//الصفحة 44//
📝الكاتبة ياسمين الوراق
🌷بارت 68🌷
العاااافية شعلات فيه و هو كيشوفها معنقة واحد آخر و فشركتو و قدام عينيه.
لا لا هادي كتقلب على انه يصفيها ليها و ما يحنش فيها. و كان الصدمة اللولة ما كانتش كافياه باش تزادو صدمة ثانية كبر منها فاش شاف الشخص للي كانت معنقة. الشخص للي واخا تقدم فالسن قدر يعرفو مزياااان. و كيفاش ما يعرفوش و هو عدوو الاول و الأخير.
بقا جالس كيتفرج فيهم كيفاش كيضحكو و كيفاش فرحانين و بكل وقاحة كيتعاملو عادي قدامو بلا خوف من شنو يقدر يدير فيهم.
جينا (فرحانة) : ناااااري على مفاجئة شحال زوينة وااااو شحال فرحت (تلاحت عليه عوتاني)
ياسر : هههه شووو سكتي ا الهبيلة سكتي الناس غيشوفوك
جينا : ههه ما سوقي فتا واحد انا عندي بابا اغلى من اي واحد
ياسر (حط يدو على حناكها) : جينا راك مرتاحة؟
جينا (ابتاسمات) : مللي شفتك عاد رتاحيت
ياسر (تنهد) : احم... مكيبرزطك تا واحد فالشركة؟
جينا (باستغراب) : لا....علاش كتسول ؟
ياسر (حرك راسو بالنفس) : غي بغيت نكون مرتاح من جهتك و صافي (شاف ليها ف عينيها) باقا كتحلمي بالكوابيس؟
جينا (تزيرات و حاولت تبين انها مزيانة) : لا ماشي بزاف ما تشغلش بالك
ياسر (باسها فجبهتها) : مهيم انا خاصني نمشي، كنت جاي على شي خدمة و قلت ندوز نشوفك
جينا : ااوكي حتا انا خاصني نرجع لخدمتي مللي توصل لطنجة علمني
ياسر : كوني هانية (عنقها و همس فودنها) ديري فبالك بللي اي حاجة درتها و لا غنديرها راها على قبلك
جينا (بعدات منو و شافت فيه باستغراب) : ما فهمتش ؟ علاش كتقول ليا هاد الهدرة؟
ياسر (حط يدو على حنكها) : دابا يجي الوقت و تفهمي 😉 يالاه سيري شوفي خدمتك
جينا (ابتاسمات ليه) : بسلامة
بقات جينا واقفة حدا الباب تا ركب ياسر فطموبيل و مشا عاد دخلات و رجعت لبيروها و هي غافلة على الطوفان للي كان متبعها شنو كدير لحظة بلحظة.
ما جات فين تجلس فبلاصتها تا صونا ليها تلفون الخدمة و هزاتو بلا ما تعرف شنو كيتسناها
تفاعلكم احبطني. درت معاكم جميع الحلول و رغم ذالك التفاعل فتراجع 😢
أنت تقرأ
🔥الصفحة 44🔥(مكتملة الجزء الاول)
Acciónمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
