//الصفحة 44// حرب الأسد و الثعبان
بقلمي انا 🖋️: ياسمين الوراق
💝 بارت 128
💔💔 الحب شعور زوين و لكن في بعض الأحيان يقدر يكون مؤلم و صعيييب.
و كيولي أصعب فاش كيكون من طرف واحد، حيت بكل بساطة هو احساس كيتشاركوه زوج الناس ماشي واحد.
الحب من طرف واحد كيخليك تدخل في صراع بين عقلك للي كيقول ليك لعن الشيطان هاد الانسان ماشي ليك، و بين قلبك للي كيقول ليك لا هذا هو اللي بغيت.
الحب من طرف واحد بحال حاكم بدون شعب، وزير بلا برلمان و وطن بدون سكان.
الحب من طرف واحد جريمة كيرتكبها الواحد فحق نفسو، موس كيغرسو فقلبو بكامل ارادتو. حيت هو عارف بللي هاد الحب مستحيل و عارف بللي داك الشخص مغاديش يكون ليه.
الحب من طرف واحد وصمة عار و ذل كيحكم الواحد على راسو تبقى تابعاه حياتو كاملة الا ما فاقش و تقبل بللي كلشي قسمة و نصيب.
كاين للي كيبقى يتقاتل مع حكمة الله و يدير فالمؤامرات و الخطط و تا من السحور يجربو غي باش يجتمع مع انسان واخا تنطبق السماء بالارض مغاديش يكون ليه و كينسى بللي ما حدك كتعاند مع ربي و هو كيزيد فعذابك، و كلما قنعتي بداكشي للي عطاك الا و كيزيدك 💔💔
فالغرفة ديال جينا
أزهار : صافي ا مادموزيل؟. هادو هوما حوايجها كاملين ياك؟
داليا : اه صافي، هوما هادو (سكتات شوية و شافت فيها) اممم قولي ليا ا..
أزهار (بابتسامة) : سميتي أزهار
داليا (ابتاسمات ليها تا هي) : متشرفين، بغيت نسولك. واش جينا للي صيفطاتك تجيبي ليها حوايجها؟ واش بصح عندها علاقة بداك الكينغ؟
ازهار : سمحيلي ا مادموزيل، انا غي خدامة ما نقدر نجاوبك على تا سؤال. خاصني نمشي راني تعطلت
داليا (تنهدات) : واخا سيري.... انا غادي نلحق عليك
ازهار : واخا (هزات لا فاليز و حدرات راسها و خرجات)
داليا (ربعات يديها مفقوصة) : اييييه ا لالة جينا... وليتي تصيفطي لينا الخدم ديالك ما بقيتيش كاع تواضعي. دايراها قد راسك و عوض تشرحي لينا مكتجاوبي تا على التلفون.
مخلية داك الولد يموت بالفقصة (شدات راسها) هادشي ما عاجبنيش يا مخبية عليا شي حاجة يا تبدلتي عليا ا صاحبتي
نزلات داليا لتحت و هي كتسمع صوت زهير صااعر كيعرعر على ازهار و هي تهبط عندهم كتجري
زهير (كيغوت و عروقو خارجين) : قلت ليييك حطي ديك لفاليز واش صمكة و لا مال ملتك؟
ازهار (حانية راسها) : انا كندير غي خدمتي ، خليني نخرج عافاك حسن ما نعيط للكًارد
زهير : ههه كتهددني؟؟ (بالغوات) انا ما خايف من تا قواااد سمعتي و لا لا؟؟
داليا (شداتو) : سيري ا ازهار دي ليها حوايجها
زهير (خنزر فيها) : كيفاش سيري؟؟ واش مريضة نتي؟
داليا (صعرات) : نتا للي مريييض...فيييق ا بنادم فيييق راك درتي الضحك فراسك (ضرباتو لراسو بشوية) هاد الراس القاصح للي عندك خاص دخل ليه بللي جينا بااااح مشاااااات (شافت فازهار) سيري نتي الله يعرضك السلامة
ازهار حنات راسها و جرات لفاليز و خرجات عند لكًارد و شدات طريقها للفيلا عند جينا. و غي خرجات و هو يهز زهير سوارت طوموبيلتو و تقدم باش يخرج و هي تشدو داليا
داليا (بتساؤل) : فين غادي ؟
زهير (حيد يدها) : الله اعلم... غنمشي لشي جايحة ضربني (بالغوات) واااا فرقي عليك جرتي ا داليا
خرج و سد موراه الباب و خلاها موراه مكسورة الخاطر، مجروحة و دموعها نازلين شلال
***
تعليقاااااات
أنت تقرأ
🔥الصفحة 44🔥(مكتملة الجزء الاول)
Azioneمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
