🕯السحر الملعون 🕯
#شيطان زوجي 2
#صونيا
🤍الحلقة 35🤍
**************
قاعدة في الجنان تشرب في قهوتها كيف كل صباح ؛ زليخة لي تحرمت من اوليدها طول عمرو ؛ هاي ليك عايشة معاه كل وقت وهي معاه قليل وين تفارقو ...
مريضة عندها مدة مي واحد ما علابالو حتى زينب ؛ كانت تتوجع من داخلها حتى انها ما حبتش تروح لطبيب ....
حسام : يما كشما نجيبلك معايا رايح للبيتزيريا اليوم نطل على الخدامة ...
زليخة : لا يا بني ربي يرضى عليك ..
باسها وراح..
شوية هكذا دخلت عليها البومة ام سلمى ؛ لا سلام ولا كلام ...
ام سلمى : وينها بنتي قولي واش عملتو فيها .
زليخة: اتفضلي يا مرا غير الخير اش جرالك...
ام سلمى : كنت نحكي معاها وسمعت خبطة عييت نعاودلها ما تهزش قولي وينها . ..
ناضت زليخة وصلتها لبت بنتها غير فتحت الباب شافتها مرمية في لرض دايخة ماشي حاسة بحتى حاجة..
راحو يجرو ليها انوضو فيها ..
ام سلمى: يا يما واش عملتولها ذرك نجيبلكم لابوليس واش درتولها ....
تعيط على زليخة حكمت ناضت زليخة وقالت : بركي من لعياط وقلت الأدب تاعك واحد ما قاسها سمعتي هايا عاونيني نحطوها فوق السرير ونعيطو لطبيب ولا بنتي زينب ...
هو يرفدو فيها وسلمى فتحت عينيها بالشوية قعدت تشوف في زليخة و واحد حاط يدو على كتفها فير تخزر فيهم وكل مرة أقرب منها تداكثر .
حطوها في سريرها وقعدت زليخة تقلب فيها لقات لي مارك في رقبتها شغل واحد خنقها بكاش حاجة...
حلتلها عينيها مزالها دايخة ..
زليخة: بنتك راهي معمرة يا مرا ...
ام سلمى: واش راكي تحكي كيفاش هاذي معمرة ...
زليخة : يعني راهي بروحين بالحمل ؛ باين بلي تعبت وداخت...
ام سلمى: وهاذ الشيء لي في جسمها واش هو يا تقولي يا نجيب لابوليس ...
زليخة: أواه انت الواحد ما يقدرش يحكي معاك نعيطلك لنسيبتك اتفاهمو....
راحت وخلاتها مع سلمى . ..
طلعت هند تجري لقات الباب مغلوق عيات طبطب والو ما حبوش يفتحو عليها ....
سلمى : ماما حلي الباب هي خاطيها ...
امها : خليها تعرف قيمتها كيفاش تلبسي حاجة مدتهالك من بعد طيحي ممكن كشما فيها و زيد باين عارفة بلي راكي اونسانت على بيها احبو اطيحو البيبي موحال نخليك في وسطهم .
هبطت هند عند عجوزتها ...
هند : يا ما ما حبوش يفتحو الباب ومانيش عارفة واش رايح يصرا اليوم كون وائل يدخل ويلقاهم هكذا....
زليخة : الطفلة راهي بالحمل بالشوية عليها يا بنتي ما تلوموهاش ..
هند ماتت بالفرحة : لازم ندير وعدة كبيرة نصدق رايح اجيني حفيد ....
قعدت تضحك زليخة على كنتها ...
شوية وهبطت سلمى مع يماها وهازة فاليزة...
ام سلمى : رايحة ندي بنتي عندي حتى ترتاح ما علاباليش اذا انت لي درتيلها هاذ الشيء مي انت لي اخر واحد كان معاها واذا كشما ديرو نعيط لابوليس ...
خرجو هند جات تلحقهم حبستها زليخة : خليها دير رأيها دور دور وهي لي ترجعها ما تخافيش ....
ساعة من الزمان جا وائل سلم عليهم وطلع ما لحقتش هند تحكي معاه حتى طلع ....
ما صاب حتى واحد الفوق ...
وائل: وينها سلمى انت خليتيها تخرج ...
هند ساكتة ما لقات واش تقولو ...
زليخة : جات يماها وداتها مرتك راهي بالحمل وحابة ترتاح ....
زعف وائل بزاف وخرج راح ليها وهند تجري موراه باش يقعد...
هند : راهي قالت كشما نديرو تعيط لابوليس ...
شاف معاها وائل والشر في عينيه : صار هكذا معليش ...
خرج راح ديراكت عند محامي تاع باباه وطلب اقابلو...
دخل ليه : سامحني لي جيت بهاذ الطريقة مي حايب نرفع دعوة في المحكمة...
المحامي : ضد شكون يا بني نعرفكم ناس ملاح ما عندكمش مشاكل .
وائل: ضد مرتي حايب نطلقها.
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
