//الصفحة 44// حرب الأسد و الثعبان
بقلمي انا 🖋️ : ياسمين الوراق
💝 بارت 148
أنا أسد يأزر جريحا بنيران عشق اذابت فؤاده و أطفأت نيران انتقامه
أنا من شهد أكبر ملحمة خداع من أقرب الاقرباء
أنا من احترق بنار شوق الاحباء
عِزتي شموخ السنين و على عشقك أقسمت اليمين
انا الأسد.... انا ازااااد
🍂🍂🍂
أنا ثبعان صنعته الايام من أنامل الاعزاء
أنا من شهد اشد عقااب، انا من اُقفِلت في وجهه الأبواب
ليس السلام غايتي و لا الحرب هدفي
ميزتي الذكاء و الفطنة.....و بعيني أجعلك ترى أصدق الحقائق
انا الثعبان.... انا أمجاد
🍂🍂🍂
أنا فريسة الأسد و طعم الثعبان
أنا قطة قصت اظافرها الايام
لا تعتبر صمتي ضعفا يا أسد و لا تتصور برائتي غباء يا ثعبان
و الله إن كثرة الجَلد لتجعلك أمهر الجلادين
و بظلم السنين نصير أقوى المحاربين
فاحتفظ بعشقك يا أسد
و وفر دهائك يا ثعبان
فأنا قطة وديعة و بين حربكم بِرية أصير
أنا خط الوصل...... انا جينا
🍂🍂🍂
أرسلان (كيقرا الورقة مصدوم) : جينا السليماني ؟؟؟ (كقلب واش الورقة فيها شي حاجة أخرى) ما كاين تا حاجة من غير هاد زوج كلمات (هز راسو الفوق و تنهد) شنو كيعني هادشي؟
علاش مصيفطين ليا ورقة فيها سمية ختي؟ شنو بغاو يوصلو ليا بيها؟
(بقا شاد الورقة طاويها على زوج بين صباعو كيفكر و شوية عيط على الكارد للي كان جابها ليه) اجي نتا اهنا
الكًارد (جاي كيجري) : وي موسيو أرسلان؟
أرسلان : ما سولتيش هذا للي جاب الجوا شكون مصيفطو؟
الكًارد : لا ا سيدي، قال ليا مسخر و قالو ليه عطي هاد الرسالة لموسيو أرسلان صافي
أرسلان (غوت عليه) : و نتوما شنو كديرو هنا؟. موقفينكم كي الحمير حدا الباب و للي عطاكم شي خرية دخلوها لينا؟
الكارد (حنا راسو) : سمحليا موسيو، هاد الخطأ عمرو يتعاود مرة أخرى
أرسلان : لا غي يتعاود باش يكون اخر نهار ليكم، يالاه غبر من قدامي
الكارد (حنا راسو و زاد بلاما يتكلم)
أرسلان (عاقد حجبانو و كيشوف فالورقة و يعاود يقراها مرارا و تكرارا و كيزفر بعدم ارتياح) : هادشي ما عجبنييييش... كاينة شي إن فالموضوع. هذا للي صيفط هادشي ماشي حمق باش يصيفط ليا ورقة فيا سمية ختي غي هاكاك (طواها و خشاها فجيبو لوراني) جا الوقت للي نقلب فشنو وقع فالماضي
أنت تقرأ
🔥الصفحة 44🔥(مكتملة الجزء الاول)
Actionمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
