🔥الصفحة 44🔥(مكتملة الجزء الاول)

part36

//الصفحة 44//
📝الكاتبة ياسمين الوراق
🌷بارت 36🌷

🌷🌷صدفة خير من ألف ميعاد🌷🌷
شنو هي الصدفة؟ الصدفة هي فاش كتوقع ليك شي حاجة بلاما تكون ضارب ليها الحساب و لا مخطط ليها.
هي انك توقع ليك شي حاجة و لا تلاقا شي واحد فالوقت اللي ما كنتيش متوقع فيه هاد الحدث.
الصدفة هي لعبة من القدر.... هي انك تخلي القدر يتحكم فوقائع حياتك و تخليه يحولك من لاعب اساسي إلى لاعب على دكة الاحتياط أو متفرج فبعض الأحيان.
الصدفة كتكون فبعض الأحيان زويينة و كتخليك تقول الحمد لله، و فبعض الأحيان كتصدمك و ما تخلي ليك غي كلمة هادشي للي قسم الله. 🌿🌿🌿🌿

لحظة ما فاتتش ثلاثة الثواني، قدرات تخلي الكينغ يتصدم صدمة عمرو وهو اخيييرا كيشوفها قدامو بلحمها و شحمها.
هي نفسها اللي كان كيفكر كيفاش يستقبلها مور هاد السنين كاملة و لكن فاللخر هي للي صدماتو و جاتو فلحظة ما كانش متوقعها فيها.
صدماتو بجمالها للي واخا كان شايفو فتصاورها تا شبع و لكن عمرو توقعو يكون خطييير لهاد الدرجة فالحقيقة.
صدماتو ببرائتها للي ما ممحاتهاش الايام. صدماتو بخوفها الطفولي للي ما غير فيه الزمن وااااالو و للي كيخليها كترمش بعويناتها بكل برائة تا كتخليك تحن فيها و تسامحها بزز منك.
لحظة كان كافية باش تقرب الكينغ من هزيمتو امامها مرة أخرى و لكن قدر يعتق نفسو فاااخر لحظة و يرجع لشخصية المتعجرف للي مكيرحمش، قدر يعتق نفسو مللي استرجع فكرة الانتقام و حط كرهو ليها قدام عينيه.
قرب منها بشوفات نارية كون كانت قرطاس كون قتلاتها. جرها من يدها و خرجها من الطوموبيل و هي الخلعة شادها و قربات طلق البولة فسروالها.
أزاد (ورك ليها على يدها) : شكوون علم زامل بوك تسوقي؟
جينا (حشمات) : هاااه 😲
أزاد (زاد ورك عليها و غوت تا خرجو كشاكشو) : واش ديلمك عميا و صمكة و لا شنووو؟ مللي مكتعرفيش تصوكي حطي قزيبتك فداركم و ما تسوقيش هاد القلاوي
جينا (ما رضاتش و الدمعة وقفات ليها فعينها) : سمحلي ما قصدتش نضرب ليك طوموبيل. طوموبيلتي باقا جديدة و مزال مكنعرفش نصوكها مزيان.
أزاد (دفعها تا كانت غطيح) : ما خاصنيش بقصة حياتك. عندك زهر ما لقيت تا ضربة فالطومبيل و الا كنت ندير ليك بحالها فلحمك
جينا : 😲😲
أزاد : بقاي مبلقة فيا عينيك تما... دابا نننن...(هزو بحال الا غيصرفقها)
خبعات جينا وجهها بين يديها و هي كلها كترعد و خايفة. و ما حلاتهم تا سمعات صوت الروايد ديال طوموبيلتو للي تحردو مع الأرض بالجهد و خلاو صوت كيصمك فالودنين. دارت يدها جهة قلبها و هي كتحاول تنفس و تحيد منها الخلعة.
جينا : اوووف اووووف جييينا كاااالم داون. ما وقع والو كولشي مزيان. (بدات كتقلب فطوموبيلتها) اوووه يا العمر الحمد لله ما فيك تا ضربة ا تيتيييزة ديالي. تا نتي خفتي من داك الغول ياك؟ كيخلع؟ (كتلمس فيها) ما تخافيش صافي ها هوا مشا و ما بقيناش نشوفوه.
حطات طوموبيلتها فبلاصة فالباركينغ و دارت غوتوش لمكياج ديالها و اتاجهات للشركة و هي كلها طموح و عزيمة باش توريهم علاش قادة. و غفلات على العينين للي كانو كيطلو عليها بالتخبية و كيتفرجو فتصرفاتها الصبيانية.