🔥الصفحة 44🔥(مكتملة الجزء الاول)

part116

//الصفحة 44// حرب الأسد 🦁 و الثعبان 🐍
بقلمي أنا 🖋️ : ياسمين الوراق
💝 بارت 116:

روح بريئة نسجت من خيوط الكذب

و نمت من جذور أشجار الشر و الحقود

ترعرعت بين ظلال غابة الظلام

تشبتت باغضان شجرة الانتقام

فمن تكون؟

هي الروح المتمردة للتي تكره السكون

تعشق التحدي إلى حد الجنون

و في التعذيب تتقن... أجمل الفنون

البوليسي (ربت على كتفو) : مزييااان دابا.... نتا درتي للي فمصلحتك. هاد الاعتراف غادي يخفف عليك الحكم لا نتا لا صحابك. مهيم انا غنخليك ترتاح شوية قبل ما يجيو يديوك لسجن القاصرين.

امجد لا جواب، غي حاط راسو على الطبلة و كيبكي بحرقة.

كيبكي بسبب الحكًرة للي تحكًر فهاد البلاد فقط لانه ماشي منهم. كيبكي حيت خااايف، طفل عندو 14 عام متهم مع مجموعة من السود و اللاتينيين بتهمة اغتصاب فتاة أمريكية.

يعني صعيييب يخرج منها سالم حيت هاد الناس مكيتعاتقوش خصوصا لا كانت الضحية وحدة منهم.

كيبكي لانه لاول مرة كيحس براسو وحيييد ما عندو لا أم لا أب يسولو فيه.

هز راسو و هو مزال كيشهق و مسح دموعو بكم يديه و رخا راسو فوق الكرسي كيتفكر هاد النهار باش بدا و باش سالا.

قبل 7 ساعات 🕞 New York.... و بالضبط حي كوينز

كان جالس فالبيت كيراجع دروسو تا كيدخل عليه خوان داير لي كيت فودنيه مخدم الموسيقى و هاز كورة.

خوان عندو 15 عام من اب و ام مكسيكيين و لكن عاشو حياتهم كاملة فنيويورك و هوما ناس على قد الحال عايشين فحي فقير و كيحاولو يبنيو حياتهم فهاد البلاد بحال اي مغتربين.

خوان (ضربو لكتفو بمزاح) : اميغو.... واش ما عيتيش من القراية؟ نوض ا صاحبي قصر معايا

أمجد (بابتسامة) : لا لا غي خليني..راك عارف انا عاد جيت لهنا و بزز تقيدت فالمدرسة عندي الغوطاغ بزاف

خوان (تلاح فوق فراشو) : واايلي ا صاحبي تا نتا شحال فيييك.. هاد القراية غطير زعمة

أمجد (بحزن) : بالنسبة ليك نتا القراية راها والو و لكن انا عندي هي الفرصة الوحيدة للنجاة

خوان (ناض و جلس مقابل معاه) : اجي عمرك قلتي ليا شكون ديك المرة للي صيفطاتك لهنا؟ تا الواليد و الواليدة فاش كنسولهم مكيبغيوش يجاوبوني

أمجد (عقد حجبانو) : مكنبغيش نهدر فهاد الموضوع... ما تبقاش تسولني عافاك

خوان : اوكي برووو نو بروبليم..... مهيم نوض نقصرو شي طرح د الكورة قدام الباب