//الصفحة 44//
🌷بارت 4🌷
عائلة العراقي اللي مجموعة دابا على الفطور من غير فرد واحد و اللي كرسيه الفريد من نوعو مزال كيتسناه و رافض شي واحد يعمرو من غير مولاه. كيف لا و هو محفور فيه اسمو
اسم<الكينغ A>
الجدة عزيزة (كترشف من قهوتها ببطء) : فين هو أزاد؟
مهيرة : شوية و ينزل ا الحاجة خليتو فايق
عزيزة : امممم
دارين : واش أزاد و أرسلان ولاو قد الجحوش و مزال كتسولو فيهم. راهم يهزونا و يهربو بينا كاملين واحد عندو 27 و لاخر 25. سولو فيا انا بعدا اللي يالاه عندي 19.
عزيزة (حطات كاسها بالزعاف و خنزرات فدارين) : مهيييرة... حكمي لبنتك لسانها و لا نلجمو ليها انا. مللي تهدر على خوها و ولد عمتها تهدر باحترام . مللي يجي ازاد خليه يلحق عليا للمكتب.
مهيرة : واخا ا الحاجة (دارت عند دارين و قرصاتها) : واش نتي ساخي عليك عمرك ا البرهوشة؟؟؟ شوفي راه شي نهار نهز يدي منك و نخليك منك لجداك و خوك يربيوك و ديك ساعة وريني لسانك باش ينفعك (دارت صبعها عند ودنها) هااا ودني منك ا دارين
دارين (بتافف) : وا توما مالكم اش درنا كاااع... را غير ضحكت و صافي را هي اللي معقدة
مهيرة (كتجر حناكها) : اويييلي وحدي معامن داوية...سكتي لا تسمعك
دارين هزات ليها كتافها بلا مبالاة و رجعات كملات فطورها عادي
اما مهيرة هزات راسها كتشوف فالمرأة اللي قدامها اللي برغم تقدمها فالسن مزال شاده فراسها و جمالها طاغي مع عينيها الزرقاوتين و شعرها البرتقالي اللي زادها جمال
مهيرة (بحزن) : جنى مالك مكتفطريش؟؟
جنى (بابتسامة مجاملة) : لا والو غير ما فياش
نطق راجلها اللي يالاه كمل مكالمة عمل و هو حاط يدو على يدها
مراد : حبيبة علاش مكتاكليش؟؟
جنى ما رداتش عليه و نترات يديها بزربة بلاما تجاوبو
فهاد اللحظة كان هابط شخص آخر ذو عينين زرقاوتين و شعر بين البني و الأسود و ضرب على البلان اللي وقع كامل و نطق و هو عينيه كيتوعدو بالشر لمراد.
أنت تقرأ
🔥الصفحة 44🔥(مكتملة الجزء الاول)
Azioneمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
