🕯#السحر الملعون🕯
#شيطان زوجي 2
#صونيا
🤍الحلقة 14 🤍
************
دخلت ميتة بالخوف عليها لقاتها مسطحة فوق لفراش في لرض زينب خافت بزاف عليها .....
زينب: يا عمري واش بيك علاش راكي هكذا في لرض خفت عليك بزاف ماما .....
هزت راسها شافت حسام قالت : انت انت لي شفتك في منامي حطت في بير غميق ....
دارت ليه زينب حايرة اول مرة تشوف حسام كيفاش شافاتو في منامها .....
زينب : ماما باين عليك تعبانة هايا نديك لفراشك ....
وقفوها هوما يتمشو وهي غير عينها في حسام حتى ترعب منها ومن شوفتها .....
وصلوها لفراشها زينب راحت تجيبلها الما قعدت هي مع حسام ....
ام زينب: شفت هاذاك الصندوق فيه كلشي اهم زينب نحبك يا ولدي توصلها لعايلتها ما نحبهاش تقعد وحدها بعد ما نموت ....
حسام: بعيد الشر عليك ميمتي ربي اطول في عمرك....
ام زينب : هكذا بذات قتلي نهار شفتك في منامي قتلي ميمتي انا حسبتك ميت نهار خلقت هكذا قالولي وداوك عليا يا ولدي .....
حكمت تمسلو في وجهو وعينيها يدمعو .....
حسام جبد لور ماشي مصدق لكلام لي قالاتو ....
تفكر ذاك لمنام لي كانت وحدة تنبش في قبر وتبكي ...
شاف معاها وقال : انت انت بالذات لي كنتي تحفري في لقبر قوليلي شكون هاذاك وعلاش كنتي تبكي ....
مدتلو يدها وقالت : حل هاذاك الصندوق تلقا فيه صوالح ختك وصوالحك....
حسام مشوكي من كلامها : كيفاش ختي زينب ختي انا ....
ام زينب: لا يا ولدي ما تحكيش قدامها زينب ربيتها بغيتك تديها لعايلتها اما انت ولدي انا وراني متأكدة كنت ديما حاسة بلي مزالك عايش يا ولدي داوك وقالولي بلي متت .....
حسام راح شاف في هذاك الصندوق لقا فيها صاشي مكتوب عليه زينب وبين قوسين (ريتاج) ....
واحد آخر حلو لقا تصاور بيبي صغير وقش صغير هز الفوطو شوكا واش هاذا عندو نفس الفوطو في الدار ...
دار ليها شاف معاها ...
حسام : هاذا شكون ومنين جبتيها قولي.....
ام زينب : هاذا انت انا لي هزيتك تسع شهر في كرشي ونهار خلقت شفتك غير مرة وحدة صوروك وداوك لعشية جاو ليا قالولي مت كنت ضعيف بزاف ما صدقتهمش حتى داوني لقبرك يا ولدي ...
وشحال من مرة نشوف راجل ثمة اروح وجي لقبرك حتى اني خطرة تبعتو لقيتو حاط حوايج ثمة مي عييت نحوس ما لقيت والو ما علاباليش شكون هاذا ما ما علاباليش علاش داوك عليا .....
حسام ماشي مصدق راه مصدوم كيفاش هاذي يما او لخرى شكون ولي رباوني شكون خرج يجري من عندها هز معاه حوايج زينب وهي قعدت تبكي وتقول وليدي مزالو عايش يا ربي مانيش مصدقة ....
زينب راحت موراه : حسام مالك واش كاين قول ....
حسام وجهو مخطوف الدموع على خدو شاف معاها وراح ....
رجعت زينب تجري عندها : يما واش بيه حسام قولي ...
ام زينب ساكتة وشافت معها وطاحت داخت...
زينب تعيط : يما يما واش بيك راحت جابت لباراي تاع لاطونسيو لقاتها طالعة بزاف مدتلها الدوا في فمها وسيات كيفاش تبلعها شوية وحلت عينيها ....
ام زينب: وينو وينو ولدي علاش راح ....
زينب ثاني يا ماما سور خلعتيه كي قلتي ولدي ذرك هو يامنك صح ...
ام زينب: لا هاذا ولدي صح حابة نشم ريحتو ونبوسو قبل ما نموت يا زينب جيبيهولي على وجه ربي ...
ما لقات واش دير عيطتلو ما حبش اهز عليها ....
خرجت قالت لمراد اعيط لوائل اشوف على حسام وينو...
********* *****
راح لدار يماه قلب الدنيا ؛ احوس على لي فوطو ...
لقاهم قعد اشوف سبحان الله نفس البيبي نفس اللبسة فرد فوطو بهاذيك اللبسة كيفاش هاذا....
حسام قعد في لرض : شكون انا شكون والديا علاش راه صاري معايا هاذ الشيء علاش .....
دموعو طايحين كيف شغل فقد انسان عزيز عليه مي هنا راه فاقد روحو فقد شخصيتو ماهوش عارف شكون اكون ولا ولد من اكون تهدم عليه كلشي الدنيا ظلامت عليه ....
هز راسو شاف واحد واقف عند الباب قالو : قتلك ما تحوسش تفهم قتلك خلي كلشي مخبي مي ذرك راك فريسة ساهلة نقدرو عليك كنت حايب نزيد نلعب معاك أكثر مي تبالي نهايتك قريبة بزاف يا حسام .....
وضحك ذيك الضحكة لي خلات جسم حسام كامل يتحسس منها ....
ثانية ودخل عليه وائل شاف معاه لقاه في حالة ماهي حالة ....
طابس عليه وقال : كنت عارف نلقاق هنا بابا قاتلي كوثر بلي راك هنا ....
حسام والدموع في عينيه قالو : شكون كوثر هاذي ثاني ....
مد وائل يدو لباباه ورفدو من لرض شاف معاه وقالو : ما تخافش انا ديما واقف في كتافك....
حسام نفض سروالو وكي رجع رفد راسو ما لقاش وائل قعد احوس عليه مكانش حار وشاف تليفون اصوني كي هز لقاه بنو ....
وائل : بابا وينك من قبيل وانا نحوس عليك تقلقت عليك بزاف قولي وينك نجيك ....
حسام ما قدرش يحكي كلامو لصق في الحنجرة تاعو ....
راني راني .... وقطع التليفون...
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
