🕯السحر الملعون 🕯
#شيطان زوجي 2
#صونيا
🤍الحلقة 63🤍
********************
مع وصلو دخلوها لغرفة العمليات ديراكت ......
لحق وائل حاير واش لي صرالها ....
خرج عندهم الطبيب شاف معاهم هبط راسو ....
وائل: قولي واش لي صرا ....
وينها مرتي احكي قول ....
الطبيب: البراكة في راسكم الله غالب درنا كلشي باش ننقذوها مي صرالها نزيف حاد درنا العملية جبدنا البيبي مي هي ماتت في اللحظه لي البنت بكاة.....
وائل طاح في لرض ماشي مصدق بلي سمية ماتت قعد اعيط على طول جهدو سمية؛ سمية علاش تخليني؛ موحال تكوني متي .....
حسام قشو كامل دمها مشوكي من الخبر لي قالو الطبيب.....
هند تعيط وتعاود واحد ما حب ارجع عليها ....
زينب جات تروح شافتهم ثمة ما فهمت والو قربت لقات حسام قشو كامل دم ....
زينب: واش لي صرا علاش كلك دم قول حسام احكي .....
هبطت لوائل لي كان قاعد في لرض : حبيبي خبرني واش صرا علاش راكم هنا قول ....
هز راسو دموعو يهبطو : خالتي ؛ سمية ؛ سمية ماتت يا خالتي ....
شوكات من كلامو وراحت تحوس على الطبيب تفهم واش صرا .....
دخلت لقاتهم مغطيينها والبيبي مكانش سقسات الفرملية قالتها داوها باش انظفوها وعيطو لباباها يديها .....
راحت ليهم شافتها : سبحان الله شحال شابة ...
كملو لبسوها ؛ لفتها زينب وخرجتها لجدها وباباها .....
تمشي بخطوات ثقيلة ما عرفتش كيفاش رايحين يستقبلو هاذ الملاك ......
غير وصلت ليهم وائل رفد راسو شافها زاد بكا كثر من بكري ؛ بنتو هنا ومرتو راهي فوق طاولة باردة ؛ جثة هامدة ....
زينب : هاذي بنتك يا حبيبي ؛ راهي محتاجاتك اليوم أكثر من أي وقت لازم تشجع على جالها وتجمع كل قوتك وتعاود توقف على رجليك .....
يديه يرجفو ماشي قادر حتى امدهم ليها وقفو حسام وقال : انا معمر دم ما نقدرش نهزها ...
نحات لغطا عليها ماشاء الله وردة مفتحة ....
حسام : تبارك الرحمان شحال شابة بنتي ....
وائل: سمية قالت لازم نسميها جنة هاذا هو اسمها ؛ كانت خايفة بزاف وشحال من مرة تقولي نخاف ما نشمش ريحتها بنتي ؛ او صح صرات حتى انها ما شافتهاش اصلا خلاتنا وراحت .....
حسام : يا بني الموت حق علينا كامل الحمد لله لي ربي عوضك ببنية تشوف فيها ديما يماها الحمد لله لي انت هنا ولا واش رايح يصرا فيها هاذ البنت اتقي مولاك واستغفر....
شاف معاها مد يديه وهزها ؛ عشقها من اول نظرة ....
قربها ليه اشم ريحتها ....
جات الفرملية: لازم نمدولها لحليب من بعد تقدرو تدوها تروح اما على المرحومة غدوة ان شاءالله تقومو بالإجراءات كلها وتقدرو تدوها تدفنوها ؛ ربي اصبركم ان شاءالله....
قالت هاذو الكلمات وراحت وائل قريب يهبل ما عرفش راسو من رجليه ....
مدها لخالتو وخرج راح ماشي قادر يقعد في سبيطار.....
زينب عيطت لمراد خبراتو بواش كاين شوكا من لخبر من بعد عيط لهند ....
جاتو لاشومبر ؛ قربت ليه ...
هند : مالك وليدي كشما راه يوجع فيك حبيبي ....
مراد : خالتي اه اه اه ....
هند : اهدر علاش راك تمهمه....
مراد : زادت طفلة عند وائل؛ اما سمية.....
هند : يا عمري شحال وانا نستنى نشوفها اما قتلي سمية مالها .....
مراد : سمية قالو بلي ماتت على طاولة تاع العملية ....
هند طاحت في لرض داخت ؛ مراد ما عرفش واش لازم يعمل عيط على سلمى جات تجري ...
سلمى : مالها علاش راهي مرمية على لرض....
مراد : سمية ماتت وهي تولد ...
سلمى نفتحو عينيها ما عرفت تحزن ولا تفرح مشاعرها تخلطت ...
هبطت هزت راس هند وقالت : ماما هند فيقي فيقي ....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
