***** بعد نصف سااااعة ****
سيبال (كيدق فالباب)
اركان : دخل
سيبال (تقدم لعندو و عطاه الضوسي) : باش تعرف بللي تقدر تعول عليا 😉 وقعات على كاع الوراق و منهم هاديك للي قلتي ليا نخبي
اركان (كيقلب فيهم و جبد العقد ديال الزواج كيشوف فيه و هو مبتسم) : هههه براااافو عليك المسخوط (هز عينيه و شاف فيه) ياك ما شكات فوالو
سيبال : هه نووو كون هاااني، اصلا كانت تالفة و دخلات علينا فليفلة بقات تهدر بلا قياس و عاوناتني. وقعات الوراق بلاما تقرا فيهم حرف و لا طل عليهم
اركان (حط داكشي و ترخا فكرسيه) : امممممم.... مزيااان برافو عليك
سيبال (معوج فمو) : اجي.... اممم شنو فديك الورقة للي بالعربية؟. و علاش ما بغيتيهاش تقراها
أركان (خبط يدو مع الطبلة و خنزر فيه) : دخل سوق كرك... يالاه قود عليا براااا
سيبال (قفز) : صافي ها هو غااادي
من بعد ما خرج سيبال، ناض اركان هاز العقد د الزواج و مشا نيشان للبيرو ديال ازاد و دخل بلاما يدق بحال عادتو
ازاد (كان خدام فالبيسي و هز راسو كيشوف فيه) : اش تماك؟
اركان (ابتسم و وراه العقد للي فيدو) : وقعات 😉 (حط ليه الورقة فوق البيرو)
أزاد (هزها كيشوف فيها و رجع حطها) : اممم مزياان... (ضحك باستهزاء) طلعات حمااارة و للي جا يضحك عليها. دابا عااد غيزيان اللعب
أركان (هز كتافو) : مهيم ها العقد فيه كاع التوقيعات، اراه ليا باش نرجعو رسمي و نخبيه كيفما اتفقنا
أزاد (رخا راسو على كرسيه) : اوووكي
اركان (خدا العقد و ضار باش يمشي و رجع شاف فيه) : اه نسيت... مبروك الزواج ههه
أزاد (خنزر فيه و شار ليه جيهة الباب)//الصفحة 44// حرب الأسد و الثعبان
بقلمي انا 🖋️ : ياسمين الوراق
💝 بارت 126
🔚🔚🔚 نهاااية الفلاش باااك
جينا (مصدومة و دموعها نازلين) : ياااه لهاد الدرجة طلعت غبية؟ دغيا بنادم يقدر يضحك عليا و يزوجني بلا خباري هههه (ضحكات باستهزاء) نتا، صاحبك، سيبال و شكون عارف يمكن نيليا تا هي معاكم ياك؟
أزاد : نو نيليا و سيبال ما عارفين واالو، هادشي كامل دارو اركان بأمر مني
جينا : أمر منك... ياااه لهااد الدرجة حاكم فالناس؟ لهاد الدرجة عندك نفوذ و كتحكم فاقدار الناس؟ مزوجني بلا خباري و بدون ارادتي. هاد الزواج ما دايزش الا ما كانتش فخبارك و دابا غنمشي من هنا و خلي بابا يتفاهم معاك
أزاد (صعر و ناض جرها من شعرها) : من الصباح و انا ساكت ليك و نتي يتحل ليك الفم... مكتبغيش تخليني مزيان معاك كيعجبك تشوفي وجهي الخايب ياك (دفعها على الناموسية و مشا هز تلفونو و رجع لعندها كيوريها تصويرة) شفتي هاد التصويرة؟. هدا هو العقد للي سنيتي عليه بيديك و حكمتي على راسك تولي دياااالي للأبد. و دابا طيري و نزلي مغادي تصوري تا *لوة (دفعها على الناموسية و خرج من مور ما زدح الباب)
أنت تقرأ
🔥الصفحة 44🔥(مكتملة الجزء الاول)
Actionمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
