🕯السحر الملعون 🕯
#شيطان زوجي 2
#صونيا
🤍الحلقة 50🤍
******************
ريحت القهوة معبية لمكان ؛ سمية وجدتلهم قهوة تاع الصباح ؛
يومين وهوما في سبيطار واخيرا جاهم خبر مليح ...
الطبيب: البارح درنا عملية زرع الكلية ؛ ما حبيناش نقولولكم حتى تنجح والحمد لله نجحت ....
زينب : حابة نتشكر لي مد لولدي كلية ممكن نشوفو ونطمن عليه ...
الطبيب: للأسف ماشي ممكن تعرفي زينب اذل هو ما بغاش مستحيل حنا نقولو ؛ راكي طبيبة وتعرفي سر المهنة ....
زينب : معليش المهم اشكرو في بلاصتي مي خليلو عنواني ورقم الهاتف اذا كان محتاج اي شيء كاش نهار راني واجدة ...
جا الطبيب اروح حبساتو ...
زينب: وراجلي واش حوالو ما عطيتنيش خبر عليه ...
صراحة درنا لي علينا الباقي عليه هو اذا فاق راه يتعدى مرحلت الخطر وقادر يقعد في غيبوبة ؛ اما اذا جسمو ما تحملش مانيش قادر حتى نقولك النتيجة تاعها ....
قعدت في الكرسي وعارفة واش معناها كلامو ؛ قلبها وجعها ماشي قادرة تعمل اي شيء ...
هند : وائل ادي مرتك وروح لدار ريحو شوية ....
دارت سلمى وسمية اشوفو معاها ...
ضحك وائل: والله لا منظر اضحك في زوج مقابليني ويما تقولي ادي مرتك ؛ شكون فيهم قاصدة يا ميمتي ....
ناضو كامل يضحكو من غير سلمى لي ما عجبهاش كلامو ....
سلمى : باين سمية وشكون قصدها ؛ انا صايي رجعت قديمة ؛ مي هي عروس وفوتت يومعا لول مطايشة في سبيطار 😏😏😏😏
وائل: اكي هايا سمية نروحو هكذا تبدلي قشك وسلمى تريح نع ماما من بعد اتبادلو....
هزت صاحكها لقاتو مفتوح حارت مي عطاتوش أهمية كبيرة ...
خرجو من سبيطار ديريكسيو الدار ....
سمية : ما تخافش عليا قادرة على شقايا معاها ههههه
وائل: وي علابالي على بيها ما نحبش ندخل بينكم ...
وصلو لدار طلعت ديراكت نحات قشها ودخلت لدوش ...
وائل عمل نفس الشيء دخل معاها وقعدو يدوشو ؛ ما بين كانو لاصقين في بعض ####### صرا ما صرا تفكر وائل اول مرة مس فيها سلمى وكانت هنا في نفس لبلاصة في نفس الموقف ؛ ضحك ذيك الضحكة الخبيثة شغل راه مستمتع بالشيء لي راه صالي ....
سمية : واش سبب هاذ الضحكة كي نشوفها مرسومة على وجهك نعرف بلي كاين حاجة وانت مستمتع بيها ....
وائل: لحد اليوم انت اول وحدة قاتلي هاذ لكلام يعني راكي قاعدة تحللي في شخصيتي هكذا ...
سمية : وي بالذات ههههه شد الما وقعد يمسح على جسمها ...
وائل: شوفي راه يهبط منك الدم سمية...
هبطت راسها قاتلو : ... اممممم معناها ذرك صح وليت مرتك هكذا ههههه
قعدو يضحكو وكملو الدوش ....
نشفت روحها مليح شافت معاه ...
سمية : ما تقوليش هاذ الشومبرة تاعها ...
ضحك وائل: تاعي ماشي تاعها ...
سمية : مستحيل نرقد هنا ياك عندكم بزاف لي شومبر هايا نروحو لكاش وحدة فيهم ...
ما قدرش أقنعها تقعد خرجت بالمنشفة دور على شومبرة شافت وحدة عجبتها دخلت ليفاليز تاعها بدلت لغطا تاع السرير نشفت شعرها كي لحقها وائل لقاها وجدت كلشي .....
وائل : اممممم راكي قافزة برافو وووو.
سمية : راني ميتة بالنعاس هايا نرقدو شوية ....
دخلو في السرير رقدو ...
******** ********
شافت روحها تمشي بين لقبور الضباب في كل مكان ؛ تمشي ويدها تمسح في الشاهد تاعهم ؛ سمعت صوت طفلة صغيرة تعيطلها : سمية سمية واخيرا جيتي عندي ...
سمية دارت تحوس وين مصدر هاذ الصوت ....
زادت الطفلة قالت : واش رايك نكون صحابات في زوج ...
سمية : كون تخرجي سع نشوفك حبوبتي من بعد تقوليلي شكون انت ....
الطفلة طلت عليها من واء شاهد تاع قبر كان مكسر ...
سمية : هلووووووو شحال راكي شابة ...
الطفلة: انااااا جنة نسكن هنا ولا بالأحرى خلاتني ماما هنا ...
سمية نخلعت من كلامها: كون تجي معايا لدار من بعد نحوس على والديك ....
ضحكت ذيك الطفلة ؛ رجعت سمية خطوتين للور من الخلعة وجها وضحكتها اخوفو بزاف ...
تمشي للور حتى طاحت ...
جات تهز روحها ما قدرتش شافت ايدين حاكمينها من ذرعيها ورجليها كتفوها وهي تعيط لربي لي خلقها خلوني خلوني ....
*****************
فطن وائل لقاها ممدودة على لرض وتتخبط وحدها راح يجري اسيي انوض فيها.
حلت عينيها وائل مشوكي عينيها كامل بويض بالشوية رجعو كيف كانو ...
وائل: عمري واش لي صرالك احكي سمية ....
شافت معاه وقالت : اذا نجيبو طفلة حابة نسميها جنة اوعدني وائل.
هزها ملرض حطها فوق السرير.....
وائل: وعد حبي مي شكون قالك تكون طفلة ....
سمية حطت يدها على كرشها: راني حاسة بلي راني اونسانت يا من ذرك وعلابالي تكون طفلة؛ مي خفت ما نشوفهاش ولا ما نشمش ريحتها ....
وائل تخلع من كلامها وحط يدو على شفايفها ...
وائل: واش هاذ الهدرة بعيد الشر ربي اطول في عمرنا ونجيبو بزاف اولاد ....
عنقها وهي تشوف مع الباب شافتها طل عليهم وتضحك ذيك الضحكة .....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
