السحر الملعون " الجزء الثاني تابع لشيطان زوجي "

الحلقة 89

🕯السحر الملعون 🕯
#شيطان زوجي 2
#صونيا
🤍الحلقة 89🤍
******************
قاعدة في الظلمة كلشي مغلوق تستنى فيه يظهرلها كيف ما وعدها ؛ سلمى رجعت تخوف أيامها ولياليها تفوتهم في العتمة ؛ حابة غير تنتاقم منو كي طلقها .....
سمعت حركة من اوراها مع دارت شافتها واقفة عينيها حومر يلمعو....
كوثر: مزالك مصرة على رايك سلمى رايحة تندمي عليها طول حياتك....
سلمى ضحكت بصوت : ياو ندمت اول مرة كي كان معايا وخليتهم اخرجوه....
كوثر : خليني انا نساعدك ماشي هو خليني انا نقص عليك هاذ الغضب لي راه ياكل فيك من الداخل ؛ خليني....
وقبل ما تكمل كلامها اختفت في رمشت عين قعدت سلمى تحوس عليها مكانش ؛ حارت وين راحت ....
حتى شافاتو واقف طويل بزاف عندو قرون ماضيين ؛ يديه وظفارو طوال اخوفو ؛ بلا ما نحكو على فمو لي جاي من وذن لختها ...
كي يهدر ولا يضحك سنانو يخرجو ؛ اما لسانو كيف لسان اللفعة .....
هو : جيت في بالي ماكيش خايفة مني ..
سلمى : لا خايفة علاش تجي بهاذ الطريقة قول ، كون جيت بوجه احسن من هاذا كيما مالف ...
هو : اغلقي عينيك وحليهم...
غلقت عينيها فتحتهم شافتو قدامو يشبه لوائل  ؛ لا هو بادق التفاصيل تاعو ....
سلمى : لقيت غير هاذ لوجه تقابلني بيه يعني !!!!
هو : انت ماكيش كيف غيرك ما تخافيش عند شجاعة كبيرة ؛ وتحبي تتحدي هكذا نحب انا ...
سلمى : كي نحب حاجة لازم نوصلها ؛ هو دمرني انا لازم ندمرووووو ...
هو : كيفاش تحبي تسميني انا عندي اسم مي ممنوع نقولهولك ؛ انت سميني ...
سلمى : نسميك الشيطان بويسك تشبهله وتخوف ...
قولي وينها كوثر ؛ علاش انت جيت هي راحت ...
الشيطان : راهي معاقبة خالفت التعليمات راهم اعذبو فيها ..
لازم تبدأي بحاجة بلا هاذي مستحيل نقدرو ندير شيء ؛ جيبي قط ربيه ايامات وكي كامل اكونو راقدين لازم تذ..بحيه...
سلمى : اه علاش جامي ندير فيه هكذا مش
س
مسكين القط ....
الشيطان: يماك دارتها عادي المهم كانت تحب تحميكم مي في سبت وائل كلشي قلب عليها ؛ هواء لي خلاهم اعاقبوها ؛ هو السبة تاعكم ....
سلمى زاد الحقد فيها من جيهتو وهنا قررت تاع الصح دير كلشي باش تنتاقم منو وبأي طريقة ...
عيطت لوائل باش تخبرو بلي راهي مريضة .
سلمى: راني عيانة ما نقدرش نشد حسام خليه ايامات عند يماك اكي ...
وائل: واش بيك كشما خصك قوليلي ...
سلمى : ذرك ما عندك حتى عليا ؛ انت حقك عند اوليدك وهنا تكمل لحكاية ...
قطعت عليه خلاتو حال فمو كيفاش رجعت باردة ....
حسام اخمم مع روحو اذا صح دار القرار الصح كي طلقها ولا غلط وخرب كلشي بيدو ...
اخمم فيها كيفاش تبدلت كيفاش رجعت قاعد في الطونوبيل حتى لمحها فايتة تمشي وتشوف اوراها ...
وصلت سلمى لواحد الحانوت قعدت غير خمس دقايق وخرجت في يدها باطة ...
حسام نزل راح ليها ديراكت غير وقف قدام نخلعت وطاحت لابوات وخرج منها القط ....
وائل: اه شحال شباب وصغير ليمن هاذا ؛ ياك قلتي بلي راكي مريضة لا ...
قعدت تسعل قدامو وبسيف ما تحكي ...
سلمى: ايه مريضة ونخاف نعديه؛ وهاذ القط ليه شحال من مرة مهبلني باش نجيبلو واحد ...
وائل: اطلعي نوصلك ...
سلمى : انا مرا مطلقة واش اقولو عليا الناس ؛ روح في حالك احسن ...
خلاتو واقف وراحت خافت اوصلها اشوف واش كاين في دارها وتخلى عليها ....
#يتبع 😈