السحر الملعون " الجزء الثاني تابع لشيطان زوجي "

الحلقة 92

🕯السحر الملعون 🕯
#شيطان زوجي 2
#صونيا
🤍الحلقة 92🤍
******************
خلات الوقت وصل 00:00  دخلت لبيت حسام  الصغير حطت كلشي قدامها ؛ لكتاب لي جابهولها الشيطان من عند اب ميسون باش تدي بلاصت سي حواس ...
هزت لكتاب ورجعت طبق الشيء لؤ تقرا فيه ؛ شغل طول عمرها وهي تعمل في السحر ، بلا خوف من ربي سبحانو ولا خوف على لؤ كانت تحبهم ؛ عملت رموز على وجها وجسمها .....
مي الشيء لي سلمى ما كانتش تعرفو انو مكانش ثيقة في هاذ الشياطين الغدر والخدع نابت فيهم ...
***************
سي حواس وجدو روحو باش افك السحر ؛ صلى صلاتو وخرج عارف بلي هاذي آخر ليلة ليه ....
يتمشى ويقرا في الدعاء يطلب في ربي يغفرلو ذنوبو ..
وصل دار ولدو حطلو باطة قدام بابو ؛ طبطب عليه وراح خلاها ثمة ...
اوصل للمقبرة لي فيها هاذاك لقبر المنسي لي ماشي عليه لا شاهد ولا اسم ...
طارق: راني هنا عندي ساعة تستنى فيك خفتك لا متجيش ...
ضحك سي حواس : شوف يا بني صح انا قتلك على النهار والساعة ماشي باش تجي وتعرض روحك للخطر ؛ انا غير خبرتك باش تعرف بلي الليلة كلشي يرجع لحالو لولاد رايحين اعيشو حياتهم عادي واحد ما رايح اهدد حياتهم ؛ قصدي حتى حاجة ما تهدد حياتهم لا انس ولا جن الحمد لله...
طارق : واش المطلوب مني ؛ قولي ....
سي حواس : روح اقعد مع جنة هي لي رايحة تنضر كثر منهم كامل بويسك كانو اعسوها بزاف اما لخرين ما تخلوهمش وحدهم برك وان شاء الله كلشي اكون للأحسن؛ اه نسيت الصباح لازم تجي وتجيب معاك الشرطة هنا رايحين تلقاوني نستنى فيكم بربي ....
قرب منو طارق شدو بين يديه وحضنو ..
طرق : انا من عندي راك مسامح علابالي بزاف حوايج صراولك مي مدامك رجعت وحايب تحبس كلشي باين بلي صح راك ندمان  ؛ حتى انا غلطت بزاف وكي رجعت الحمد لله نساو كلشي وسامحوني ...
سي حواس طاحو دموعو من كلام طارق وعارف واش رايح يصرالو اما طارق ما علابالوش ..
سي حواس: كون تقدر تقولهم راني نادم على كلشي كانت غلطة وحبيت نصححها مي هددوني بالناس لي نحبهم وفي الاخير قتلوهم مكانش فيهم الامان وانا ذرك ندير لي لازم عليا باش هوما يحبسو ....
سلم عليه طارق: انا ندير لي نقدر باش يقنعو وسامحوك؛ المهم الصباح استناني هنا بربي نجي ...
راح و سي حواس قعد اشوف معاه أودع فيه....
قرب من لقبر وبدأ الضغط على راسو ...
سي حواس : علابالي راك هنا مخبي ؛ مي موحال تقدر تقرب ليا راني محصن ...
مازر : ها ها ها ها ها انت ما علابالكش واش علابالي انا رايح تفقد حياتك في باطل والسحر موحال ينفك ...
سي حواس: من لي ديتلي ولدي وانا نحوس على حل والحمد لله لقيتو وعلابالي روحي هي الثمن ؛ مانيش خايف من الموت فهمت ؛ راني غير خايف كيفاش رايح اكون يوم الحساب تاعي ...
مازر : خلاص مالة اقعد هنا معايا واحد ما يقدر اقيسك انا نخفيك ونخليك عايش معاهم حتى يوصل نهارك ؛ عايش في سعادة تامة نوعدك ....
سي حواس: رايح اكون حلم لا أكثر؛ مستحيل نتراجع على قراري ...
وبدأ يقرأ في القرآن بكل قوتو ...
ناض ريح قوي بزاف كيف الزوبعة مي هو شغل كان في بلاصة محصونة الريح ما اقيسوش....
وقفت قدامو تبكي على طول جهدها وتطلب منو احبس ....
ميسون : جدي راك تقتل فيا جدي حبس مانيش حاباتك تموت جدي ....
هز راسو فيها : بنتي صح نحبك وكنتي نور عيوني ونهار سمعت بيك متي نص تاعي مات معاك..
ني ذرك ماكيش انت لي واقفة قدامي ونعرف هاذ الشيء ...
موحال نتراجع ...
#يتبع 😈