السحر الملعون " الجزء الثاني تابع لشيطان زوجي "

الحلقة 42

🕯السحر الملعون 🕯
#شيطان زوجي 2
#صونيا
🤍الحلقة 42 🤍
**************
رايحة جاية في الصالو؛ تتمشى بخطوات ثقيلة تخمم كيفاش كل هاذ المدة ما تح
جرأش حتى يبعث ميساج ولا حتى اعيط اسقسي عليها ...
سمية رايحة تهبل بويسك هي لي حطاتو عند حدو ورفضت الفكرة من الاول كيفاش تحبي يفرض روحو عليك ....
تخطوي وتحكي مع روحها كيف وحدة لي فقدت عقلها....
اخت سمية : لي اشوفك اقول نعيط لمستشفى المجانين اداويوك هههههههه.
سمية : خفت من الفكرة تاعو خفت ما نقدرش نتحمل الوضع ختي ؛ كيفاش نكون زوجة ثانية كيفاش ؛ اصلا كنت انا لي رايحة نستأنف قضيتو مي كي عاد رجعت علاقة شخصية موحال نكون محامية تاعو اذا مرتو تعرف هاذ الحاجة قادر ترفع دعوة عليه ونروح انا وهو ....
اخت سلمى : انا ما عنديش مشكل لا الشرع ولا القانون يمنع هاذ الشيء اذا انتوما مقتانعين وين المشكل عييت نفهمك سمية ؛ وزيد قلتي بلي ماهوش متفاهم معاها ؛ حتى وان كان متفاهم وحب اعاود يزوج عادي .
سمية : وكون راجلك دارها تقبلي .
اخت سمية : ايه عادي من بعد انا لي نشوف اذا نقعد معاه ولا لالا بويسك مكانش حاجة تخليه ما اديرهاش يقعد ديما في حقو الشرعي والقانوني...
شافت معاها وعارفة بلي ختها عندها الحق في كلامها ...
سمية : واش تبالك نعيطلو ندي خبارو ...
ضحكت ختها : ياو طولتي راني نشوف في قلبك رايح يخرج من صدرك .....
هزت تليفون وعيطت ؛ قاعد اصوني ما هزش عليها ؛ استغربت منو ؛ زادت عاودت نفس الشيء؛ خزرت مع ختها لي قعدت معلقة عينيها عليها ....
اخت سمية : معليش خليله ميساج ممكن راه مشغول...
بعثتلو ميساج وقعدت مع اختها يحكو في أمور المحاكم بحكم يخدمو نفس المهنة في زوج .....
**********😈*******
وائل راح لشط لبحر قاعد اشوف مع الموج وخمم في الشيء لي صرا وكيفاش رجعت سلمى لدار ...
خرج هاذاك الظرف وقاعد اشوف معاه ديسيدا يفتحو ويقراه....
مع فتح الورقة طاحت عينو على اثر الدموع لي طاحو فوقها خلو لكتيبة تتمحى شوية؛ هز عينيه ورجع يقرى كل حرف كل كلمة احاول احللهم في مخو مليح ؛ احاول يفهم ويقرا بين السطور ؛ احاول يعرف واش راهي مستنية منو ......
وهو غارق في ذيك الورقة صونا بورطابلو شحال من مرة ؛ حتى انو ما حبش اشوف شكون كان في بالو بلي يماه لي تعيط عليه ....
كي لحقو ميساج رجع رفدو فتحو لقاه سمية هي لي عيطت وبعثت ميساج .....
( كنت حابة نعرف خبارك؛ من وفاة جداتك مكانش منك حتى حرف ؛ نتمنى انك تكون بخير اعطيني فكرة على واش قالك المحامي ديالك .....)
بتاسم ذيك الابتسامة تاعو الخبيثة ورجع عيطلها ....
سمية : الوووو أنعم...
وائل: قوليلي برك وبكل صراحة انك توحشتيني انا ما نحبش ندور بزاف نحب ديما كلشي اكون واضح .....
سمية حشمت وبقات ساكتة حتى النفس تاعها تقطع ....
وائل: انا توحشتك سمية ما بغيتش نعيطلك لأنك كنتي واضحة وماكيش حابة حتى علاقة معايا ....
سمية : راني خايفة وائل خايفة لا نظلمها ؛ خايفة نكون سبة في فراقكم ....
وائل: قبل ما نعرفك حتى نهار لي شفتك فيه كنت حايب نطلق يعني انت ما دخلكش ؛ غير قولي ايه حاجة ما تخصك معايا نحبك برك ديما تكوني صريحة معايا هاذا الشيء لي بغيتو ....
حتى ما كملش كلامو قاطعاتو سمية وقالت : ايه موافقة ؛ قابلة حتى ولو ما طلقتهاش حتى وان قاعدة على ذمتك قابلة ....
وائل ماشي مصدق الشيء لي سمعو : عاودي واش قلتي مانيش مصدق والله .
سمية : قتلك راني قابلة نزوج بيك ....
وقطعت عليه حكمتها الفشلة وخافت من نفسها كيفاش قبلت بيه وهو مزوج ....
وائل ضحك وحكماتو واحد الرعشة في جسمو ؛ وقف راح عند لبحر شد ذيك لبرية وقطعها حتى رجعت فتات صغار ورماهم ....
وائل: كلامك كلو كذب في كذب مانيش قادر نصدقك ما عرفتش علاش ....
دار ورجع لدارهم عندو هدرة مع يماه ومرتو لازم يعرفو بلي راه ناوي يزوج وهي ذرك لازم تخير يا تقعد على ذمتو وهو يزوج ولا تطلق وتروح في حالها ....
وصل لدار عقد حواجبو دخل ....
عيطلهم وقعد مقابلهم في زوج ...
وائل: قريت كل حرف كتبتيه حتى هاذوك لي تمحاو بالدموع قريت بين الأسطر قلبتها من كل النواحي مي صدقيني ما أثرتش فيا سلمى ؛ علابالي كلشي لي كتبتيه ماشي من قلبك مي ذرك انا هزيت قرار .....
قاطعاتو هند : يا ولدي غير الطلاق لي لالا ...
شاف معاها وائل: يما خليني نهدر ...
انا مانيش مستعد نعيش بهاذ الطريقة ؛ قررت نعاود الزواج حتى لمرا راهي قابلة ؛ طلقتي ولا لالا هي قابلة يا ترضاي تقعدي على اسمي يعني انت وهي ولا نكملو في معاملة الطلاق وكل واحد اروح في حالو ....
سلمى غضبت بزاف منو مي رجعت عليه : نقعد مي ما تتصورش باي رايحة نسكت فهمت رايحة ندافع على زواجي وداري حبيت ولا كرهت ؛ يعني رايح اكون مشاكل بزاف او اذا راك مستعد ليهم انا ثاني مستعدة .
ضحك وائل وقال : كوثر وقدرت عليها كيفاش انت ما نقدرش .....
ناض خلاهم ياكلو في رواحهم ....
سلمى : وشكون هاذي كوثر هاذي هيا لي رايح تجيبها لينا قول ....
دار شاف معاها : كوثر هي ختي لي راحت باش حنا نعيشو ....
هند تخلعت من كلامو حتى انو دموعها طاحو كي سمعت واش قال ولدها ....
سلمى : شفتي كيفاش رايح يزوج ....
هند : ماكيش وحدك راني معاك خلي نشوفو شكون هاذي لي رايحة تجي ذرك تكره حياتها هنا معانا .....
#يتبع 😈