السحر الملعون " الجزء الثاني تابع لشيطان زوجي "

تابع للحلقة 4

🕯🤍تتمة الحلقة4🤍🕯
دارت زينب عند هند : او ذرك ويكت ناوية تحكي هند كشما نلقاو حل لهاذ المشكل لي بينكم انا ما تقوليلي لا شبح ولا هم يحزنون تعرفيني ما نمنش بهاذ الخرافات .....
هند عيات من كلشي جابت كرسي وقابلتها وبدات تحكيلها في القصة من نهار لول لي دخلت معاها للبيتزيريا.....
سمعتها بلا ما تقاطعها في آخر كلام هند ناضت زينب...
زينب: طارق طارق موحال ادير شيء هكذا عرفتو عندي شحال وانا معاه وحبيتو من بعد رجع ما ابانش وانا سافرت كملت قرايتي ودرت تخصص علم النفس وكي هزيت ديبلومي رجعت لقيتو في ذيك المصحة سقسيت عليه قالولي محاولت قتل مي راه فاقد عقلو مي صدقيني هند طارق احب حسام بزاف بزاف موحال ياذيه ....
هند : تبالك برك الحب لي في قلبك من جيهتو هو لي ما اخليكش تشوفي حقيقتو زينب كون عرفت انك كنتي بعلاقة معاه كون دخلت ما نخليكش مع هاذ الراجل .....
زينب: هند كاين سر كبير راني مخبياتو ما نقدرش نقولو ذرك موحال نخاف خلي يخرج طارق ونخبركم بيه انا موحال نقدر نبعد عليه طارق هو حياتي ودنيتي والله انسان مليح وجي نهار وتعرفي شكون هو .....
وعلى هاذ لكلام دارت لقات حسام اشوف معاها مشوكي من كلامها هبط راسو ورجع دخل بلا حتى ما يحكي حرف واحد .....
زينب دنات عند هند : راجلك سمع واش قلت يا حشومة والله
واش رايح اقول عليا ذرك ....
هند : هاذي حياتك الشخصية وهو ما دخلوش اذا حايب ينصحك ذرك يحكي اما شيء آخر ماشي حاجتو ....
هايا ذرك نفطرو من بعد نكفو لكلام اكي ....
دخلو يفطرو لقاو حسام قاعد في الكوزينة شوية وهبط وائل داير كي السبع طويل وعريض ....
زينب : يا يما على ولد ختي باين راه محير لبنات كامل ههههههه
هند : عندو وحدة عيينا فيه اعرفنا عليها والو رانا نستنو .....
وائل ساكت ما رجعش عليهم قرب ليماه باسها وسلم على زينب وقعد مقابل حسام ....
وائل : بابا مدامنا في عطلة واش رايك نجي نخدم معاك ....
حسام ما أمنش واش سمع شحال كان متمني ولدو يدخل معاه في ذيك البيتزيريا ضحكت وعينيه يضحكو ثاني من الفرحة .....
حسام : هاي ليك الهدرة باين نقبل راني غير مستني ويكت تقولهالي ما كنتش حايب نسيف عليك تخدم معايا .....
وائل: تسيف عليا ههههه انا لي خفت تقولي لالا عندي شحال وانا نخمم فيها بابا ....
وهوما يحكو ويضحكو نساو الشيء لي راه يصرا معاهم في ذيك الدار سمعو شغل واحد هابط في الدروج سور هاذي مرا بويسك صوت طالو....
وائل : اقعدو انا نروح نشوف لازم ما تخافوش اذا تخافو راحت عليكم ثمة يلقاو نقطة ضعفكم اكي اقعدو هنا ....
خرج راح اشوف لقا ظل تاع مرا واقفة في الدروج تضحك .....
وائل: كون تروحو وتخلونا في حالنا ....
سمع ضحكة تخوف ومنها الظال راح ....
لحقو حسام مي مشاف والو .....
حسام : اليوم يا ولدي نروح عند الراقي لي مالفين بيه ونجيبو ....
وائل: نجي معاك بابا لازم نفهم بزاف صوالح ....
حسام حس بلي ولدو الصغيرون كبر وشخصيتو قوية لازم ما اخافش عليه ...
دار ليه ودارلو إشارة براسو ....
حسام عيط للراقي باش اخبرو بلي راه جاي ليه ....
هز عليه واحد : الووو شكون معايا ....
حسام : السلام عليكم خويا انا حسام ان شاءالله عرفتني جيتك من مدة آخر مرة كانت من عامين ....
الراقي : اسف خويا في بالي راك  قاصد بابا ربي يرحمو توفى عندو سمانة ....
لكلام جمدلو في حلقو ما لقاش واش اقول .... شوية وعاود هدر ....
حسام : عظم الله اجركم واسمحلي ما كنتش عارف عندي مدة ما حكيتش معاه ....
ولد الراقي : ربي اثبت أجرك خويا كان شوية مريض من مؤخرا كان يشكي براسو بزاف حتى قالولنا عندو تومار في راسو مي كنا متأخرين بزاف بزاف الله غالب قدر الله وما شاء فعل ......
قعد على الدروج هلكو لخبر تاع الراقي لي مات ما لقا يحزن على موتو ولا على روحو هو غير هاذ الراقي لي قدر اهدئ الوضع عند حسام غير هو لي خلاهم سنين عايشين بلا اي مشكل ....
وائل: او ذرك كيفاش بابا نروحو نعزوهم
حسام ايه يا ولدي لازم نروحو ....
طلعو في اللوطو وصلو لدارو نزلو لقاو شوية غاشي ماشي بزاف سلمو على وليدو وكي سمع بلي هو حسام عطاه واحد لنفلوب وقالو : بابا قالي ذرك اجي واحد اسمو حسام مدلو هاذ الضرف وقولو اطبق كلشي بالحرف لازم كيف ما قالك دير ....
حسام قعد حاير يا درا واش فيه هاذ الظرف حتى انو ما وراهش لبنو وائل.......
#يتبع 😈