🕯#السحر الملعون🕯
#شيطان زوجي 2
#صونيا
🤍الحلقة 24🤍
****************
طلعت الشمس لي فطن مع هموم جديدة ولي مزال حتى ما رقدش ولي متأمل اكون الجديد خير من لقديم ....
آية حلت عينيها تحوس عليه ما لقاتوش ناضت لقاتو راقد على الطابي حارت ....
آية: مراد نوض مالك رقدت على لرض ...
فتح عينيه ماشي فاهم واش راه صاريلو قعد اشوف معاها ..
مراد : ما نعرف شغل نمتك ونمت واحد اسمو مازر والله ما فهمت لحكاية ...
آية فتحت عينيها : واش راك تقول وين شفتو هنا حذايا الخوف باين على وجها قاعدة دور في راسها في كامل الاتجاهات ...
مراد : ارواحي اقعدي علاش راكي خايفة قولي ....
قربها ليه حضنها وقعد يلعب بشعرها ..
حس واحد الاحساس غريب قلبو يخبط بزاف جسمو كامل تأثر مي حاول اخبي ....
آية: علاش قلبك راه يخبط بهاذ السرعة ....
مراد ضحك وقال : انت ثاني هههه واش بيك ...
شافت معاه وبلا مقدمات حطت فمها على فمو باساتو وجبدت روحها ....
قعد غير اشوف معاها وحاير ...
آية: هاذا الشيء لي من البارح كان في قلبي حتى وعلابالي بلي راك تحب سلمى ...
مراد : ما تزيديش تحكي عليها هي صايي موحال نقعد نحكي عليها ...
مابين يحكو صونا تليفون تاعو لقاها يماه ...
زينب : الوووو وينكم هاذا قول من البارح ما بنتوش رانا مقلقين بزاف عليكم ...
مراد : غير هنا ما تخافيش شوية ونجو....
قطع عليها لقا آية ناضت وجدت روحها صايي ...
خرجو يفطرو لقاو وائل وسلمى ديجا لتحت ....
وائل: بلا ما تحكي مراد عيطت يما ودارت حالة ههههه نفطرو نوصلوهم ونروحو ...
قعدت آية مع مراد وائل اشوف معاهم كيفاش يتعاملو....
قدم لمراد وقالو : مابين البارح واليوم تبدلت نظراتكم لبعضاكم كشما صرا ...
والضحكة في وجهو ....
مراد : لا مكان والو هههه موحال ندير فيها حاجة ؛ مي لازم نحكو وائل على واش قتلي البارح ...
وائل : صايي قاتلي سلمى حكاتلي وانت علاش تخاف كون قتلي تعرفها من قبل ماشي عيب يا صاحبي ...
سكت مراد ما قدرش يحكي وقعد اشوف معاها والحقد مالي عينيه ...
آية حطت يدها علي يدو وقالت : واش رايك نروحو طولنا ...
وائل: اصبري نوصلكم يا خطيبت خويا ...
ضحكت آية: آمين 😍
شاف معاها مراد ماشي مصدق يعني صح نكون عجبتها ..
خرج معاها وسلمى حتى كلمة ما قالتها من خلف صباح الخير...
غير وصلت لدارهم دخلت ومنارفية شدتها يماها يهدلتها كي باتت برا وقلتلها هاذا آخر مرة تديري شي كيف هاذا ...
قعدت سلمى تبكي وكرهت ؛ كون غير نزوج نتهنى ...
شافت الخاتم في صبعها ....
ام سلمى : بوه عليا بوه يا يما على زهر بنتي راحت عند واحد طلاب يا وخذي ؛ واش هاذ الخاتم يا البهلولة كون جيتي قافزة كيف ما انا ربيتك كون راه خاتم قد يدك ماشي هاذ النتشة....
سلمى : هاذا غير كادو ماما من بعد تجيبلي خاتم شباب ...
ام سلمى : شوفي يا بنت الطاهر انا لي نخيرو الخاتم فهمتي ولازم كي يكسوك يكسو خيتك هكذا عاداتنا وجيبوا حاجة ليا ولباباك وخوك ...
دراهم الحفافة والشوفة كلشي اديروه سينو موحال نقبل ....
سلمى : كي تجي يماه تفاهمي معاها اكي ....
دارت خلاتها ودخلت لشومبرة تبكي عيطت لمراد ما حبش اهز عليها بعثتلو قاتلو : انت لي خليتني نتمرمد انت لي مديتني ليه كلشي انت محال نسامحك مراد موحال...
رجعت عيطت لوائل رفد عليها رجعت تبكي وتقول : غير ازرب نزوجو انا كرهت هاذ لحياة .
وائل: غير الخير مالك علاش تبكي ...
سلمى : ماما بهدلتني ضربتني حتى انها بغات تديني لطبيب تشوف كشما عملت معاك ...
وائل: مي هاذي مريضة نوصل لدار نحكي مع ماما...
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
