🕯#السحر الملعون🕯
#شيطان زوجي 2
#صونيا
🤍الحلقة 20🤍
ناضو الصباح ؛ هند في الكوزينة توجد لفطور؛ زينب مع مراد ما حبتش تخليه بعد الشيء لي صرا معاه البارح ؛ حسام يدوش ؛ زليخة مع عروستها تعاون فيها ....
وائل: الووووو صباح الخير عمري فطنتي ولا مزال يا واحد الفنيانة ...
سلمى : علاش رقدت اناااا قول ؛ زيد ماما بهدلتني قاتلي علاش تروحي وحدك نورمالمو تكون هي وبابا معانا اليوم ....
وائل عقد حواجبو: بديتينا على صباح ربي ياك غير اشوفوك من بعد كي اجو يخطبو حاجة خرى اناااا نخليك حايب ندوش ....
قطع عليها ما خلاهاش حتى تكمل كلامها دخل يدوش ...
هو يدوش ويسمع في مسيح الزجاج طل ورا الريدو لقا مكتوب ( راك غالط في كلشي ) ضحك وكمل دوش تاعو ...
خرج عاود شاف حاجة خرى ( يا تحكي معايا يا نفلق كلشي ) ....
وائل: كوثر لويكت رايحة تقعدي مورايا اه خلاص رجعت كبير مانيش محتاجك تحميني كما صغار وذرك صايي ....
سمع عيطة تاع مرا صوت أخوف مي هو جاه عادي مالف بيها كي تزعف هكذا دير ....
راح نشف روحو لبس وهبط ...
سلم على يماه وجداتو ؛ ..
وائل: امممممم ريحت القهوى تهبل ....
هند : عمري طل على مراد والله البارح تقلت عليه ....
وائل: خليه ذرك اوالف كيفنا المهم ما لازمش اخاف منهم برك سينو اهبلوه ...
زليخة : بنتي لازم تلقاو حل هاذي ماشي معيشة ...
دخل حسام مع زينب قعدو وبقاو يخزرو في بعضاهم ...
زينب : انااا في بالي مكان لاه نجو روحو انتوما برك ...
حسام : رجلي على رجلك سمعتي ...
وائل: كامل تكونو حاضرين مكان حتى عذرك يما وجدي روحك انا ذرك نجي ....
خرج راح عند الصايغي شرا براسلي عجبو من مدة وشرا خاتم واحد لميمتو ولوخر لسلمى...
كامل ناضو اوجدو في رواحهم غير مراد لي مزالو في لفراش ما قدرش انوض ....
راحت ليه خالتو : صباح الخير يا روح خالتو كيف راك اليوم ....
مراد : صباح النور خالتي كون ماشي انت البارح تبالي راني متت ...
يعني اذا ماشي آية انت ههههه
هند : آية هي لي رايحة تجي من بعد ياك ...
مراد : ايه بعثتلها لادراس قبيل قاتلي راهي توجد في روحها ....
ضحكت هند : ان شاءالله تكون مليحة هكذا نفرح بيك انت ثاني ....
مراد : هاذ الساعة مكان والو خالتو مي نقول ان شاءالله ....
ناضت هند وحلت الريدو والطاقة ....
هند : نوض يا واحد الفنيان ....
رجع وائل قعد اعيط عليهم باش اروحو ....
وصلو للبيتزيريا ؛ هند فرحت توحشت هاذ لبلاصة لي بدات فيها حكاية عشقها
..
قعدو لقاو كلشي واجد وائل راح اجيب سلمى ؛ مراد قاعد يستنى في آية ....
يا درا شكون تجي لولة فيهم !!!؟؟؟
هكذا كانت تخمم هند وقالت لزينب: شكون تجي لولة كنتك ولا كنتي اه هههههه هوما يضحكو دخلت وحدة شعرها طويل سمرة عينيها كبار كامل دارو ليها شافو معاها ناض مراد وقال: آية رانا هنا ...
راحت ليهم وسلمت عليهم كامل وقعدت حذامراد ...
هنا زينب قالت : احم كنتي لي ربحت امممم وشحال شابة يعرف اخير ولدي ....
زليخة: او كون تسكتو عيب كامل يسمعو فيكم .....
ضحكو لبنات وحتى آية مي باين عليها ماشي حشامة حتى انها شغل تعرفهم رجعت تحكي وتضحك شغل هاذ العايلة تعرفهم من زمان حتى مراد حار فيها .....
وهوما لاهيين في الهدرة والضحك دخل وائل مع سلمى لول لي دار ليها مراد قعد غير يخزر ....
آية حكمت يدها وحطتها على يدو وقالت ما تنساش رايحة تكون خطيبتو....
هبط راسو انا لخرين ناضو اسلمو عليها حتى وصلت لمراد ...
وائل: هاذا مراد ولد خالتي وخويا في نفس الوقت مكانش فرق بينا ....
سلمى : متشرفين...
مراد : اهلا سلمى تبالي شايفك ....
سلمى بلعت ريقها و وائل قعد اشوف معاهم ....
مراد : في لي فوطو لي معمرين البورطابل تاعو ههههه قعدو يضحكو كامل وكملو قعدو ....
مراد : اه نسيت نعرفكم على آية هاذي حبيبتي ورايحة تولي مرتي ....
كامل دارو ليه مشوكيين من كلامو حتى سلمى طاحلها صاكها من يدها ....
رجعو كامل اقول مبروك مبروك رجعت الفرحة فرحتين ....
مابين هوما فرحانين سلمى بعثتلو ميساج ( انت ناوي تقتلني ولا كيفاش ) ...
مراد ما حبش حتى اشوف مع بورطابلو كان عارف بلي هيا ....
عاودت بعثتلو ( والله كون ديرها نقتل روحي ) ....
هنا وائل توله بيها ونحالها تليفون من يدها وجها تبدل وخافت اشوف واش راهي دير ...
وائل: خلي التلفون في جنب عيب راكي في وسط الجماعة شوفي مراد من قبيل و تليفون تاعو اصوني مي هو خلاه ...
هنا ضرباتو الهدرة في راسو وقعد اشوف معاه ومعاها دخلو الشك في راسو ....
وائل: مع من كنتي تحكي سلمى .....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
