السحر الملعون " الجزء الثاني تابع لشيطان زوجي "

الحلقة 12

🕯#السحر الملعون🕯
#شيطان زوجي 2
#صونيا
🤍الحلقة 12 🤍
************
صباح الخير عمري باين راك زعفان مني تعرفني نحبك ونحب نتقلش عليك ؛ وائل اهدر علاش راك ساكت .....
وائل: راهي 4 تاع الصباح غير الخير سلمى علاش ماكيش راقدة .....
سلمى: عييت نرقد وجعتني كرشي خويا داني ليرجونس هاذا وين دخلنا زعفت منك نهار كومبلي ما عيطتليش ....
كنت لاهي شوية مع دارنا وصاحبي حقى يومين ونروحو للبيتزيريا هكذا تتعرفي على والديا ذرك لازم تكون الأمور رسمية ولا واش قلتي .....
سلمى ماتت بالفرحة ما لقاتش وين تحط روحها وفي نفس الوقت خايفة اذا مراد كشما اقولو سكتت ...
وائل: في بالي ما فرحتيش خلاص مالة انساي الموضوع...
سلمى : يا خاه واش تزرب انت خليلي وقت نستوعب الأمر ولا ما عنديش حق قول؛ راني خايفة من المستقبل كشما حاجة تفسد علينا كلشي .....
ضحك وائل: علاش عمري مدامنا نحبو بعضانا مكان حتى حاجة تقدر تفرقنا ....
وهوما يحكو رجع الضو تاع الفيوزة يشعل ويطفى قعد وائل اشوف حتى تفلقت عليه عيط عيطة ماتت بالرعب سلمى ...
رجع اقولها : مكان والو طار لزجاج على وجهي مي مكان والو .....
سلمى : علاش واش صرا
....
هز راسو وائل شافها قدام الطاقة واقفة .. 
كوثر: كون تخطاك منها هي وحدة ماشي مليحة وانا مدامني نعس عليك لازم نخبرك .....
حط التليفون جاه شغل حلم عينيه يتغلقو بالشوية ....
سلمى : الوووووو الووووو وينك ...
وائل اهدر علاش سكتت وينك ....
سمعت شخير عرفت بلي رقد حكمها الضحك ما بغاتش تقطع عليه حطت الكيتمان في وذنها وقعدت  تسمع فيه كيفاش يتنفس وخطرة على خطرة يشخر .....
شوية سمعت صوت غريب عندو قعدت تسمع مليح طلقت وذنيها صوت مرا تغني مي كلامها ماشي مفهوم كامل رجعت تقول الوووو الوووووو شوية وسمعت عيطة حتى نحات الكيتمان من وذنيها رجعت لول في فراشها .....
وجها رجع بيض كي الشمعة من الخوف .....
يديها يرجفو رجعت شدت الكتمان رجعتو في وذنيها وعاودت تسمع مكان والو مي الخط مزالو يمشي ما تقطعش سمعت مليح لقاتها نفسها تغني ما حبتش تعاود تهدر خافت ......
شوية وهذاك الصوت راح رجع وائل يشخر عادي هنا سلمى رجعت قالت الوووووو وائل......
تقطع التليفون في وجها ما فهمت والو ترعبت من واش صرالها .....
قعدت تخمم شكون هاذي سور يماه مي علاش عيطت عليها وعلاش ما كوباتش هي في تخمامها وتليفون صونالها لقاتو هو عاود عيطلها .....
رفدت عليه  ....
سلمى : اذا راك تتمسخر يعطيك الصحة رعبتني والله ما حق عليك .....
وهنا تسمع فيه راقد كيف ما كان خطرة يشخر وخطرة يتنفس مي الصوت تاعها كاين وراهي تغنيلو وتمهمه بكلمات ماشي مفهومين وسلمى جمدت في بلاصتها ماشي عارفة واش تعمل ....
من بعد راح الصوت رجعت قالت الوووووو
كوثر : انت كون ديري حاجة فيه ولا غير تاذيه ولا تمسي شعرة منو ندفنك وانت حية حتى قبرك واحد ما يعرف مكانو ....
سلمى:  شكون انت الوووو علاش قلتي هاذ لكلام ....
وبعدها سمعت ضحكة طويلة وتخوف شغل راه شاعل فيلم رعب وقالت سور هاذي لعبة دارها مع يماه اشوفو اذا نخاف ولا لالا ....
تقطع في وجها التليفون عيات ترقد ما قدرتش قعدت تخمم في الشيء لي صرالها ماشي مصدقة اذا صح حقية ولا كانت تتخايل ...
********** طلع النهار حكايات جدد أحداث جديدة وبالطبع مشاكل اخرى وجديدة من الفور 😇...
جات زينب مع مراد كانت مصممة تحكي معاهم على السر لي راهي مخبياتو ....
دقت الباب فتح وائل شوكا كي شافهم مع بعض جايين على صبحت ربي ...
سلم عليها ودخلهم ...
هند : شكون يا ولدي جات خالتك فتحية قولها تجي راني في الكوزينة.....
دخلت زينب موراها موراد و وائل ....
مع دارت جات عينها ديراكت في مراد ....طاح الكأس من يدها كي شافاتو ... زينب نخلعت من ردت فعلها وقالت مع روحها: سور وائل خبرها ما قدرش أشد السر يا ربي كيفاش ندير انا ذرك باش نفهمها ......
هند قربت منو بالشوية  حتى وصلت ليه هزت يدها مستلو وجهو ....
هند : شكون انت علابالك انت وجهك طبق الأصل على بابا ربي يرحمو سبحان الله كي شفتك حسبتو هو لي دخل عليا ....
زينب زادت شوكات كثر دموعها طاحو شغل فهمت او ما فهمتش ...
#يتبع 😈