🔥الصفحة 44🔥(مكتملة الجزء الاول)

part6

//الصفحة 44//

🌷بارت 6🌷

داليا : ساطة و الله الا عيقتي و بزاااف كاااع
جينا (باشمئزاز مصطنع) :ساطة ؟؟؟ بففف اللي يشوفك ما يقولش عليك بنت دبلوماسي... نو نو صراحة طحتي من عيني
داليا (و هي دايرة يدها على جنبها) : اوا انا هاكا ا حبيبة اللي بغاني مرحبا و اللي ما بغاني الما و الشطابة و نتي اللي ديما دافعة علينا كبير و كاعما كتبغي تسهري معانا
جينا (علات فيها حاجب) : ياااك ا بنت العبد !!!
َداليا (ضحكات بصوت مسموع) : هههه ا تبارك الله على بنت رجل الاعمال
جينا : هههه شوهتينا يا الشيخة صافي سكتي 
ما حسات جينا براسها غير و هي مرفوعة و شي واحد كيضور بيها فالسما حتا دوخها
جينا (بالغوات) : زهيييير الحماااار نزلني يا الشماتة يا راس تيمومة
زهير (نزلها و هو كيموت بالضحك) : هههههه اش هاد المعيور ديال عهد با جدي يا بنت العبد.... هادي هي توحشتك زعما راني غبرت عليكم سيمانة
جينا (ضرباتو لصدرو) :سير الله يعطيك العذاب...واش مسلطك عليا شي واحد و لا شنو
زهير (عنقها) : وراك وراك و الزمن طويل ا الحيبان ديالي (غمزها)
داليا (وقفات عليهم) : ا ولاد طحااااب باراكة من تعناب را العنب حماض و رخاااص
جينا : بفففف شفتي الضحك الباسل ديالك فين كيوصل سير سير ا خويا عطيني بالتيساع
زهير : يااااك... واخا ا لالة ها هوا غادي عنداااكم تعيطو ليا... مهيم ا لالة جينا ياك غدا بالليل جايا معانا للسهرة ديال مراكش؟؟
داليا : بلاما تحمق راسك معاها قالت ليك مستحيييل تكذب على دارهم و تمشي معانا
زهير (شاف فجينا باحباط) : علاااش ؟ حنا دايرين هاد الحفلة على قبل عيد ميلادك زعمة
جينا (بنبرة حزينة) : عمري كذبت على ماما و بابا ا زهير و الله صعيييبة بزاااااف
زهير : شوفي ا زين د العالم... هادي سميتها كذبة بيضا   صاااافي حنا مغاديش نديرو شي حاجة خايبة. راه غير احتفال صغييير بيناتنا فأحسن ديسكو فمراكش كيجي ليه غير شكوون و شكوووون. نتي قولي ليهم غتباتي مع داليا حيت بغيتو ديرو حفلة بيناتكم نتوما البنات و بما ان دارهم مسافرين تا حد مغيشك فينا. ليلة وحدة و الصباح تكونو هنا ف طنجة.
داليا : اوا شنو بان ليك ا جيجي... سي زهير شوماخر بنفسو غيدينا و يجيبنا هههه قال ليك الصباح نكونو فطنجة.
زهير (ضربها لراسها) : سكتي ينعل ديلمك خليني نقنعها (شاف فجينا) اوا شنو بان ليك ا جيجي؟؟؟
جينا (تنهدات) :واااخا أمري لله
****
فشركة العراقي اللي عبارة عن بناية كبييييرة و عاااالية جات ف الدخلة ديال مراكش و اللي تقدر تميزها عن بعد الااااااف الكيلومترات. و لما لا و هي مختلفة تماما عن المباني الحمراء للي معروفة بيهم هاد المدينة. هاد البناية العالية اللي فيها أكثر من 26 طابق كلها زاج من الطابق السفلي تال الطابق الاخيير.
َ على طول البناية الزجاجية كيشعل ضوء عاطي رونق خييييالي للشركة و مكتوب فيه King A
و كي كيقول المثل اذكر الكلب و جبد الزرواطة ههه فهاد اللحظة داخل  الكينغ أزاد لشركتو من بعد ما نزل من سيارتو فيراري كحلة ماط و اللي هو لونو المفضل.
اجي اجي ... نوصف ليكم سيدهم أزاد بعدا.
ازاد فعمرو 27 سنة، طويييل تا قال ليه الطول براكة، العضلات و الموليات بقا ينفخ فيهم تا ولاو فيه 3 ماشي غير شخص واحد. و واااحد مولاي العنق عندو بقا يعمر تا وقيلا نقدرو نطيبو بيه فالعرس و يشيط الخير. هاد الفورمة رباها بكرة السلة و الملاكمة للي كيخرج فيها الغضب اللي جامع.
اوا الا هدرنا على الوجه، غنقولو سبحاااان من خلق فسوى.