//الصفحة 44//
📝الكاتبة ياسمين الوراق
🌷بارت 81🌷
جينا بعدات من أزاد و حناكها طرطقو بالحمورية و ما قدرات تهز عينيها فتا واحد فيهم و خرجات كتجري بلاما تلفت موراها و صدرها كيطلع و يهبط و قلبها كيضرب فالتسعين و عقلها كيفكر فالتحشيمة للي تحشمات قداام أركان و كرامتها للي ديما سامحة فيها قدام هاد الكينغ.
أركان (شاف فيه بنظرة شيطانية) : امممم.... بان ليا من هنا الفوق خاصني نبدا ندق قبل ما ندخل عندك
أزاد (جلس فبيروه و قاميجتو باقا محلولة) : الا فهمتي راسك 😉
أركان (جلس فكرسي مقابل معاه و حط رجل على رجل) : هاي هاي... اوا هادشي جديد عوتاني. (ابتسم بفرح) هي صافي نويتي تعفي عليها؟
أزاد (زاد بجسدو القدام و تحنا عندو) : هادشي ماشي شغلك 😉
أركان (شد فقلبو) : اححح على قمعة عطيتيني... ما دوزش واخا نسكر عشر سنين... ههه مهيم ا سيدي انا ما نبغي ليكم غي الخير
أزاد (حرك راسو باستهزاء) : ههه دماغك مشا بعيييييد.... انا وياها كي السما مع الأرض عمرنا نتلاقاو
أركان (وقف و حرك ليه حجباانو) : الله يجعلني نتيق (خرج و خلاه)
رخا راسو على كرسيه و طلق تنهيدة طويييلة كدليل عدم ارتياح حيت بكل بساطة كيحس براسو غادي عكس الطريق للي رسمها هادي أعوام و مجهوداتو كلها كتضرب عرض الحائط.
شوية ناض بتثاقل و تمشا جيهة واحد البلاكار عندو تما و جبد منو قاميجة بيضا بحال هاديك للي لابسَ
وقف قدام المرايا و حيد عليه القاميجة للي توسخات مخلي التاتو للي كاتب فيه اسمها فجيهة قلبو يبان. بقا كيشوف فيه شحااال و كيحاول يلقا تفسير منطقي لتصرفاتو فهاد الفترة الأخيرة معاها. مرة يعنفها و مرة يحميها؟ مرة يهينها و مرة يعينها ملكة على عرشو. شنو يكون هادشي ادا ما كانش انفصام فالشخصية؟ مرض؟ هبال؟ ههه للأسف ما عندو تا تفسير و لا دوا حيت بكل بساطة هي الداء و الدواء بالنسبة ليه.
حط يدو على صدرو كيتحسس اي بلاصة حطات عليها يديها بحال شي تائه فالصحرا كيتبع الخطوات فوق الرمال الذهبية و غي يقرب منها كتختفي.
ساط بعصبية و عقد غوباشتو و هو ما راضيش على هاد الوضع للي وصل ليه و لبس قاميجتو و رجع لبلاصتو.
شعل الكاميرا و مشا نيشان كيقلب عليها بعينيه تا بانت ليه واقفة فواحد الكولوار حاطة راسها على الحيط و يديها على حناكها و مرة مرة تسوط على وجهها بيهم باش يبردو شوية.
بقا متبع ليها العين و بلاما يشعر تبسم على برائتها و الحشمة للي كتنزل عليها فبحال هاد المواقف.
و هادشي للي مخليها غتحمقو..هاد الحشمة و الحيا للي كينزلو عليها فبحال هاد المواقف. حيت بكل بساطة هي ماشي بحال البنات للي كيتبعوه غي من إشارة و يخضعو ليه و ينفذو اي حاجة طلبها منهم واخا تكون متناقضة مع الأخلاق و المبادئ.
جيت بكل بساطة هي تربية يدو و داكشي للي زرع فيها فاول ربع سنين من حياتها باقا غادة عليه و كطبقو بالحرف و هادشي كافي باش يرضيه.
اما فجهة أخرى كان أركان رجع لبيروه باش يكمل خدمتو تا كيقاطعو الدقان فالباب و بلاما يهز راسو سمح للي على برا باش يدخل
تردد صوت اقدامها فودنيه كي شي موسيقى و ريحتها وصلات لقلبو العطشان قبل ما توصل لنيفو. هز عينيه بالشوية كيشوف فدوك الرجيلات الصغار للي مخشيين فصبرديلة Adidas بيضا و طلع عينيه بشوية باش يشوف سيقانها الرقاق للي مغطيين بصاية طويلة و عريضة فالكحل و مخشي فيها تيشورت بيض.
هز عينيه أكثر باش يدوب فجمال وجهها الملائكي للي كان مزين بأحلى ابتسامة بالنسبة ليه. الابتسامة للي كتخطف قلبو و تخدر حواسو.
نطق بصوت للي خرج بصعوبة و بزز باش قدر يجمع حروفو بحال الا كيقول ليها شوفي عشقك فين وصلني
أركان (عينيه كيبريو) : دارين ؟
دارين (ابتاسمات ليه) : هه أشنو مغاديش ترحب بيا؟ راني جاية عندك ضيفة
أركان (وقف و تقدم لجيهتها) : لا لا مرحبا بيك و الف مرحبا.... الشركة تنور الا زارتها أميرة عائلة العراقي (جر ليها الكرسي) جلسي
دارين (جلسات و حنيكاتها حمارو) :ميغسي 😊
أركان (جلس فكرسي مقابل معاها) : اوا ا لالة دارين شنو خلاك تفكرينا؟ 😉
دارين (كتلعب بصبعانها) : انا صراحة كان عندي الصباح خاوي و قلت نستغل الفرصة و نجي نشكرك على شنو درتي معايا داك النهار
أركان (ابتسم ليها) : ما تحتاجيش تشكريني انا درت غي الواجب
دارين (بقات مترددة شحال و عاد نطقات) : بالعكس نتا درتي شي حاجة أكثر من الواجب 😍 و داكشي علاش ما كرهتش نخرجو نتغداو بزوج... شنو بان ليك 😁
أركان قلبو تهز من بلاصتو و بدا كيشطح السامبا و سالسا و تا طانغو... واش هو فايق و لا كيحلم؟ واش بصح المراهقة ديالو و طفلتو كبرات و ولات قادرة تاخد خطوة القدام و تقرب منو؟
لا لا هادشي كان فوق مستوى توقعاتو.... و هي كي الحمقة عااد كتشاور معاه واش يتغدا معاها و هو اصلا نوا و قرر يتغدا معاها ويتعشا و يعيش و يموت معاها.
يلاه جا يقول ليها معلوووم قابل و لكن تفكر أكبر حاجز بيناتهم... اه داك الحاجز للي سميتو أزاد صاحبو و عشيييرو للي عقليتو معقدة كثر من شخصيتو.
أزاد للي ممكن يكويه من ودنيه الا عرفو شاف فختو غي شوفة ناقصة فما بالك يخرج معاها و لا يبغيها.
هو عارف بللي عشقو ليها ماشي غي صعب بل مستحيييل و اي خطوة يخطيها باش يقرب منها فهو بحال الا كيخطي فاتجاه حبل مشنقتو.
يتبع بعد قليل..... ارائكم
أنت تقرأ
🔥الصفحة 44🔥(مكتملة الجزء الاول)
Açãoمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
