🕯السحر الملعون 🕯
#شيطان زوجي 2
#صونيا
🤍الحلقة 95🤍
******************
مانيش مصدق بلي سلمى عملت هاذ الشيء شوفي وين وصلت يما ؛ راهي بين الحياة والموت ..
واش نقول لحسام كي اسقسي عليها واش نقولو ...
حط راسو بين يديه عينيه دمعو على الحالة لؤ وصلو ليها ....
مزال خبر سي حواس ما لحقهمش.
هند : يا ولدي مدام كاين ربي ما تخافش لي دار شي حاجة ربي اوكيلو..
مابين هوما يحكو دخل عليهم طارق وجهو مبدل وعرقان ماشي عارف حتى يمشي ...
هند قربت منو خايفة ..
هند : طارق واش بيك ؛ خوفتني وجهك ماشي نورمال.
طارق : كاين خبر مليح واحك ماشي مليح ...
وائل: اهدر المهم نفهمو واش كاين مانيش قادر بعد واش صرا مع سلمى ...
قرب منو طارق شاف معاه : واش صرا غير الخير ...
وائل: احكي سع من بعد نخبرك واش صرا ...
طارق : لي دارلكم السحر مات وفكو يعني اللعنة صايي راحت ...
هند : الحمد لله يا ربي ولهبر لوخر واش هو ...
طارق : أميرة مريضة بزاف ما عرفناش واش بيها راهي غير تبكي مؤ الطبيب قال كلشي عادي ما عرفوش علاش تبكي ...
وائل: ماما هكذا كانت جنة ديما تبكي حت كبرت شوية رجعت تهدر باش عرفنا ...
طارق: موحال اضرها هو تحبهم بزاف أميرة ومحمد امين....
وائل: ما قلتش هو لؤ ضرها مي ممكن حاجة ناقصة ولا كيف فك السحر هاذا صراو حوايج أخرى....
المهم انت ديراها ديما القرآن ذرك ترتاح عليه صدقني هكذا صراتلنا مع جنة ...
طارق : ان شاءالله تقدر تريح برك شفتني قلبي تقسم عليها ...
وذرك قولي واش بيها سلمى واش صرالها ...
وائل: رحت نشوف واش بيها عندها شحال ما سقساتش على حسام لقيتها غارقة في د.مها ؛ الشرطي قال بلي حابة تنتاحر ....
طارق قعد في كرسي فشل كامل من هاذ لحكاية ...
طارق : ويكت رايحين نرتاح حنا يا ربي ؛ قولي وذرك حالتها كيفاش ...
وائل: والله ما علابالي راني نستنا كاش خبر عليهم وان شاءالله تريح مي موحال نزيد نشوف وجها قدامي صايي موحال نسامحها ...
دقدق الباب فتح طارق لقاه الشرطة ...
الشرطي: لازم نحكي مع وائل من فضلك..
طارق : تفضلو منا راه قاعد يستنى فيكم ....
دخلو كانو في 4 موراهم طارق ؛ لحقو لصالو لقاوه مع هند مجمعين على صني قهوة ....
وائل: حضرات مرحبا ان شاءالله كاين خبر مليح عليها ...
الشرطي: للأسف لا زوجتك موحال تعاود تتحرك عندها شلل كامل 100% .
رايحة تقعد بهاذ الوضع حتى ربي يدي امانتو ؛ اما بالفعل هي لي عملت بروحها هكذا بعد ما ندمت على الشعوذة لي كانت تمارس فيها في الدار ...
الطبيب طالب بالحضاتة الكاملة ليك بما انك حاط ملف الطلاق للمحكمة هاذي ورقة من عند الطبيب كتب فيها كلشي بالنسبة للحالة تاعها ....
وائل مشوكي من الكلام لي سمعو ...
هند : موحال ترميها وهي بهاء الحالة سمعت يا ولدي انا ما نقبلش لازم ننطهلو فيها المسكينة مهما واش عملت راهي ام ولدي وحبيب جدتو...
قرب ليها وائل وباسها : يما قلبك حنين بزاف بزاف خسارة سلمى جامي شافت فيك هاذ الصفة ....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
