السحر الملعون " الجزء الثاني تابع لشيطان زوجي "

الحلقة 67

🕯السحر الملعون 🕯
#شيطان زوجي 2
#صونيا
🤍الحلقة 67🤍
********************
دخل لدارو الجديدة ؛ حطت سلمى جنة في شومبرتها وراحت هي عند وائل لي كان متكي في سريرو .
سلمى : احكي معايا حبيبي عندك ملي ماتت سمية ما قلتش كلمة ؛ انا مزالني هنا ؛ نربي بنتك كيف بنتي ؛ ننطهلى فيك .....
وائل: ماشي قادر نتنفس سلمى ؛ ماشي قادر نحكي اخطيني ....
سلمى : شفت بلي جاك ميساج من مراد ؛ علاش ما تشوفش واش فيه قول.
دار خلاها تحكي وحدها غلق عينيه جاتو .
سمية : كون ترجع تعيش حياتك ماشي خير ....
وائل: ما قدرتش من بعد والله ...
سمية : هكذا راك تعذبني وتعذب روحك ...
حس روحو مربوط او يدين بزاف شادين فيه ادخلو فيه تحت التراب؛ ماشي قادر يتنفس ؛ ماشي قادر اعيط ولا حتى يفتح عينيه ....
في لحظة حاسو روحو مدفون وهو حي ؛ حتى سمع صوتها ؛ راهب تبكي ؛ صوتها ما حبش يحبس .....
جنة ؛ جنة قاعدة تبكي على قد ما تقدر ؛ صوتها معبي لمكان ...
فتح عينيه ناض لقاها صح تبكي ؛ راح اشوفها لقى سلمى تسكت فيها مي الطفلة ما حبتش تسكت ....
هزها ورجع اعنق فيها ....
وائل: يا روحي ؛ علاش تبكي بنتي ...
سلمى : في بالي والفت ريحت يماك على بيها ماشي حابة تسكت ؛ خليها عندها شوية حتى تكبر ونجيبها ....
خزر فيها بواحد الشوفة كون نشفت لرض راهي دخلت فيها ....
وائل: بنتي تقعد معايا ذرك نعيط لماما تجي تقعد ايامات معاها...
سلمى قلبت خليقتها: اووووووف ما صدقت تهنيت منها رايح اجيبهالي....
وائل: واش راكي تقولي .....
سلمى : والو رايحة نعيطلها باش تجي .....
تخبط في رجليها مقلقة منها ....
عيطتلها باش تخبرها .
سلمى : الوووو يما راكي مليحة ..
هند : مليحة يا بنتي عمك لي راه مريض ...
سلمى: اووووو غير الخير ماله ...
هند : عندو مرض القلب او خبا علينا ....
سلمى ( ان شاءالله اموت ) .
هند : ما فهمتش واش قلتي ..
سلمى: لا ماشي حاجة قراف ما تتقلقيش يما ربي يرحمها كان عندها القلب ثاني وعاشت بيه بزاف ...
هند : وينها يماك ذرك ياك ماتت راني خايفة على حسام ثاني لا اموت ....
سلمى زعفت من كلامها : تستشفي في يما كي ماتت هكذا ياك ...
هند : استغفر الله واش هاذ لكلام يا بنتي والله.....
سلمى قطعت كلامها : مكان لاه تنافقيني سمعتي ؛ خلينا من هاذ لكلام ....
الطفلة ماشي حابة تسكت او وائل قالك ارواحي قعدي ايامات معاها ....
هند : كي نجي نحكو .
قطعت سلمى في وجها وزعفت بزاف من كلامها ؛ حتى انها خممت تروح تريح شوية مع ختها مابين هند تروح لدارها ...
رجعت عندو لقاتو رقد وفي يدو جنة ....
سلمى : يعني تهنيت من سمية جاتني بنتها اوووووف كامل ما عنديش الزهر انااااا ...
مع كملت كلامها سمعت صوت خطوات في بيتها ؛ شغل واحد يتمشى باللحفى...
راحت طلت ما لقات حتى واحد مع دارت شافت مرا تمشي جيهت بيت الطفلة لابسة كلشي بيض ...
سلمى وجها رجع بيض من الخوف قالت : شكون انت ....
دارت ذيك لمرا شافت مع سلمى وضحكت هزت صبعها حطاتو على شواربها وقالت : شووووووووووووت .
سلمى : سمية !!!!!!ياك متي ....
#يتبع 😈