السحر الملعون " الجزء الثاني تابع لشيطان زوجي "

الحلقة 85

🕯السحر الملعون 🕯
#شيطان زوجي 2
#صونيا
🤍الحلقة 85🤍
********************
حط لولاد عند يماه وعيط لخالتو طلب منها تهز اولاد مراد وتروح عند هند ..
غير وصلت طلب لمفاتح تاع دارها باش اروح عند مراد ...
وائل: خالتي وينو عمي طارق ...
زينب: تعرفو كل يوم اروح لقبر تاع باباك ؛ اقول بلي لازم اروح يحكي معاه ؛ راني خايفة لا يهبل والله ..
وائل: صح كان بينهم مشاكل في الحب لي بيناتهم موحال يطفى انا فقدت بابا وهو فقد خوه ونتفهمو ؛ كون يصرا حاجة في مراد في بالي نهبل انا ثاني بعيد الشر عليه ؛ وعلى هاذ الشيء لي لازم نتحركو أولادنا راهم في خطر؛ جنة كل ليلة تتعرض لضرب وحوايج عقلك ما يقدرش يتصورهم وصدقيني دالت حسام ؛ أميرة ومحمد امين رايحة تلحق لازم نلقاو حل في أقرب وقت ممكن....
زينب : وينها سلمى مانيش نشوف فيها ...
وائل: طلقتها اليوم لي بينا صايي مات موحال نقدر نزيد دقيقة معاها ...
زينب: وخذي واش هاذا علاش يا بني كانت هازاتك وهازة يماك ...
وائل: هكذا كنت حاسب انا ثاني ؛ تعرفي ويكت فقت كي قاتلي يماك بدات تهبل لازم نحطوها في مصح هنا عرفت قيمة يما عندها وزيد واش حكاتلي جنة صايي فاض الكأس كي نحب خدامة نجيب اصلا جميلة قايمة بالواجب او انا صايي من اليوم راني هنا في الدار سلمى تقعد مع حسام وانا كل يوم نجيبو هنا يعني غير يرقد معاها برك ...
زينب : صح كثرت فيها بزاف ربي يهديها ؛ عس روحك يا ولدي كشما ديرلك مشاكل ....
حقى قالي طارق واحد لكلام كون تروح تحكي معاه ممكن هو عندو حل والله اعلم راه رجع يحكي بزاف وحدو ...
خلاها مع هند شادين لولاد فرحانين بيهم ؛ هز روحو وراح ديراكت عندو.
غير وصل فتح الباب ودخل عليه لقاه حالتو كارثة اللحية شعرو مغوفل راقد بقشو ؛ ما علابالوش شحال من نهار ما خرج ما دوش ما كلا ....
قرب منو وقال : مراد نوض صايي وقت الحزن فات صاحبي فيق مراد ....
مراد : اخطيني ماشي قادر نوض خلوني في حالي  ....
وائل: ما نخليكش ؛ شوف كيفاش راك كون جات ميسون حية يوجعها قلبها منك وتزعف ؛ علاش هامل أولادك شحال عندك ما شفتهمش قول ....
مراد : اخطيني واحد ماهو حاس بيا واحد ما جرب لؤ انا جربتو ...
زعف منو وائل: اه كيفاش تقدر تقول هاذ لكلام نسيت سمية رانا عشنا نفس القدر انا وياك ماتو وهوما يولدو الكارثة هي خلاتلك زوج اولاد وانت هملت الأمانة راك مخليها تتقلب في قبرها وانت بهاذ الطريقة كون عنبالي يصرا هاذ الشيء فيك موحال كنت نخليها تزيد تتقرب منك موحال ....
زعف مراد ناض وتهجم عليه ورجع يضرب فيه البونيات؛ وائل مدار حتى ردت فعل خلاه يعمل لي احب المهم اخرج الشيء لي في داخلو ...
مراد يضرب وعاود حتى كي سأل الدم من فم وائل ؛ فاق بروحو ورجع يبكي على طول صوتو ....
وائل ممدود على لرض وقال : هكذا صحيت خرج كلشي وخلي نبدو من جديد أولادنا راهم في اللعب مراد ما نقدرش نخليك او أميرة ومحمد امين في خطر لازم ترجع بينا فهمت لازم .....
مراد : تصدقني اذا نقولك وجهم ما نعرفوش ....
وائل: كون تشوفها فوطو كوبي عليها كلشي فيها افكرك في ميسون ؛ محمد امين يشبه لباباك ربي يحفظهم ...
ضحك مراد وقال : راك سور بلي تشبه ليماها ؛ مالة سور رايحة تكون عشقي خاذ الطفلة ....
وائل: حطها في عينيك صاحبي ...
مدلو يدو باش انوض ملرض ...
وائل شاف معاه : روح ادوش ريحتك تعيف من بعد نرزحو لدار يما متوحشاتك بزاف كل ؤوم تقولي اديني ليه ....
ناض دخل لدوش وقعد تحت الما السخون كتافو وجعوه من كثرة الرقاد ...
وائل قاعد يستنى فيه حتى لمح مرا تمشي في الكولوار لابسة غوب بيضة تمشي وتشوف معاه ...
لحقها يجري هي تزرب وهو يلحق فيها وقفت دارت شافت معاه ...
وائل: سمية واش ديري هنا علاش جيتي هنا ...
ضحكت وقالت : تبعني حبيبي هيا...
رايح موراها ماشي فاهم واش كاين ؛ حتى حس بيد تشد فيه ؛ دار لقا يد عجوزة مسخة حاكمة فيه ماشي حابة تطلقو كامل ..
هو يجبد وهي تجري حتى طاح على لرض غير عاود شاف لقاه مراد لي حاكمو....
مراد : هبلت انت قريب وطحت من السطح مزية شفتك كي طلعت ...
وائل: كنت نتبع في سمية ما فقتش على روحي ....
جا مراد يهدر سمعو ضحكة تخوف في كامل الدار حتى خرجو منها وخافو على أولادهم....
#يتبع 😈