لي دارتلي هكذا....
حسام شاف معاهم : اسمعو بركونا من الخرطي هاذا واسمعي انت مرتي موحال تاذي كبدتها سمعتي ....
ناضت جنة تبكي من هاذ الحس راحت جابتها سلمى ورجعت تسكت فيها ...
قرب حسام منها شاف واش في يدها وقال : جة حبيبت جدو شكون عمل فيك هكذا ...
جنة شافت مع سلمى ودارت بصبعها جيهت هند من بعد تجبات في حضنها خايفة منهم ...
حسام ماشي مصدق واش شاف وطلب من هند اروحو لدار ...
هند : انا موحال ندير حاجة هكذا فهمتو المهم راني رايحة ...
وائل: ماما ما تروحيش اقعدي موحال نأمن بلي انت قبيل حكاتلي وقاتلي لعجوز ممكن ماشي عارفة اصلا واش راهي تحكي ...
هند : حبيب يماه لام نروح لداري انا ثاني نرجع مرة خرى ان شاءالله...
جات تخرج راحت جنة تجري ليها باستها وحضنتها قدام سلمى ...
خرجت هند روحت لدارها ؛ هنا سلمى حست انها اخيرا قدرت تتخلص منها خلاتها تروح لدارها .
وصلو لدارهم حست هند انها كانت ثقيلة على سلمى ؛ ممكن حابة تكون وحدها مع راجلها وهاذ الشيء من حقها ...
راحلها الزعاف كسف خمت بهاذ الطريقة ...
حسام : مانيش فاهم علاش البنت قالت هكذا ...
هند : هي متأثرة بزاف بسلمى مي معليش خليهم على راحتهم احسن ....
طلعت تبدل قشها حست روحها تاعبة تمدت فوق السرير ...
غير ما غلقت عينيها شافت سمية قاعدة في الظلمة وتبكي ؛ قربت ليها باش تحكي معاها هزت راسها لقاتها عينيها كامل بالد.م .
سمية : كيفاش خليتلك آمنة وانت درتيلها هكذا علاش با هند ...
فطنت هند على هاذ لكلام لقات بلي رقدت ساعة من الوقت حارت كيفاش فاتت هاذ الساعة ...
طلع حسام احوس عليها لقاها مقلقة ومحيرة من واش شافت ...
كي حكاتلو قال : ممكن انت ماشي راضية تخليها عند سلمى ؛ مي باباها راه ثمة ما تخافيش او زيد حنى مرة على مرة نروحو نزوروهم.
هند علابالك انا ثاني نحلم بزاف بواحد لبلاصة عندي عوام وانا هكذا ؛ وكل مرة نكتب بالتدقيق الشيء لي نشوفو كون نلقى ميسون نوريهوملها بويسك شحال من مرة نشوفها هي ثاني ....
هند : علابالك انا عييت من كلشي حابة نرتاح حسام كون نسافرو ندو ايامات لينا ؛ توحشت القعدة مع راجلي لعزيز ...
حسام : ايه فكرة مليحة حبي او وين حابة نروحو خيري ....
هند : ملي كنت حابة نروح لدبي كون غير ندو كونجي ....
مابين هوما يحكو وخططو ؛ سمعو صوت عياط شغل وحدة تعيط على طول جهدها؛ وهاذ الصوت جاي من الكوزينة...
راحو يجرو سع مكان حتى واحد فيها حارو من وين جا هاذ لعياط كامل .
رجعو لصالو لقاو لورق كامل في لرض ومكتوب عليهم تخرجو منا نقتلو وائل .
حسام مشوكي من واش راه اشوف ؛ هند خافت على اوليدها..
عيطلو حسام وحكالو واش صرا ..
وائل: ما تخافش بابا غير نروح ندير القرآن في الدار اصلا جنة ماشي كامل مرتاحة ...
روح وائل لقا جنة تتفرج وسلمى راقدة في البيت مي ما عجباتوش كيفاش راقدة كي قرب منها لقا عينيها مفتوحين وباين غير لبيض تاعهم ...
رجع انوض فيها مي والو قاعدة هكذاك بهاذيك الطريقة؛ سمع صوت قال : مدلي واحد منهم باش نخلوك تعيش ...
وائل: وينك شكون انت وين راك...
الصوت : يا تمدلي بنتك ولا ولدك خير ..
وائل: اصلا عندي بنت وحدة علا واش راك تهدر...
الوصت: الطفل راه في كرش امو خير بينهم ...
وائل: ادي حياتي انا وخليهم هوما ...
ما سمع والو من بعدها وقرر ادير القرآن في الدار ...
غير شغل البورطابل سمع عياط تاع واحد يتعذب ؛ من بعدها حلت عينيها سلمى : وائل جيت ويكت ....
#يتبع😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
