🕯السحر الملعون 🕯
#شيطان زوجي 2
#صونيا
🤍الحلقة 55🤍
******************
الووووو ماما كنت راقدة فقت لقيت بورطابلي اصوني .....
ام سلمى : لازم تجي تقعدي ايامات ونطبقو الشيء لي تفاهمنا عليه بنتي ...
سلمى : خليه اجي من بعد نقولو نجي نقعد ايامات نرتاح والله راني نتقيا بزاف تعبت يا ماما ...
ام سلمى: شفتي واش درنا جا في راس مراد لازم المرة هاذي اجي فيه هو وانت لازم تكوني عندي باش ما اشكوش فيك فهمتي كلامي ...
سلمى : اصبري نعيطلو نشوف وينو ....
عيطت لوائل قالها راني تحت طالع ليك ...
تمدت على السرير دارت روحها عيانة وماشي قادرة تهز جسمها ؛ مع هي ضعيفة بزاف ....
دخل لقاها مسطحة قرب ليها : واش بيك علاش عيطيلي....
سلمى : نحس في روحي ماشي قادرة وهنا كاين دروج نحب نروح عند ماما نريح ايامات ...
وائل: اكي وجدي روحك نديك ....
فرحت باساتو من خدو ؛ ناضت تجري توجد في روحها....
وائل: بالشوية ماشي هاذا وين قلتي عيانة ههههههه.
خرج خلاها توجد في روحها وهبط عند يماه ...
وائل: ماما عيطلي مراد شحال فرحت كي سمعت صوتو وفي نفس الوقت وجعني قلبي على واش قالي.
هند : الحمد لله لي راه بخير يا ولدي ...
وائل: ماما مراد راه مشلول مي الطبيب قالو وقت وترجع تمشي مي الحالة طول بزاف ....
هند غاضها وليد ختها وزعفت كي سمعت كلام وائل...
هند : شوية ونروح لزينب لازم نطل عليها ؛ سلمى تقعد وحدها لازم تنطهلى فيها يا ولدي ...
وائل: راهي رايحة عند دارهم خليها ايامات ثمة وسمية ثاني مكانش نولي سيليباتار يامات ههههه غير تاعك وحدك يا ميمتي ....
ضحكت هند وعنقاتو .....
هبطت لقاتهم يضحكو ؛ شكت فيهم يحكو عليها مي ما قالت والو ....
سلمى: صايي مي كابتي راهي لفوق ما قدرتش نهبطها.....
طلع اجيبها وسلمى قعدت مع هند ....
سلمى : ماما حبت تعرضكم ملي زوجنا انا وائل كنا غير بالمشاكل ايا قاتلك خير نهار لي تقعدي فيه وتجو تتغدو عندنا ....
هند : لا ما تعبوش رواحكم .....
سلمى: عيب هكذا واش رايحة تقول ماما ؛ يعني شغل ما حبيتيش تجي عندنا 😒😒😒 .
هند حشمت وقالت : خلاص منا لغدوة نقولك وسلمي عليها بزاف بزاف....
هبط وائل وراح وصلها في الطريق قعد اوصي فيها ...
وائل: بلاكي على روحك واذا حتجتي حاجة خبريني اكي ....
سلمى : معليش نسقسيك وما تزعفش مني ...
وائل: غير قولي ....
سلمى : كنت حابة نعرف خبار مراد ؛ مكان لاه بالك اروح لبعيد اكي والله راه كيف خويا ذرك ....
شاف معاها وقال : ماهوش مليح صراحة قالي بلي راه مشلول ما علابالوش ويكت يرجع يمشي ...
هبطت راسها وقالت : ما يستاهلش مسكين ربي يشفيه ان شاء الله...
اسوق وشوف معاها كيفاش وجها متبدل ؛ فاقت بيه وبخزراتو رجعت تضحك وتلعب معاه شغل مكان والو ....
طلعها لدارهم سلم على يماها وراح .....
غير ما غلق الباب جات يماها : خبريني قلتيلها لي قتلك ...
سلمى: ايه في لول قاتلي لالا مي ما خليتهاش رجعت عليها قاتلي غدوة نرجعلك بالخبر .....
ام سلمى : غدوة نروح عند ذيك الشيخة توجدلي كلشي من بعد نشوف شكون اروح ادير في دارك ...
شافت معاها لقات زروقية في ذراعها ...
ام سلمى: واش هاذا شكون دارلك هكذا قولي ....
سلمى : ما علاباليش كل مرة نلقى زروقية في بلاصة مانيش عارفة من واش تبالي القلقة ...
ام سلمى : ماشي مليح تتقلقي بنتي ريحي شوية انا نوجدلك حاجة تاكليها ....
خلاتها ترقد وراحت غلقت كلشي عليها باش ترتاح .....
غير ما غلقت عينيها حست جسمها تخذر ماهي راقدة ولا فاطنة راهي بينهم لزوج .....
تغلق عينيها تسمع تنفس حذا وذنها كي تفتحهم تشوف واحد واقف عند الباب ؛ قلبها يخبط بسرعة كبيرة والخوف حاكمها ....
غلقت عينيها سمعت كلام طفلة قالت : ما تنسايش قتلك راني ديما حذاك او اذا تتعرضيلو تلقايني قدامك رايحة تخسري حاجة عزيزة عليك مدامك وصلتي لهاذ الدرجة ....
تخطفت سلمى قلبها قريب يخرج من صدرها حتى انو هاذاك الصوت مزالو في وذنها ....
ناضت شعلت الضو تحوس في لاشومبر مكان حتى واحد من غيرها طفاتو ورجعت لبلاصتها ولخزانة مقابلتها فيها مراية حست احساس غريب هزت راسها شافت لقات ظل موراها يضحك وبزاف اليدين قوق كرشها ؛ رجعت تعيط بكل قوة كشما يماها ولا ختها يسمعوها مي والو بلا فايدة ؛ زادت شافت لقات ذاك الظل حاط صبعو على فمو لي كبير بزاف وقالها : اشووووووووووووووت 😏😏😏😏
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
