السحر الملعون " الجزء الثاني تابع لشيطان زوجي "

الحلقة 94

🕯السحر الملعون 🕯
#شيطان زوجي 2
#صونيا
🤍الحلقة 94🤍
******************
كملت الشيء لي طلبو منها الشيطان بالحرف؛ هزت راسها لقات وشمة في صدرها ما عرفتش واش هي ...
سلمى : هاذي واش كيفاش حتى خرجت فيا ...
الشيطان : هاذا اسمي كل ساحر عندو وشمة خاصة بيه يعني انت ملكي من اليوم ...
سلمى : راك تحلم انا مانيش ملك اي واحد فهمت انا بغيتك دمرهم بغيت نشوفهم يتعذبو ويبعدو على ولدي حسام ...
الشيطان : الشيء لي بغيتيه راه بدا واللعنة لي كانت عندهم راحت قتلو بابا يعني اللعنة الجديدة رايحة تكون أخطر من لي قبل ...
سلمى : كيفاش قتلو باباك ؛ كيفاش راحت اللعنة انت قتلي بلي رايح تنقلها لعايلة هند برك وزينب اما حسام خاطيه ...
الشيطان: كون اكون عندو علاقة مع أميرة اللعنة تلحقو بالطبع مي ندير كلشي باش تبعد على طريقو ...
سلمى : هاذ السحر كيفاش نفكو كون اجي نهار ونحب نفكو.....
الشيطان يضحك بالصوت وقال: ما كانش حل ليه موحال نعاود غلطة تاع مازر واصلا راه معلق بحياتك يعني انت لازم تسكتي وما تموتيش ....
جا قدامها وهز يدو وخبشها على ذرعيها ضفارو كانو كيف الموس الحاد تحلو عروقها وقعدت تنزف بزاف حتى طاحت داخت .....
طلع عليها النهار وهي بهاذيك الحالة ما تقدر تهدر ولا تتحرك تشوف غير في د.مها اسيل حتى روحها ما حبتش تخرج من جسمها مكتوب عليها تعيش هاذ اللحظة بكل تفاصيلها؛ عرفت بلي دارت غلطة عمرها خدعها وكانت هاذي غير البداية للمشاكل لي رايحين يصراولها ...
******************
وائل عندو بزاف ما سمعش خبرها قعد اعيطلها ما ترفدش قرر امو اروح لدار عندها يطمن عليها ؛ جامي قعدت مدة هكذا بلا ما تشوف حسام ...
مع وصل طبطب الباب والو قعد يستنى زاد عاود اعيط في بورطابلها؛ سمعو اصوني مي هي ما تردش ؛ هنا قرر يدخل ؛ باين القلق على وجهو ..
فتح الباب دخل واحد ما كاين  ؛ تمشى في الكولوار كي لحق للهول شاف الدنيا مخلطة ماشي عادتها سلمى تهمل الدار هكذا ...
حط عينو مع لرض شاف الد.م خارج من بيتها وبزاف على لرض راح يجري كي فتح الباب هزت عينيها فيه ودموع اطيحو ماشي قادرة تتحرك ولا تحكي ...
وائل جرا ليها لقاها تنزف من ذرعيها هز مناشف وسيا اغطي الجرح لي فيهم .
وائل: سلمى واش صرالك شكون عمل فيك هكذا قولي ...
قعدت غير تحرك في عينيها ..
وائل عيط للاسعاف والشرطة باش احققو على الشيء لي صرالها ...
دور راسو قعد اشوف في الشومبرة باين دايرة حاجة فيها تخطف جبد روحو لور وقال : سلمى واش عملتي قولي واش عملتي ...
دخلو عليهم الشرطة  ؛ رفعو السلاح في وجهو وطلبو منو يبعد عليها ؛ حاسبين بلي هو لي دارلها هاذ الشيء ...
وائل قعد اعيط وقلو انا لي عيطتلكم هاذي ام اوليدي ...
الشرطي: من فضلك اتفضل برا هنا مسرح الجريمة ما لازمش تكون فيها ....
وائل: مي واش لي صرالها علاش دارو فيها هكذا ...
الشرطي: على حساب واش راني نشوف كانو يعملو في السحر هنا وممكن لي كان معاها هو لؤ حاول يقتلها ؛ انت ممنوع تروح لازم تجي معانا لمركز الشرطة باش تدلي بالافادة تاعك ....
قعدت سلمى غير تشوف فيه وتبكي ؛ من جهة ماشي قادرة تحكي واش صرالها وندمت على عملتها .
جا شرطي اخر عند الضابط وقالو : حسب ما شفنا كانت وحدها ممكن عملت حاجة سحر وشعوذة وندمت حاولت الانتحار هاذا لي شفناه من آثار الدم والسكين لي على الأرض هكذا قال الخبير الجنائي....
وائل: واش راك تقول شعوذة ؛ تنتاحر سلمى عملت هاذ الشيء....
قعدت سلمى تعيط في داخلها: هو لي خدعني راه دار حاجة؛ راني خايفة على ولدي وائل علاش مراكش تسمع فيا ....
مي والو جسمها كامل ما يتحركش؛ تقدر غير تشوف هاذاك الشيطان مخبي في الظلمة ويضحك وضحكتو تخوف بزاف بزاف ....
#يتبع 😈