//الصفحة 44// حرب الأسد 🦁 و الثعبان 🐍
بقلمي أنا 🖋️ : ياسمين الوراق
💝 بارت 119
هدرتها شلات ليها الحركة و دخلات لقلبو كي الخنجر و خلات دماغو يفور فيه الدم.
عينيه دغيا حمارو و صدرو بدا يطلع و يهبط و بلاما يزيد معاها تا كلمة ناض بالزعاف و خرج من بعد ما خبط الباب بالجهد تا قفزها.
جمعات رجليها عندها كتبكي و كتسمع صوت التهراس فالبيت للي مقابل معاها و عرفاتو صاااعر بالمعقول.
بقات جالسة مكمشة فبلاصتها تا سمعات صوت طوموبيلتو و مسحات عينيها و ناضت كتجري للبالكون بان ليها خارج مكسيري و رجالو معمرين الدنيا على برا.
***
من جهة أخرى أمجد من بعد ما كمل لباسو و خرج من بيتو هبظ للاستقبال فالاوطيل و لقا المساعد ديالو كيتنساه.
أمجد (نطق بصوتو الغليض و كيضور فعينيه) : وصلات ؟
ويليام (ومأ ليه براسو) : وي مستر أمجد.. و راها كتسناك فالمطعم
أمجد : امممم.. صافي غي سير نتا تال صباح
ويليام : اوكي مستر أمجد..... Have a good evening(مشا)
طلق نفس سخونة و قاد صدايف قاميجتو و اتجه للمطعم و دخل كيقلب عليها و هو عاقد حجبانو تا بانت ليه جالسة فالطبلة بوحدها شابكة يديها و كضور فعينيها الزورق بكل غرور و مرة مرة ترجع شعرها الطويل المطلوق للور.
كانت لابسة كسوة حمرة قصيييرة لاصقة عليها كتبين قوامها الرشيق و المثالي.
شافتو و هي تبتسم ابتسامة عرييضة انثوية اما هو بلاما يدير اي تعبير بوجهو تقدم لعندها بخطوات ثقال و جر الكرسي و جلس مقابل معاها.
ألماس (شافت فالساعة و ضحكات) : اممم... بحال ديما الوقت هو الوقت
أمجاد : الثعبان مكيتعطل مكيبغي للي يتعطل عليه 😉
ألماس : ههه شنو زعمة؟ كتحشي ليا الهدرة؟ حيت قلتي ليا نجي البارح و انا جيت تال اليوم؟
أمجاد : ما عنديش مع الهدرة و الشرح بزاف 😉 كنخلي بنادم يفهم راسو
ألماس : و الا قلت ليك كاين التعويض؟
امجاد (قرب منها و حط يديه على الطبلة) : التعويض غناخدو و بداكشي للي انا ناوي
الماس (ضحكات) : ههههه هادشي للي كيعجبني فيك....الثعباااان اسم على مسمى
أمجاد (رجع براسو اللور و تكا على الكرسي) : ما عليينا... خلينا فالمهم. نتي عارفة علاش عيطت ليك ياك؟
الماس (حركات راسها بالايجاب) : وي عارفة.... و اخييرا من بعد هاد السنين غتحقق للي فبالك. واخا ما عمرك عطيتيني التفاصيل لا نتا لا بابا
امجاد : و مغاديش نعطيهم ليك غي رتاحي 😉 انا كنعطي لكل واحد المعلوماات فحدود للي خاصو يعرف.. لا زيادة و لا نقصان
ألماس : امممم.... شكون يقول هاد الثعبان هو أمجاد ولد 18 لعام للي خدم مع بابا فتجارة الاسلحة و كبر شوية بشوية تا ولات عندو اكبر شركة اسلحة فامريكا.
امجاد (طلق تنهيدة سخوونة) : الوقت كيصدم.... كيصدمك فالناس و تا فراسك
ألماس : وي عندك الصح...يالاه خلينا نتعشاو و نكملو هدرتنا ديك الساعة
أمجاد : اوكي
أنت تقرأ
🔥الصفحة 44🔥(مكتملة الجزء الاول)
Aksiمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
