When I am With Miss Clumsy (Season Two)✔

Action 163: Day One

Clumsy's POV

Palapit ng palapit ang mukha ni Pating sa akin. Pumikit ako habang hinahabaan ang nguso. Gusto ko rin siyang halikan. Kahit hindi ako marunong. Ang lambot ng labi... Gusto kong--

"Time to wake up, sleepyhead!"

"Wooooah! Ha. Ha. Ha..." Napabalikwas ako ng upo sa kama habang habol ang hininga. Napahilamos ako sa mukha ko at napapikit-pikit. Nakanganga. Pakiramdam ko nalunod ako.

'Biglang malamig. Bakit pakiramdam ko basa ako?'

"Aray!" Napahawak ako sa noo ng biglang may tumama sa akin. Napapikit ako sa sakit. Ang tigas nung tumama eh! Nilingon ko ang pinanggalingan ng bagay.

"P-pating?" Nauutal akong nagsalita.

Nakatayo si Pating sa gilid ng kama ko. May benda ang buong kamay niya hanggang sa kalahati ng braso niya, tapos kahit ang noo niya may puting tela na nakapalibot. Tapos may dala rin siyang telang puti.

"At the count of five I want you infront of me, prepared. One!"

"Wouy! Wouy teka!?"

"Two!"

"Waaaaahhh!" Napakuripas ako ng talon sa kama, pero ang magaling na kumot hindi ko napansing nakapalibot sa paa ko. "WOAAAAAAAH!"

"Oh shit." Narinig ko pang nagmura si Pating bago siya kumaripas ng takbo para saluin ako. Pero ang inaasahan kong nakakakilig na pagsalo, hindi nangyari. Nagdere-deretso ang kalahati ng katawan ko pababa sa kama at kung kailan malapit na akong mangudngud saka tumigil ang dere-deretso kong paglaglag. Naipit pa ang mga kamay ko sa kumot at unan na nasa gilid ko.

Pinilit kong tanggalin ang mga kamay ko sa pagkakaipit. Naririnig kong nagbibilang si Pating ng mahina at pagkabilang niya ng tatlo bigla niya akong binitawan at tuluyan akong tumuwad sa sahig. Ang bait niya diba, una hinigit niya ang likod na parte ng damit ko para hindi ako mahulog. At pangalawa, binitawan niya lang din ako. Maraming salamat. Rrrghh!

"Arrouch..." Nagpagulong-gulong ako sa sakit ng ilong at noo ko. Nakawala na ako sa walang hiyang kumot at sa lapag na ako nakahiga. Narinig ko ang sapatos ni Pating na papalapit. Naningkit ang mga mata ko habang inaantay siyang tingnan ako.

Nasa ulunan ko siya at niyuko ako. Nakangiti. "Morning."

"Morning nye nye." Naiinis kong panggagaya. Pero hindi nawala ang ngiti niya. Tiningnan niya ang hita ko. Nakapajama ako nuh, si spongebob.

"If you have the strength to lift your legs up," tinuro niya palibot ng leeg niya habang nakangiti. "Place it around your opponent's neck and, " pinaikot niya ang isang hintuturo. "Bam! Make sure your opponent's body will hit the ground. Hard. Yung tipong mapapadaing siya."

"Hah!?" Napakuripas ako ng tayo at nagpameywang sa kanya. "Ang aga-aga, Pating! Iniisip mong manakit!? Ha!?"

Tumayo siya ng maayos at hindi parin nawala ang ngiti sa akin. Niyuko niya ang hawak na tela. "Rule number one--."

"Hide? Tama. Sabi ng mama mo, na tita ko. Rule number one ay magtago! Kaya huwag mo kong turuan nung padaing-daing! Magtatago ako!"

"Rule number two--."

"Follow orders! Kaya ifofollow ko ang rule number one! Babye!" Naiinis kong sigaw saka ko siya iniwan. Pero ilang hakbang lang ang nagawa ko at natigilan ako dahil sa naisip.

'Rule...'

Dahan-dahan ko siyang nilingon ulit. Nakangiti parin siya sa akin. Mas lumapad pa. "Times up. I'd already counted one to five. At mukhang hindi ka pa ready. Punishment," pinaikot niya sa harap ko ang hintuturo niya. "Five rounds. Run around the mansion."