🔥الصفحة 44🔥(مكتملة الجزء الاول)

part43

//الصفحة 44//
📝الكاتبة ياسمين الوراق
🌷بارت 43🌷

خرجات داليا من بيتها كتجري من بعد ما فيقها صراخ جينا للي وصل تال لفين و فين و فطريقها تصادفت مع يامنة للي كانت تا هي طالعة عندهم و ذخلو عليها البيت لقاوها طايحة فالأرض ما عاقلاش على راسها.

داليا (كتضرب ليها فوجهها بشوية) : جينا!! جينا فيقي ا صاحبتي فيييقي ما تخلعينيش عليك
يامنة (كتقيس ليها النبض) : مادموزيل، واش كتسمعيني؟ (شافت فداليا) النبض ديالها عادي راها غي سخفانة
داليا (شارت ليها جيهة الكوافوز) : مدي ليا ديك القرعة ديال الريحة من تماك (رجعات كتفرك لجينا فكفوفها) يااا ربي اش طرا لهاد البنت عاوتاني
يامنة (رجعات) : هاكي ها ريحة
خدات من عندها ريحة و دارت ليها شوية حدا نيفها و رشات عليها كاس د الما تا شهقات جينا و فاقت مصدومة كتشوف فيهم
داليا (كتحقق فيها) : على سلامتك يا الموصيبة، طيحتي ليا الما فالركابي تا قلت موحال تنوضي مزال
جينا (شدات راسها دايخة و لسانها تقال عليها) : اييي راسي غيطرطق... شنو وقع؟
داليا : نسولك نتي نيت، كنت ناعسة ما بيا ما عليا تا فقت على غواتك و دخلنا عليك لقيناك طايحة
يامنة : مادموزيل جينا كنظن خاصك تشربي دواك. تسناي نجيبو ليك
جينا (قاطعاتها) : لا لا  ما بغيتش
داليا : كيفاش ما بغيتش سيري جيبي ليها نتي دواها براكة عليا من الفشوش الخاوي
مشات يامنة كتجري هزات القرعة ديال دوا و خوات الما فكاس و رجعات مدات داكشي للي فيدها لجينا للي يالاه بغات تاخدهم من عندها و هي تشوف نفس الراجل واقف عاوتاني كيشوف فيها بنفس النظرات المريضة و غي شافها كتشوف فيه ابتسم ليها بطريقة مقززة و بدا كيقرب جيهتها.
هي غي شافتو ناضت دغيا مخلوعة تا قفزات داليا و يامنة و خلاتهم غي كيشوفو فيها و هي كتغوت
جينا (كتغوت و كترعد) : اش كيدير هادا هنا عاوتاني؟؟؟ (شدات فداليا) خرجيييه، خرجييييه عليا ما بغيتوش شوفي شنو دار ليها (كتشير للبنت)
داليا (كتشوف فالبيت و كتحاول تفهم علامن كتهدر) : شكون هاذا للي نخرج، ما كاين تا واحد من غيرنا هنا حنا بتلاتة
جينا (زادت فغواتها) : واش نتي عميااااااا؟؟؟؟ هاااااا هوووو شوووفيه تما (شافتو كيزيد يقرب و هي تخبا مور داليا) سيييييير بعد منييييييييي عطيييييني بتيساااااااع.... داليا الله يرحم ليك الوالدين قولي ليه يبعد منيييييييي
داليا (دارت عندها) : وااااا جينا الرجوع للله ا صاحبتي هااااانتي شوووفي (كتشير بصبعها للبيت كامل) ما كاين تا واحد
بقات جينا كضور عينيها فالبيت كي شي حمقة و كلها عرقات بحال الا كب عليها شي واحد سطل د الما و تا قالو بللي حالتها تهدنات و هي تحميها للغوات عوتاني مللي شدها الراجل من دراعها و هي واقفة بينو و بين داليا
جينا (حماقت بالغوات) :لااااااا طلق منييييي واااااااااععع طلق 😭😭😭😭 (اما هو كيشوف فيها بشوفات أقل ما يقال عليها مرعبة، مستفزة و مقززة و هو مزال شادها من ذراعها)
داليا (غوتات عليها) : جيييييناااا صافي باركة من هاد الهبال
جينا ما داتهاش فهدرة داليا و بقات كتغوت و كتنتف فرااااسها و عقلها غيخرج باغاه يطلق منها باغاه يغبر من قدامها. باغا تحاربو و لكن ما لقاتش كي دير ليه حيت تا واحد ما شايفو من غيرها. أما داليا عيااات تسايس معاها عياااات تصبر و هي كتشوف صاحبتها غتحماق قدامها و ما حسات براسها تا جمعاتها معاها بتصرفيقة حاااارة خلات عنقها يضور معاها و فيقاتها
داليا (بالغوات) : صاااااافي حبسي، واش هبلتي و لا شنو (شداتها من فكها و زيرات عليها و نطقات بكل هدوء كل كلمة بوحدها) هنا ما كاين تا رااااجل، هادو سميتهم تهيؤات
جينا (طاحت للأرض كتبكي) : اهي اهي صافي غنحماق ياك؟ غي قوليها.... غنولي حمقة ياك؟
داليا (جلسات حداها و عنقاتها) : شوووو (مسحات ليها دموعها) نتي لالة البنات و مولات العقل (حاولت ضحكها شوية) ما كاين للي يحمق بوك من غيري ههههه
جينا (ابتسمات ليها بزر مجاملة)
داليا (هزات راسها فيامنة للي بقات غي واقفة كتفرج فيهم) : عطيها دوا تشربو ع الله تهدن شوية
يامنة (ابتاسمات) : واخا مادموزيل
عطات يامنة دوا لجينا للي فشلات و ما بقات قادرة تهز تا يدها من بعد الإنهيار العصبي للي وقع ليها و خرجات و خلاتها ناعسة على رجلين داليا فوق زربية فالأرض.

🍂🍂 يا أيتها الحياة الظالمة، لماذا قاسية و متحجرة انت لهذا الحد؟
لماذا تجعليني اعيش عذابا ليست بحيلتي طاقة تحمله؟
لماذا ادفع ثمن خطيئة ما كنت انا جانيها؟ أو لم يكن كاف أنني كنت ضحيتها؟ 🍂🍂