🕯السحر الملعون 🕯
#شيطان زوجي 2
#صونيا
🤍الحلقة 32🤍
**************
خرجت من سبيطار رجعت لدار فرحانة بقاو ايامات وتكون مرتو كلشي كيما حبت هي كلشي راه يوجد ...
يسمين : سلمى انا ختك ونحبك كون تشوفيلي مراد والله عجبني...
سلمى : يعني تجيك عادي تكوني مع واحك كان مع ختك ...
يسمين : كنتي تحكي معاه برك مكان بينكم والو هكذا علابالي ...
قعدت سلمى شدتها الفشلة
سلمى : صدقيني حبيتو من قلبي مي وائل ثاني حبيتو عييت نخير بينهم يا يا ختي .
يسمين : امممم قلبك اوتال واقيل هههههه المهم انا عجبني سورتو شوفتو تاخذ لعقل ....
دخلت عليهم يماهم ..
ام سلمى : عيطي شدي رونديفو عند الحفافة وهاذ الخاتم لازم تلبسيهولو نهار العرس لازم ؛ وهاذ القندورة ديريلها بابيي تاع عجوزتك هكذا تخطيك ...
وكاين حوايج خرين لخالتو وجداتو ذرك نجيبلك وانت وختك وجدو كلشي ...
سلمى : واش فيهم ماما ...
ام سلمى: رحت عند واحد باش اخلوك على راحتك هكذا كل واحد اعيش حياتو ...
يسمين: اممممم درتيلهم Gري Gري واقيل ههههههه .
كون ديري تشوفيلي ولد خالتو هكذا نكونو في زوج ثمة يما ....
ام سلمى : هاذاك خليه من بعد .
خرجت قعدو لبنات يضحكو ....
**************
فاتو ايامات ووصل نهار العرس كامل لابسين فرحانين وجدو رواحهم حسام جاب عباية ليماه فرحت بيها ...
يستنو لتحت يهبط سي وائل...
هند : واش اهبط لعريس من دار باباه ههههه
كامل يضحكو لقاوه هابط ويعدل في روحو ...
غير شافاتو قعدت تبكي فرحانة بيه حلمها تحقق وليدها راه عريس واقف قدامها ..
باسها وطلب منها تسامحوا اذا غلط معاها رجعو كامل يتباكاو مع هند ؛ دخل عليهم حسام وشاف الحلة لي راهم فيها ....
حسام : هاذا عرس ولا جنازة هايا الناس يستنو خرجو طلعو الكورتاج رايح اديماري....
مسحو دموعهم وخرجو بدات الزرنة الزغاريت وصلو لدار لعروس طلعت هند مع حسام خرجو لعروسة وركبوها مع راجلها في زوج فرحانين مي وائل في وجهو حاجة خلاف في عينيه خبث واحد ما روماركاها من غير ميسون ....
مراد كان مع يماه وميسون .
رجع ديماراو وصلو لاصال دخلها وائل وخرج خلاهم في بعضاهم اعرسو وهو خرج عند صحابو كامل يشطحو فرحانين مي هو غير يتفرج فيهم شغل ماشي عرسو هاذا شغل ماشي رايح يزوج لمرا لي حبها ....
قربت منو ميسون : وائل فيك حاجة بيزار واش بيك ...
دار ليها عينيه حادين : درت حاجة وندمت ....
ميسون : راك نادم على هاذ الزواج ماشي روطار تقدر تبطل حتى وان عقدت عليها عادي ...
مكانش حاجة بسيف ...
ضحك ضحكة صفرة وقال : لا جاني نندم على هاذ الزواج مي علابالي نندم على الشيء لي نديرو من بعد الزواج صح تكوني تحبي واحد تمديلو روحك مي اذا كان يستاهلها.
ميسون ما فهمت والو من كلامو مي عرفت الحالة ماشي مليحة وكشما رايح ادير لسلمى مؤ قالت لالا هو قبل بكلشي طلباتو حتى انو تراجع كي تفارق معاها وقبل يزوجها ؛ مي علاش يحكي بهاذ الطريقة علاش عينيه فيهم هاذاك الخبث والحزن علاش ...
مابين يحكو جاهم مراد ..
مراد : نقعد ولا عندكم هدرة بيناتكم ...
وائل: ارواح انا لي لازم نروح عند لمعاريض ...
ناض خلاهم قاعدين ...
ميسون : صراحة ماهوش مليح كامل ومانيش عارفة علاش دوخني ...
مراد : صعيب باش تفهميه انا البارح كان شربان وقالي كنت نحبها كثر من روحي تطلب عينيا نمدهملها ...
مي ذرك ما نعرف المهم تشوفني بعد هاذ الليلة انسان اخر وقعد يضحك وحدو كي المهبول ....
ميسون : بالاك كشما عملولو الناس ماهيش ترحم انا نخافهم ...
مراد : ربي اعافينا يا لطيف الناس لي توصل للسحر موحال تربح ؛ انا مستحيل نسامح لي دار فينا هاذ الشيء قلب حياتنا لجحيم ربي اوكيلو ...
تبدل وجها وهبطت راسها ..
مراد شاف وائل داخل لاصال دخل معاه ومع زوج خرين لحقتهم ميسون راحو جيهت لعروس قعدو كامل ازغرتو ويشطحو ...
وائل شاف ما لقاش يماه راه عند يماها وقالها : لازم نروحو راني مريزارفي في اوتال وراهم يستنو فينا ...
ناضت سلمى فرحانة ؛ جابت يماها صني فيه الحنة حناتلهم وحكمت نحاتها ثمة بعد ...
شاف معاها وائل ودار براسو واش هاذا ...
ام سلمى: نخاف يا ولدي كشما اديرو فيها ..
ضحك وتمشى .
سلمى :اصبر نلبسو لخواتم علاش راك مزروب ..
رجع لبسلها الخاتم وهي كيف كيف شدها من ذراعها ...
وائل: هايا مانيش قادر نصبر كثر من هكذا ...
ضحكت وتمشات حتى جاتهم هند تجري ...
هند : وين مزالت الحنة يا ولدي او لابياس.
وائل: دارو كلشي ماما من اوراك وانت لا خبر عييت نحوس عليك مي معليش لازم نروحو ذرك ...
خرجو البارود اقول وهوما ازغرتو...
وصلو لطونوبيل شافو واحد واقف ..
مراد : بابا جيت... راح يجري ليه
ميسون تخبات ولخرين حارو كيفاش حتى جا هنا ...
هند : روح اوليدي بلا ما تستنى هايا ...
راحو العرسان والباقي قعدو اشوفو مع طارق ...
وصلو لوتال هاذاك الاستقبال كيفاش رحبو بيهم سلمى ميتة بالفرحة ...
سلمى : نورمالمو تجي معانا يسمين هكذا توجد حوايجي ...
دار شاف معاها : نبات معاك ولا معاها مانيش فاهم ...
زعفت من كلامو مي قالت الليلة عرسها ما اهمهاش واش رايح اقول ...
دخلو لاشومبر تهبل معمرة ورد ...
وائل: هاو ليك الدوش بدلي حوايجك نتعشاو..
سلمى : واش بيك وائل ماكش فرحان قول ...
وائل غلق الباب شاف معاها: هنا رايح يبدأ جحيمك سلمى الشيء لي عيشتيهولي ذرك من هاذ الدقيقة تخلصيه دوبل ....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
