🕯السحر الملعون 🕯
#شيطان زوجي 2
#صونيا
🤍الحلقة 30🤍
**************
واقف عند الطاقة يحكي مي مع من ...
سلمى فتحت عينيها شافاتو واقف مع واحد طويل مي ملامحو ما تبانش مليح ...
سلمى : وائل مع من راك واقف ..
دار ليها شاف معاها وهز صبعو وحطو قدام شواربو وقالها (اشووووووت)
ما فهمت والو زادت قاتلو : وائل واش لي صاري ....
عاود دار ليها مي هنا وجهو متبدل عينيه كامل بويض فمو معوج ومفتوح وقرب منها وهو على يديه ورجليه غير قرب شافاتو مليح قعدت تعيط لربي لي خلقها تكمشت في الطرف تاع السرير تبكي وتعيط عينيها مغلوقين ماشي حايبة تعاود تشوف هاذ المنظر ....
شوية هكذا حست بيدين عند رجليها من الخوف ضرباتو بيهم وهو احاول اشدها منهم ....
حلت عينيها لقاتهم كامل عليها زوج طبة وائل والفرملية احاولو اهدئو فيها مي هي ما بغاتش غير تعيط وتبكي راه جاي راه قرب ....
وائل: سلمى كنتي تنامي واش لي صرالك راني هنا حذاك ....
مي شغل يحكي مع الحيط...
الطبيب: لازم نكتفوها لا تضر روحها .....
ربطوها من بعد جابولها برا شوية هكذا رجعت رقدت ...
وائل: علاش صرالها هاذ الشيء كانت راقدة عادي ...
الطبيب: عندها اضطرابات نفسية قوية ولازم طبيب نفساني اشوفها ...
خرجو كامل قعد غي وائل مي حتى هو لازم اخليها تريح ما عندو حتى معنى كي يقعد هكذا كي جا يغلق الباب شافو واقف في الشوكة ويضحك فرحان بالشيء لي عملو عاود رجع ليه غير قرب منو مازر راح ...
اووووف كل مرة هكذا نجي نقرب يهرب مي اجي نهار وندمرك ...
راح لدار وحكالهم الشيء لي صرا معاه ومع سلمى ...
هند : يعني ما كفاش واش صاريلنا وذرك راح.عندها من بكري مليحة وزادت ...
حسام : لي يدخل في لافامي يتقاس كون قلتلها يا ولدي بلا ما نظلموها معانا...
وائل: غير تفيق وتتكالما نحكيلها اذا حبت تكمل مرحبا ما بغاتش موحال نحتم عليها ...
وينو مراد وخالتي ما بانوش ....
هند : راحت عند طارق حايب اشوف ولدو ...
وائل: ايه من حقو وزيد مراد محتاج لباباه حاجة طبيعية هاذي ...
هند : مي الشيء لي دارو فينا ...
وائل قطعها : دارو فيك انت وبابا ما تقدريش تقولي لمراد بعد على باباك ...
انا عندي انت وبابا خط احمر يا لوكان اكون شكون ما اهنيش ....
ضحكت هند وقالت : جات لي رايحة تفرق بينا باين عليها ....
شاف معاها راح باسها على راسها : موحال يا ما نزوج بعشرة من بعدها اذا دارت هاذ الشيء ...
ضحكت هند : لا يا ولدي ربي اكمللكم ان شاء الله غير نضحك ربي اعمر داركم ....
حسام : ماذا بيا تعيشو معانا الفيلا كبيرة بزاف يعني كاين بلاصة واصلا كلشي راه تاعك حنا لي رانا ضياف عندك ...
وائل: ربي اطول في عمركم يا رب باين نقعد هنا وين تلقى دار خير من هاذي ...
فرح حسام لي دار تقعد معمرة احب تكون فاميلتو دايرة بيه.
طلع لبيتو حايب يرتاح شوية وخمم في الشيء لي صرا ...
دار على جنب لقاها قاعدة ..
كوثر : انت رايح تزوج وهو رايح يجبرك دير معاه عقد الد.م ..
تعرف الشيء لي داروه من قبل كامل وهكذا اللعنة تروح لولادك اذا ماكش حايب واحد فيهم اموت ...
وائل: انت ديما تجيبي غير الخبر لي ماشي مليح !!!
كوثر : ملي زدت وانا نحمي فيك منو ما خليتوش يتعرضلك كنت نتعاقب انا في بلاصتك مي ذرك ما نقدرش هاذ الشيء كثر مني لازم تخير وائل بينهم ولا بين أولادك...
زعف وائل: ماشي هو لي احتم عليا واش ندير فهمتي وديجا روحي حايب نرتاح ...
كوثر : المفتاح راه عند ميسون وطارق اسمعني ....
وائل ما رجعش عليها خلاتو وراحت ...
وائل يعرف كي كوثر ما تبانش راهو عاقبها ويا درا واش هو هاذ العقاب لي دارهولها ...
هند صونا بورطابلها مع شافت نيميرو ما تعرفوش ...
هند: الووو شكون معايا ...
ام سلمى : واش عملتو لبنتي خرجت رجعت قالولي ولدك هو لي كان معاها ....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
