🔥الصفحة 44🔥(مكتملة الجزء الاول)

part27

//الصفحة 44//
📝الكاتبة ياسمين الوراق
🌷بارت 27🌷

ا لالة يلالي.......... ا لالة يلالي
ا رااااسي و ما داز عليك و باااااقي
ا طنجة يا العالية ا طنجة يا العالية
عااالية و بسواريها اولايلاه 😂😂

جينا : اوا داكشي للي طرا مع المدير هانا عودتو ليكم 
زهير : امممم هادشي بان ليا وااعر، غي شدي فهاد السطاج ا جينا
داليا : وي زهير عندو الحق ا بب، عنداك تفرطي فيه
جينا : وا دابا فكرو معايا كي ندير تا نقنع سيدهم ياسر و لالاهم نعمة. را مغاديش يبغيو
زهير :. هههه هاد المرة الكذبة ديال عيد ميلاد مغاديش تنفعك ا زين
داليا : هههه... اجي بعدا؟ واش هدر معاك الكينغ شخصيا؟
جينا (هزات كتافها) : ما عرفتش، وقيلا هو. عرفتو ضريف بزاااف كاعما خلاني نبقا مخلوعة.
زهير : اممم العجب، ماشي كيما كيعاودو عليه زعما؟ كيقولو صارم.
جينا : عادي الصرامة مكتعنيش انه شخص خايب
داليا : هاي هاي شوف ليك البنت من دابا بدأت دافع على الكينغ. تقول كيخلصها بالملايين.
جينا : هههه انا قلت غي رأيي و صافي
زهير : اجي، طاحت عليا واحد الفكرة
داليا : اما هي؟؟
زهير : شنو بان ليك تمشي معاك داليا لمراكش؟
جينا : هااه... كيفاش زعما؟
زهير : هانتي، أنا خاصني ضروري ندوز سطاج مع الواليد هنا باش نعاونو. و لكن را كاين واحد صاحبو كيبني اوطيل فمراكش و الواليد باغي يصيفط شي مهندسين من شركتنا لتما. اش بان ليكم نصيفط معاهم داليا و تجلسو فالفيلا ديالنا للي تما؟ هاكا باباك مغاديش يتخلع عليك و يقدر يبغي مللي يعرفك ماشي بوحدك.
جينا و داليا شافو فبعضياتهم و بقاو كيفكرو واحد الشوية تا نطقات جينا
جينا : امممم فكرة مزيانة، داليا عزيزة على ياسر و نعمة و غتقدر تأثر عليهم هههه
داليا : هههه شفتي ضوري ضوري و تحتاجيني ا بب 😉
زهير : اوكي الفتيات هاكا مزيان. غدا مللي باباك يجي يهدر مع المدير خلي تا داليا دوي معاه. باش تلقاوني ديك الساعة قاديك ليها البلان ديال سطاج مع الواليد.
داليا : امممم زعما كون ما كانت جينا محتاجاني مكنتيش غتعاوني فالسطاج ياك 😒
زهير : منظنش بنت الدبلوماسي غتحتاجني فحاجة بحال هادي و لا لا 😉
داليا (خرجات ليه لسانها) : هيهيهي 😒

⛪ عودة إلى قصر عائلة العراقي ⛪

جالسة عزيزة فالمكتب ديالها كدقدق بصباعها فوق مكتبها الخشبي و كتخمم. واقف قدامها كاظم اللي كتعتبرو يدها اليمنى و عينيها الثانيين فاش متكونش حاضرة. و فعلا كاظم مكيزكل تا حاجة و كيوصل ليها تزنزينة ديال الذبانة الا سمعها.
عزيزة : واش نتا متأكد باللي مات قبل يوصل ليه أزاد؟
كاظم : نعام ا الحاجة متأكد... السيد تقتل قبل ما يوصل ليه الكينغ. خليت واحد من رجالو للي كان مكلفهم يجيبوه يقتلو. و كي قلت ليك دار النهار التماسيح ديال الكينغ راهم قتلوه من بعد ما دوزو عليه العذاب. يعني تهنينا منهم بزوج
عزيزة (ابتاسمات بخبث) : اممم... حفيدي كان باغي يسبقني بخطوة و لكن نسا باللي جداه هي للي علماتو.
كاظم : انا اللي مفهمتش ا الحاجة هو كيفاش قدر يوصل للشيفور ديال سي سفيان و هو غبر هادي 17 عام من نهار الليلة المشؤومة.
عزيزة : ههه ما تنساش بللي راه الكينغ هداك. و زيد عليها راه حفيد الحاجة عزيزة العراقي. يعني توقع منو اي حاجة.
كاظم : انا غي خايف الحقيقة تبان ليه قبل ما يتحقق داكشي للي بغيتي ا الحاجة
عزيزة (وقفات) : لا لا ما تخافش.... أزاد مكيشوف قدامو تا حاجة من غير الورقة للي عطيتو. هاديك كافية باش تشعل كل نهار نار الانتقام فقلبو أكثر و أكثر.
كاظم : اممم نتمنا، مهيم ا الحاجة الا كان شي جديد غنعلمك بيه (بغا يمشي و هي تعيط ليه)
عزيزة : كاظم بلاتي، كاين شي خبار على البنت؟ قدرتي تعرف شنو ناوي معاها أزاد؟
كاظم (حرك راسو بالنفي) : صراحة لا و لكن عارف باللي الكينغ مزال مخدم عندها فالدار المرأة للي كتحط ليها الدوا ديال الهلوسة بلاصة المهدئات للي عطاها الطبيب.
عزيزة : امممم مزيان... صافي سير شوف شغلك
خرج كاظم و سد موراه الباب و خلا عزيزة كضرب حساباتها فراسها
عزيزة : ما بقا وااالو... ما بقا وااالو و نتفرج فيك كطيح. يحساب ليك الا خبيتيها فطنجة و بدلتي ليها الكنية غتقدر تخبيها على عزيزة العراقي.