//الصفحة 44//
📝الكاتبة ياسمين الوراق
🌷بارت 72🌷
فالمكتب عند أزاد
كان الكينغ جالس خدام تا دخل عليه أركان ساخط كي الطوفان
أركان : أشنو درتي للبنت عوتاني؟
أزاد (هز فيه حاجبو و ترخا فكرسيه كيدقدق بستيلو) : اشمن بنت
أركان (صعرو) : شوف هاد فعايل الخرا المخرنن ديالك ما ديرهمش معايا انا... راك عارفني كنهدر على جينا
أزاد (ضرب يدو مع البيرو و غوت) : ما تجبدش سميتها على فمك
أركان (بقا حال فيه فمو و حرك راسو باستنكار) : لا لا نتا ماشي نورمال..... خاصك تعالج. البنت كولشي كيهدر عليها و كيقولو هبطات من عندك غتحماق بالبكا (ضحك باستهزاء) و انا عارفك غتكون خرجتي فيها ذاك السم الكحل للي معشش ليك هنا (شار ليه جيهة قلبو)
أزاد (ببرود) : ساليتي؟ يالاه خرج (بنبرة تحذيرية) لااااااخر مرة نقولها ليك خلييك بعيد حيت هادشي بيني و بينها
أركان (تنهد بقلة حيلة) : قسما بلله الا كنتسنا النهار للي غتبكي فيه الضوبل ديال داكشي للي بكيتيها.. و ديك ساعة غتلقا كتفي تبكي عليه 😉 تهلا
خرج أركان و هو ساخط و خلاه كيتقاتل مع احاسيسو المضاربة. بين حب كره انتقام و ندم تا ما بقا عارف فين يحط الراس.
** داز النهار عادي فالشركة تا وصل وقت الخروج و اتجهات نيليا لطوموبيلتها يالاه حلات الباب باش تركب و هي تحس بشي يد حبساتو. شافت شكون و هي تزفر بغضب و نطقات
نيليا : اوووف.... شنو عوتاني شنو؟؟
أرسلان (بلطف) : علاش مقصحة راسك ا نيليا؟ واش عارفة بللي هادي عام و انا كنحاول نقنعك بللي كنبغيك و نتي كل مرة كتبعديني عليك؟
نيليا (بغضب) : اوا ا سيدي انا ما ضربت تا واحد على يدو باش يبغيني (باستهزاء) الا نتا طحتي على زنافرك انا ما عندي ما ندير ليك
أرسلان (ابتسم ليها بابتسامتو العذبة للي كتخلي حفيرات الزين يبانو و شد يدها بكل حنية باسها) : ا لالة طحت على زنافري و على طرمتي كاع غي ترضى علينا لالة نيليا..... (قرب منها و همس ليها فودنها بطريقة بورشاتها) كنبغييييك.... كنحماااق عليك
نيليا (استحلات كلامو و يالاه بدات ترسم ابتسامة على وجهها و دفعاتو و نترات يديها بغضب) : و انا مكنبغيييييكش واش مبغيتيش تفهم راسك و لا شنو؟؟ عطيني بالتيساعراك كتزيد تكرهني فيك كلما بقيتي لاصقني
أرسلان (صعر) : ههه ايييه زيديني... نستااااهل انا للي ولد الكلبة لاصق برهوشة دافعة عليا كبير حيت عطيتها قيمة كبييرة (حرك راسو) واخا ا لالة هانا غنعطيك بالتيساع و لا بقيت جيت عندك راني ماشي راجل
خليو ارائكم ها العااار 😁
أنت تقرأ
🔥الصفحة 44🔥(مكتملة الجزء الاول)
Actionمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
