السحر الملعون " الجزء الثاني تابع لشيطان زوجي "

الحلقة 27

🕯#السحر الملعون🕯
#شيطان زوجي 2
#صونيا
🤍الحلقة 27🤍
****************
غلقو عليها البيت هاذي سمانة ما خرجتش منها يا دوب تقدر تروح للتوالات .
آية لي في الحقيقة اسمها ميسون ما عندها حتى خبر على مراد ؛ خالفت كلام باباها وكانت حابة تحذرو من واش رايحين اديرولو ؛ ريان لي هو خوها شافها وحبسها وراح قال لباباه.
اب ريان دخل ليها لقاها كيف الميت تاعبة ما حبتش تاكل ولا تشرب قدم ليها بالشوية حط يدو على شعرها ...
هزلها راسها وهي قعدت تعيط : كنتي رايحة تخربي كلشي علينا علابالك واش معناها معناها مازر يبدأ بينا حنا ولوين فهمتي تكوني انت السبة في موت خاوتك كامل...
ميسون: حرام واش راك دير هو علاش واش ذنبو ياك لي دارو السحر ماتو ...
اب ريان : جدك مات هوما السبب في موتو فهمتي حكيتلك الف مرة هاذ لكاية ؛ كون مات حسام راه جدك في وسطنا مي مرتو الكل.بة دارت معاه عقد د.م .
يعني كلشي رجع عليه لازم تفهمي لي يلقاه لول هو لي اعيش هوما ما يعرفوش هاذ الشيء على بيها حنا رانا واعيين عليهم .
كوني عاقلة ورجعي لطريق وانا نخليك على راحتك ..
ميسون : خلاص اصلا ما نحبش دارنا اموتو في جرتي ..
ندير لي نقدر عليه بابا سامحني ...
فرح على واش قالت طلب من ريان اخليها على راحتها رجعلها بورطابلها شاف معاها وقال : هاكي ندير فيك الثيقة مي غلطة صغيرة راني نفيق وتعرفي واش قادر ندير انااااا .
اما على مراد مزالو حي يعني الشيء لي درتيه ما نفعش لازم تلقاي حاجة اخرى فهمتي .
دارت ايه براسها وباين الفرحة على وجها كي سمعت كلامو ..
شعلت بورطابلها لقات بزاف بزاف لي ميساج ولي ابال تاعو ...
فرحت لي حوس عليها ولي مزالو عايش ..
بعثتلو ميساج .
ميسون : لازم نشوفك في أقرب وقت.
حطت التليفون ودخلت تتدوش ؛ قعدت في لرض وبقات تبكي على زهرها علاش حباتو علاش دخلاتو في حياتها ؛ علابالها بلي غير يعرف شكون هي موحال اشوف ليها بالعكس ممكن حتى اقدمها للشرطة ...
هي تبكي وفي وسط البخار شافتها واقفة انعم هي بالذات لي كانت تخنق فيها في الاوتال...
ميسون خافت وتكمشت في بلاصتها .
كوثر: حبيت نساعدك مانيش حايبة حاجة تصرى في وائل موحال نخلي مازر اقيسو ...
ميسون : او كيفاش نعملو جدي من بعد بابا وذرك خويا كامل جاتهم ذيك اللعنة كانو يحسبو بلي قادرين عليه قادرين يتحكمو فيه مي هوما لا هو ادير كيف يبغي ...
كوثر : انت لازم تحكي لمراد هو مستحيل اديرلك حاجة مي تعاودي هاذاك الشيء انا لي رايحة ننتاقم منك ...
كوثر دارت وقالت: راه جاي راه جاي وراحت في رمشت عين .
ميسون زربت شلت روحها وخرجت من الدوش كي جات تلبس قشها شافت جسمها كامل معمر بلايص زورق نخلعت من المظهر مكانش بلاصة ما فيهاش من خلف وجها ...
سمعت صوت التلفزيون اصوني هزت : الوووو مراد ..
مراد : رانا في سبيطار سلمى حاولت تقتل روحها وراهي في غرفة العمليات قالو حالتها خطيرة ...
ميسون تفكرت كي خوها بعث هاذاك الفوكال تاع مراد ...
ميسون : تحبني نجي قول ..
مراد ايه ارواحي اصلا حايب نحكي معاك على واحد الحاجة ...
#يتبع 😈