🕯السحر الملعون 🕯
#شيطان زوجي 2
#صونيا
🤍الحلقة 33🤍
**************
بدلت قشها حطت لاغوب فوق الفوتاي لبست نويزات وجات قابلاتو...
تشوف مع تفاصيل وجهو ؛ هو ممدود فوق السرير ؛ غالق عينيه حتى صباطو ما نحاهش ...
هزت يدها وقعدت تمسلو في لحيتو ...
سلمى : مالو راجلي زعفان غير الخير احكيلي ...
حل عينيه شاف معاها : مكانش خرجة وحدك ولا مع داركم ؛ التليفون ديري هاذاك لي سانبل؛ بلا يما ما تتحركيش ؛ لي نقولو طبقيه بالحرف ...
شافت معاه : يعني هاذا حبس ماشي زواج ...
وائل: اه نسيت اولاد ممنوع ما نجيبوش لازم تشربي لابيلول فهمتي نسمع بيك اونسانت نطلقك..
وذرك خليني نرقد من الصباح وانا نجري كيف الكلب ..
دار عطاها بظهرو ورقد مخليها ماشي فاهمة والو ...
تغطات ورجعت تبكي كانت متوقعة تكون أجمل ليلة في حياتها.....
طلع النهار ناضت ما لقاتوش لبست قشها عادي راحت دوشت مشطت شعرها وقعدت تستنا ...
دخل لقاها واجدة ....
وائل : صباح الخير رقدتي مليح بعد ما بكيتي حتى وجعتيلي راسي ...
سلمى : كنت نحسب فيها تكون أجمل ليلة ماشي ابشع ليلة ...
وائل: واش خصها راقدة حذا راجلك وذرك رايحة لدارك....
سلمى : وين لبارتومو ...
ضحك وقال : علاش الفيلا ماشي في مقامك اه ....
انا ندير واجبي كزوج ما تستنايش مني حاجة اكثر انت طعنتيني مرتين في ظهري سلمى المرة الثالثة موحال نسمحلك ؛ حتى ذرك مام نطلقو عادي زوج ما تفاهموش على بيها زوجت بيك هكذا انت تسكتي ما كان لاه تزيدي تنتاحري ....
اه نسيت موحال نقبل يماك تدخل في حياتنا اكي نسمع حاجة داراها ترفدي قشك تعشي عندها ...
سلمى رايحة تهبل ما لقات ما دير من غير تسمع كلامو لا يضحكو عليها الغاشي كانت حاسبة بلي هي لي تحكم سع هو خبى لعبو مليح قبل بكلشي باش كي اشدها موحال وين تهرب منو ....
راحو لدار باباه لقاهم يستنو فيهم ...
هند : مرحبا مرحبا بيكم راني ميتة بالفرحة ما تتصوروش...
سلمت على كنتها ؛ ولدها جاو الباقي سلمو عليهم فرحانين بالعرسان...
هند : وائل راني وجدتلك كلشي كيما قتلك باش تديهم لداركم ...
وائل: هنا داري ماما وزيد سلمى قاتلي كيفاش نروحو والفيلا كبيرة على الاقل نقعدو شوية معاهم ....
ضحكت سلمى بلا ما تنطق كلمة ؛ هند ماتت بالفرحة ...
هند : والله فرحتني يا ولدي شحال متمنية نشوف أولادك يجرو هنا في الجنينة حنى شريناها غير على هاذ الشيء....
وائل: اه لولاد مازال ماشي وقتهم ماما ..
انا نروح نطلع نرقد شوية تعبان ...
راح وخلى سلمى قاعدة في وسطهم غير ساكتة ...
هند : روحي مع راجلك بنتي تبعيه ...
ناضت راحت تبع فيه وغضبانة من كلامو ....
زينب : واش بيه البارح ماشي مليح واليوم كيف كيف يدرا واش راه صاريلو ...
هند : راهو خالعني شفتي كيفاش يحكي معاها والله غير نخلعت تبدل بزاف وائل....
**********
دخلت لقاتو يدوش ؛ خاتم مليح نحات قشها ودخلت ليه ...
وائل: هاكي غسليلي مليح ظهري ...
هزت الصابون وبدات تغسلو وتتحكك بيه وهو تحت الما السخون ؛ جسمو يوجع فيه ومع حنانت سلمى حس روحو شغل يحلم ؛ قعد اقول علاش لا راهي مرتي وحلالي كون نخليها هنا انا لي ندير في لحرام ونخليها دير هي ثاني تروح تحوس في جيهة خرى ...
دار ليها شدها من ظهرها ...
وائل: تسمعي كلامي تعيشي عيشة واحد ما يحلم بيها اما تخشني راسك تتعذبي يبقالك غير الدموع لي خففو عليك ...
دارت براسها ايه ؛ شاف معاها ومع شواربها باسها وعنقها اوووو ###### صرا لي صرا بينهم ...
كملو الدوش راح تسطح فوق السرير جبد من جيبو باطا حاطها فوق مخدتها...
جات هي لفت منشفة حبت تحط راسها شافت لباطة ...
سلمى : واش هاذ الدوا قول ...
وائل: لابيلول هاذي اشربي .
قريب تهبل وقالت : علاش زوجتني كون خليتني نموت ماشي خير اه علاش تعذب فيا من حقي نجيب اولاد من حقي نخرج نعيش ...
شاف معاها وناض : هاذ الحق ضيعتيه نهار خنتيني؛ ما نحبش اولاد منك مزال ما فهمتيش؛ قتلك ندير واجبي كزوج هكذا ربي ما احاسبنيش اما الباقي ما تساليش.
سلمى : لا حتى حقي في هاذ الحاجة نخليه ماشي محتاجة صايي نقعدو كيف الخاوة...
شاف معاها ضحك : اكي نجيب عليك وحدة خرى نورمال خير ما ندير لحرام ...
رجعت تبكي من كلامو وتطلب في ربي يديها جامي تخيلت يوم تكون حياتها معاه بهاذ الطريقة ...
وائل دار وخلاها في ذيك الحالة ونسا بلي راه كاين ناس تقدر تسمع بالفعل مراد سمع كلشي وجعو قلبو عليها مي ماشي قادر يعمل حتى حاجة ...
خمم ولى هبط عند خالتو وقال : نحتاجك خالتي في هدرة ...
ناضت راحت معاه للكوزينة..
مراد : كنت نعرف سلمى قبل وكذبت عليا وعلى وائل وقاتلي اسمها آية ونهار خبرت وائل على حياتي وشكون نكون انااا عرفت بلي سلمى حبيبتو وناوي يزوجها ؛ خبيت عليه الموضوع مي ما علاباليش كيفاش عرف لحكاية وراح ليها وكمل كلشي لي بيناتهم مي كي حاولت تقتل روحها باش تنتاقم منو وهي علابالها بلي احبها رجع في رايو وزوجها باش اعذبها .
هند مشوكية من كلامو ؛
هند : مليح كي قتلي ما نحبش الشيء لي صرا بين باباك وعمك حسام يصرى بينكم انت حبيبي وقلبك مليح ذرك نسيي نفهم واش اخمم ...
سلمت عليه وراحت عند حسام حكاتلو كلشي...
هند : لازم نلقاو حل ذرك راهي مرتو موحال نخليه اعذبها ...
حسام : كون ما ندخلوش خير خليه هو يعرف صلاحو....
هند : حابة نشوف اولادو حسام مالة مكان لاه تقول كلام اخر ...
حسام : كون غير ما اجيبش كي نتفكر ذيك اللعنة قلبي يتقسم مالة يقعد غير هو احسن ...
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
