السحر الملعون " الجزء الثاني تابع لشيطان زوجي "

الحلقة 68

🕯السحر الملعون 🕯
#شيطان زوجي 2
#صونيا
🤍الحلقة 68🤍
********************
حل عينيه ما فهم لا راه ميت ولا حي ؛ جسمو مخذر  ما قدرش احرك صباع يديه حتى فمو ماشي قادر يفتحو ؛ طارق حاير واش راه صاريله ما عقلش وين راه؛ لا المكان ولا الزمان .
المشينة بدات تصوني تيت تيت تيت ؛ جات الفرملية تجري لقاتو فتح عينيه اشوف معاها مي ماشي قادر ادير اي حاجة .....
خرجت جابت الطبيب لي كان فرحان بلي فاق اخيرا من ذيك الغيبوبة ...
قعد يفحص فيه من بعد قال : لازملو شوية وقت اولي خير ملي كان كنت فاقد الأمل منو كامل ني الحمد لله لي شفتو هكذا....
طارق غلق عينيه الدمعة طاحت منها تفكر لاكسيدو لي دارها مع زينب ومراد ....
مالقاش كيفاش اقولهم اذا راهم ملاح ولا لالا ....
الطبيب : مرتك وبنك راهم ملاح ما تخافش وانت ثاني بربي تخرج منها كيفهم.....
تنهد طارق فرحان من داخلو كي سمع بلي راهم ملاح ....
الطبيب: لازملو شوية فحوصات مكان لاه تخبرو زينب حتى نتاكدو من كلشي اكي ......
******************
لحقت هند لدار وائل بعد ما بعثتلها سلمى لادراس ...
غير ما دخلت شدتها دخلتها للكوزينة....
سلمى : علابالك بلي شفتها ؛ شفتها هنا وقاتلي اوووووووشت.
هند : باين بلي راكي تعبانة روحي ريحي انا نقوم بيها ....
راحت ليها لقاتو قاعد اشوف معاها ....
وائل: اه ماما جيتي ...
سلم عليها وطلب منها السماح ....
وائل: والله اسمحيلي كل ما ندخل ثمة نشوفها في كل بلاصة على بيها رحت نفسيتي تعبانة بزاف يا ماما .....
هند : فهمتك يا ولدي ؛ لازم تعرف بلي حسام راه مريض قبيل طاح في الدار وعندو مدة وهو مريض ما بحش اقوللنا ...
وائل: كيفاش هاذا اه واش عندو علاش ما قلتوليش ....
هند : عيبت ما نعيطلك حتى مراد بعتلك انت لي ماشي باغي تحكي معانا .
حسام مريض بقلبو زعاف صغير اضرو.....
رجعت تبكي وهو اعنق فيها ويطلب منها السماح على واش دار فيها كي راح من الدار ....
دخلت سلمى لقاتهم هكذا في هاذ الحالة....
سلمى : حسبتك جيتي تخففي عليه ماشي تزيدي على لحريق ليسونص....
وائل: وانت واش دخلك اه ياك تحكي معايا انا ايا روحي لا نخسر معاك لكلام ...
خرجت من ثمة زعفانة تاع الصح منو ....
هند: ماشي هكذا ماشي قدامي ؛ اسمع احتارمها فهمت ....
وائل  : لازم هي تحتارمك المرة الجاية نقصلها لسانها نوريلها .....
ناضت جنة تبكي ما حبتش تحبس ؛ غير ما هزتها هند تكالمات ....
هند : اه يا حبيبت قلبي توحشتي جدة هاني يا عمري ...
هند : ولدي نروح نوجدلها لحليب ونجي شدها تشوف ....
راحت للكوزينة لقات سلمى الروضة ما دورش من الزعاف ....
غير شافتها قلبت وجها عليها.
هند : بنتي انا ما نحبش تتناقشو قدامي لازم تحتارمي راجلك ....
سلمى : كي اديرلي قيمة سع راح زوج عليا او سكت قبلت ماتت زاد طغا كثر من بكري ؛ او ذرك بنتو بسيف ما نشدها او لخرة انت باش تسكتيه يرجع لحياتو لا تقعدي تبكي عند راسو  ....
تنهدت هند وقالت : ربي يهديك هاذا لي نقولك .....
رجعت عند وائل باش ترضع الطفلة حتى سمعو حاجة طاحت كي راح شاف لقاها سلمى في لرض ...
هزها ورجع يحكي معاها : سلمى واش صرالك احكي ....
سلمى : سمية ؛ سمية ضربتني والله شوف راسي راه يدمي ......
#يتبع 😈