//الصفحة 44// حرب الأسد و الثعبان
بقلمي انا 🖋️ : ياسمين الوراق
💝 بارت 129
*** فالمقهى عند اركان و دارين
دارين (بتساؤل) : اشنو بغى منك أزاد؟
اركان : هااه... والو غي سولني على شي حاجة فالخدمة
دارين : اممم اوكي (سكتات شوية و كملات هدرتها) ازاد كيتيق فيك بزاااف ياك؟
اركان (ابتسم) : اه كيتيق فيا (حط يدو على الطبلة و قرب لعندها) و نتي؟ كتيقي فيا؟ 😉
دارين (تزنكات) : هااه 😲
اركان (تكا على الكرسي كيضحك) : ههههه للي يشوفك دابا ما يقولش نتي للي كنتي معرعرة على داك الراجل قبيلة
دارين (ما رضاتش و عقدات حجبانها) : هو للي جبدني و دارها قد راسو و كيحل فمو من الفوق
و كيف كيقول المثل لكل مقام مقال و انا كنعامل كل واحد كيفما يستاهل
اركان (حرك راسو كيضحك عليها) : صافي ا لالة صاافي... ههه ندمتيني للي دويت
دارين : انا غي قلت ليك وصافي...(نطقات بصوت حنين) اما نتا مستحيل نهدر معاك هكاك
اركان (قلبو كيضرب بالجهد و ابتسم ليها) : و علاش زعمة ؟
دارين (كضور عينيها حشمانة) : هكاك و صافي هههه
اركان : اممم... واخا ا لالة (سكت شوية قبل ما يكمل) دارين سمحيلي غندير ابيل و نرجع عندك
دارين : اوكي
ناض اركان من بلاصتو و خرج باش يهدر فالتلفون و خلاها بوحدها كتسوط على حناكها للي تزنكًو
دارين (كتنفس بالجهد) : اوووف اوووف... جمعي راسك ا طحبة و نتي دبتي قدامو كي زبادي جهينة تاع المصريين... مال ديلمك عمرك شفتي تيتيز؟ (عضات على شفايفها) وا صراحة عمرني شفت بحالو 😍 اححح ا قلبي
*** عند اركان*** عند اركان
ياسر (فالتلفون) : واش قالها ليك بفمو؟؟ قال ليك غيعترف بللي مزوج بيها؟
اركان : ايييه ا سيدي قالها ليا. ياك قلت ليك تيق فيا و ما يكون غي الخير؟ قلت ليك بللي هاد الزواج غيكون فمصلحتها ياك و لا لا؟
ياسر : اه قلتيها (تنهد) و لكن
اركان (ضحك) : ههه و لكن شنو ا سي ياسر؟. غي هدر راني بحال ولدك
ياسر (بحزن) : راها باقا صغيرة و نية، غتصدم بزاف مللي تعرف و غتخبي كولشي فقلبها و مغادي تعاود ليا والو لا انا لا نعمة غي باش ما تقلقناش
اركان : متاافق معاك، و كلامك هو الكبير و لكن حنا خاصنا نشوفو بعيد ماشي عند رجلينا.
فكر هادشي للي كنديرو دابا غيحيد علينا غمامة كحلة قدها قدااش.
ياسر : و لكن ؟
اركان (قاطعو) : سمعني ا سي ياسر، انا وعدتك قبل و غنواعدك دابا. الا حسيت بللي جينا فخطر و لو صغيير بسبب هاد اللعبة غادي نخرجها منها فخطرة واخا نعرف نتواجه مع ازاد.
و هانتا شفتي النتيجة واخا قال بللي باغي يجييها عندو باش ينتاقم و تزوجها باش يخليها تحت حكمو انا عااارفو دار هادشي بدافع الحب و ها هو بدا يرطاب من جيهتها شوية بالشوية.
اما الا اذاها بربي لا خليتها ليه دقيقة وحدة واخا يقلب عليها بحور الدنيا و يبكي الدم بلاصة الدموع.
ياسر (تنهد) : واخا واخا... انا تايق فيك و إن شاء الله هادشي يكمل كيفما بغينا (بتردد) واش نعيط ليها نشوفها كي دايرة؟
اركان : من الاحسن بلاش خليها تا تعيط ليك هي. الا عيطتي ليها دابا غادي غي تجبرها تكذب عليك و تبين ليك بللي هي فرحانة. ما تخليهاش توصل لهاد الحالة.
ياسر (زفر زفرة طويييلة بقلة حيلة)
اركان : يكون خير ا سي ياسر، خليها فيد الله
ياسر : و نعم بالله
أركان : يالاه نخليك، لا كان شي جديد غادي نعلمك
ياسر : بسلامة (قطع)
أركان (تنهد) : ايااياي ا أزاد شوف فين وصلتني. عرفتي و تحشمني مع السيد و تاذي ليه بنتو بربي ما نعقل عليك.
باراكة غي حبوب الهلوسة للي ادا ساق ليهم الخبار يصفيها ليك.
رجع اركان لبلاصتو و بقى جالس هو و دارين كيهدرو و يضحكو على ابسط الحوايج و هو طاير بالفرحة كيشوف كيفاش طلقات معاه فالهدرة و ارتاحت ليه.
ما قاطع الجلسة ديالهم غي ابيل اخر من عند مفسد اللحظات الجميلة الكينغ أزاد
اركان (ساط بملل) : هدا خوك عوتاني
دارين : ههه ياكما حس بيا كاينة معاك؟
اركان : وا صراحة نتوقع منو اي حاجة، شوية تلقايه واقف علينا
دارين : هييه 😱 لا ما تقولهاش تا بالضحك جاوبو دغيا جاوب
اركان (ضحك عليها) : هه واخا (جاوب) اش بغيتي تاني؟
أزاد (ساخط) : فينك ا *بي؟؟ دابا تكون عندي انا فدارك و لا تعطلتي ن*وي *امل بوك
أركان (بعد بالتلفون باش دارين ما تسمعش السبان) : تا مال درقوشك خانز ا صاحبي ؟؟ اجي بعدا غي عطيتك سوارت داري وليتي دخل بلا شوار
ازاد : اركان ما عندي كًانة لتهرنين القحاب ديالك... دابا تكون عندي هانا كنستناك (قطع عليه)
دارين : مالو؟. شنو بغا؟
اركان (تنهد) : بغاني نمشي عندو ضروري، ما عرفت اشنو بغا
دارين (بأسى) : اوكي ماشي مشكل
أركان (حط يدو على يدها) : نعوضو هاد الخرجة كنواعدك
دارين (ابتاسمات ليه) : ماشي مشكل... إن شاء الله
اركان : هاكي سوارت سبقيني للطوموبيل انا نخلص و نلحق عليك
دارين : اوكي (ناضت و خرجات للطوموبيل)
أركان (صعر) : ينعل ديلمك ا ازاد يا ولد ال*حبة... نتا عايش ليا مع كرك و انا خليني محنسر...تفووو على بشار
أنت تقرأ
🔥الصفحة 44🔥(مكتملة الجزء الاول)
Acciónمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
