السحر الملعون " الجزء الثاني تابع لشيطان زوجي "

الحلقة 65

🕯السحر الملعون 🕯
#شيطان زوجي 2
#صونيا
🤍الحلقة 65🤍
.
********************
لقاه قاعد فوق الرمل مي مكانش وحدو ؛ معاه طفلة ما عرفهاش من بعيد غير قرب ليها ؛ قعد اشوف وعاود ماشي مصدق بلي هي .....
مراد : علاش جيتي هنا حتى في وقت كيف هاذا ماكيش حابة تخلينا على راحتنا ...
وائل: انا لي قلتلها بلي راني هنا وخليتها تجي كنت عارف بلي انت رايح تلحقني مالة كون تتفاهمو وتبداو من جديد احسن ؛ اما انا موحال نقدر نعيش عادي مرتي ماتت وبنتي تيتمت من الثانية لي تنفست فيها ....
مراد : ماشي وقتي انا جيت نقعد معاك .....
وائل: الحياة قصيرة خويا لازم تعيشها باش ما تندمش عليها ....
خلاهم واقفين وراح يمشي ويتمايل ماشي عارف وين اروح ......
قدمت ليه قعدت تشوف في عينيه العسلية ؛ قلبها يخبط بسرعة كبيرة ؛ عينيها دمعو كي طولت الشوفة فيه ....
ميسون : قولي بلي ما توحشتنيش....
مرتد : اه اه .....
ميسون : هاذا وين كنت شاطر في الهدرة .....
مراد: انت وحدة خداعة ؛ كذبتي عليا جيتي تدي خبارنا .
هزت التريكو من على كرشها نعتتلو السيكاتريس لي فيه ....
هز هو يدو وعقب صباعو عليها وحاير .....
مراد : انت لي مديتيلي الكلية ياك ....
ميسون: كون تطلب قلبي نمدهولك ....
مراد : رجعت ماني فاهم والو .
ميسون: وائل هو لي خبرني من بعد عاوني في كلشي كنت ديما نعيطلو ندي خبارك حتى انو جابني شفتك وانت راقد في فراش الموت .....
مراد قاعد غير اشوف معاها ماشي عارف واش يعمل ؛ دنات ليه وباساتو من خدو ....
ميسون : اذا توقف معايا نتحدا العالم على خاطرك هاذا وعد مني ندير كلشي باش نلقى حل لهاذ  اللعنة نحوس وندير لي كاين حتى وان روحي هي الثمن المهم انت كونك راجل او أوقف معايا ....
مراد : او داركم ميسون علابالي بلي ماشي ساهلة باش تتحداي باباك ....
ميسون : ما تخافش المهم انت معايا اذا تقولي ايه رايحة نكون حبيبتك مرتك ام أولادك كلشي بالنسبة ليك ....
مراد بلا تخمام قال : ايه ميسون ايه ؛ انا ثاني نعوضك كلشي باباك خوك راجلك نكون كلشي بالنسبة ليكم ....
وهوما يحكو سمعو حاجة طاحت في لبحر جراو اشوفو لقاوه وائل اطوف فوق لماء ؛ مراد اعيط لربي لي خلقو ما يقدرش يهبط يجبدو....
بلونجاو زوج ديزون جبدوه من لبحر...
وجهو كامل د.م ميسون تبكي عليه  ؛ مراد مشوكي من هاذ الشوفة ...
هزوه ديراكت داوه للاستعجالات.....
*************
ممدود في السرير يقطر بالما والد.م وائل فاقد الوعي ؛ ما عرفو اذا طاح ولا حايب ينتاحر...
دخلوه دارولو راديو على راسو من بعد قعدو اعالجو فيه ....
ميسون : كون تعيط لباباه لا على الاقل يعرف لحكاية ....
مراد : لالا خفت من ردت فعلو من قبيل هو مقلق ....
ميسون : لازم يعرفو ماشي مليح تخبي مراد....
هوما يحكو جتى سمعو صوت جاي ملور .....
زينب: واش راكي تعملي هنا يا ##### ما تحشميش بعد كلشي عملتيه جاية عندو بكل وقاحة ....
مراد جبد ميسون موراه .
مراد : ماما اصبري نفهمك ....
جبدتها من موراه وضربتها بكف ...
مراد عيط على يماه : ميسون هي لي مدتلي الكلية ؛ ميسون هي لي خلاتني عايش وقدامك ذرك ؛ تزيدي تمدي يدك عليها موحال نسامحك ....
زينب حلت عينيها ما امنتش كلامو ....
زينب: راهي تكذب تلعب في لعب باين علاش راك تصدق فيها يا ولدي ....
قرب منها وهي قاعدة تبكي هزلها تريكوها ورالها السيكاتريس لي في كرشها....
زينب هبطت راسها وحشمت من واش عملت ...
زينب : سامحيني كون جيتي في بلاصتي ديري نفس الشيء ...
مراد : وائل راه شاهد على كلشي اصلا هو لي كان اجيب فيها عندي ؛ ماما وائل راه داخل روحي شوفيه ....
حارت زينب ودخلت ديراكت لقاتهم اخيطو في راسو كي طاح تحل شوية من الجنب ....
زينب: حكيم هاذا راه ولد ختي ماله ....
الطبيب: طاح في لبحر مزية تقاس غير شوية من راسو ؛ اتخيلي اذا جا فوق الروشيات اموت ديراكت ....
زينب : حكيم الصباح توفات مرتو ؛ يعني اكون حايب ينتاحر ....
الطبيب: ايه ممكن لازم كي افيق نحكو معاه ونشوفو ؛ ويكت الجنازة تاعها ...
زينب : غدوة بربي مسكينة اتيمة وخلات بنت ذرك ....
حل عينيه وقال : سمية وينك كون ديتيني معاك ....
#يتبع 😈