🕯#السحر الملعون🕯
#شيطان زوجي 2
#صونيا
🤍الحلقة 22🤍
****************
راقدة فوق السرير وهو على لرض مفرش زاورة متكي عليها ...
آية : مراد كون غير رقدت في طرف السرير ما تخافش قادرة على شقايا ....
مراد: هكذا كل واحد وراحتو خير وانت داركم ما احوسوش عليك وين بتي ولا كيفاش ...
آية : نو قلتلهم راني في لاسيتي فهمت مالة ندير لي نحب او زيد ندير الثيقة في روحي انا ...
مراد : ما قلتش العكس مي هكذا راكي تخاطري اتخيلي كاش واحد تعدى عليك ..
زعفت منو آية : راك تقول بلي انا مالفة نروح مع أي واحد هكذا من نيتك تحكي هاذ لكلام ...
كنت حابة نعاونك مي تبالي خسارة فيك كلشي ...
مراد : ما تزعفيش ماشي قصدي خايف عليك برك والله ....
سكتو واحد ما زاد كلمة حتى مراد مع دار غلق عينيه رقد عيا ....
آية هزت بورطابلها وبعثت ميساج ( راني معاه في لاشومبر راه رقد مي ما تخافش بالشوية ندخل بينهم ونعرف كلشي ) ...
حطت راسها تخمم في هاذ النهار ولا جاتها فكرة !!!!
عيطت ورجعت تبكي تخطف مراد راح عندها ...
مراد : مالك آية واش بيك علاش تبكي...
آية شفت خيال واقف في الظلمة لهيت عينيه حومر وجا يجري عندي شدني من رجليا ....
عنقها مراد باش اروح الخوف .
مراد : انت ثاني تشوفي حوايج خلاص ما تخافيش منهم هكذا ما ياذوكش...
آية مسحت دموعها وقالت : كيفاش انااا ثاني فهمني ....
مراد : العايلة تاع وائل قصدي تاعنا عندها لعنة هكذا سمعت كل يوم حماية كيفاش والله لا شغل فيلم رعب...
سكتت آية شافت معاه والدموع اطيحو ...
مسحلها دموعها وقال : هايا ترقدي ترتاحي خير ...
تمدت فوق السرير ورجعت قعدت بالخف دارت ليه ..
آية : معليش تقعد حذايا والله متت بالخوف ما تخلينيش مراد اعيشك ...
شاف معاها دارلها إشارة براسو تمدو مع بعضاهم جات بين يديه وقالت : مراد نسقسيك وتجاوبني بصراحة ...
مراد : اصلا علاش نكذب نكره الكذب انااااا .
آية: كاش مرة كانت عندك علاقة ودنيت ليها من بعد تفارقتو ....
مراد : انااا جامي توشيت وحدة في حياتي من خلف مرة بست طفلة مي هي لي راحت خلاتني ...
آية : او سلمى اليوم !!!
مراد : سلمى كانت مجرد آمي في لول من بعد طورت العلاقة بيناتنا حبيتها وحبيت كلشي فيها وبانتلي هي ثاني مي نهار كتاشفت بلي آية لي حبيتها هي نفسها حبيبت خويا وائل(سلمى) تراجعت من ذيك الدقيقة كمل كلشي بينا عفتها وموحال نولي ليها ....
هو يحكي وهي تسجل في كلامو بلا ما افيق ....
*********😈*******
واقفة قدامو بلعت ريقها ما لقاتش واش ترجع عليه ...
قدم ليها عينو في عينها ؛
وائل: مكان لاه تكذبي شفتكم كيفاش تحكو بلي ميساج مكان لاه تستغبيتي ....
سلمى هبطت راسها : ايه صح حكيت معاه نعرفو من مدة مي راه غير امي ما تخافش ...
وائل شدها من رقبتها وجبدها ليه ...
وائل: تتمسخري بيا كذبتي ومزالك تكذبي ؛ علاش خبيتو اذا صح كلامك هو سكت ما رجعش وانت هنا كيف اللفعة تكذبي ودوري في لكلام نحب الصح ولا تخلصوها غالية في زوج ....
فرحت كي قالها ما رجعش يعني مراد ما خبروش عليها !..
شافت فيه وعينيها بدموع : صح نعرفو من قبلك انت هو مجرد صديق مي اليوم كي شفتو في البيتزيريا شوكيت والله ماكانش في بالي يقربلك وعندي مدة ما حكيتش معاه ولا شفتو حتى شوف الميساج لي بعثهولي قالي يا تقوليلو يا نقولو هاو ليك ....
مكانش حاجة نخبيها عليك حبيبي اصلا انا وافقت نقعد معاك باش نكونو وحدنا ونحكو في الموضوع هكذا تقعد لقلوب صافية....
وائل: هاذا واش حكيتو اه من قبيل شكون يبعثلك قولي ....
سلمى : بورطابلي قدامك حوس وشوف مانيش نكذب عليك ....
قلبها قريب يخرج من صدرها اصلا فاصات كلشي منو ما خلاتش حتى حاجة ....
وائل: انا ولد فاميليا وحاطين هاذ الشي شدي عليا تليفون تاعك اذا ما كانش الثيقة بيناتنا خلي من اليوم كل واحد يدي طريقو فهمتي ...
في بالي من لول خير ما تكون حاجة سيريوز بيناتنا ....
طاحت قدامو شادة في رجلو وتحاول فيه وتقولو : والله نحبك بلا بيك نهبل صدقني وائل اطلب مني واش تبغي المهم تقعد معايا ما نقدرش نعيش بلا بيك ....
وائل خمم مليح وهزها من لرض ،
وائل : قلت اي حاجة نطلبها ديريها هكذا سمعت ...
سلمى : ايه هكذا وبلا تفكير نطبقها ...
وائل: نحب هاذ الليلة تكون أجمل ليلة في حياتنا يعني نحبك ترقدي معايا 😈😌
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
