📜 رواية : الصفحة 44
الفصل الثاني : حرب الأسد و الثعبان
الجزء : 167
بقلمي انا 🖋️ : ياسمين الوراق
وصلات العشية و جينا مزال مع نيليا فدارها مدوزين الوقت فالضحك و التقشاب من بعد ما تغداو و رتاحو اما نجود مشااات لبيتها ضرباتها بنعسة... و ما قاطعهم غي تلفونها للي وصلها فيه ميساج من أزاد
📩 كنتسناك حدا الباب
بقات شادة تلفونها كتقرا الميساج و هي مبتسمة و ساااهية تا فاقت على يد نيليا للي كدوز قدام عينيها
نيليا : هيييهو واش معانا و لا مع غانا؟؟
جينا (ضحكات) هه مع الكوديفوار.... خليني نوض نمشي فحالي
نيليا : وااايلي دغيا ؟؟
جينا : اشمن دغيا الله يهديك را الضلام قرب يطيح سلمي على خالتك بزاف و بيناتنا التلفون تا نشوفك فالشركة
نيليا (علات فيها حاجبها) : احياااااني عليك نتي يا سليعفانة را ملي جيتي الصباح وكتباني ليا مبدلة
جينا (حشمات و بدات ترجع شعرها مور ودنها) : ما كاين والو ا صاحبتي و الله
نيليا (قربات منها و شداتها من وجهها) : شو شو الدرية كي تزنكًات
جينا (حيدات ليها يدها و ساطت بغيض) : وا صافي طلقي ا صاحبتي ههه
نيليا (علات فيها حاجبها) : الحبيب الحبيب كية جديدة البضاض صعييب خلاها الأستاذ حجيب
جينا (حلات فمها ما فاهمة والو) : هااه ؟؟ كيفاش ؟؟؟
نيليا : كي ناافخ، معناها راه كتحبي ا بنيتي هههه
جينا (ترنكًات) : سيري بعدي مني خليني نمشي فحالي نتي سوقك خاوي
نيليا : ياااك ا صفيريطة واخا على مك يالاه بوسيني و درقي زلاقتك
توادعات جينا مع نيليا و هزات صاكها و خرجات بالزربة و هي متلهفة باش تشوف أزاد تا كتبان ليها طوموبيلتو واقفة من الجيهة الأخرى. ابتسمات ابتسامة عريضة و قطعات بالزربة لعندو و حلات الباب و ركبات و شافت فيه لقاتو كيطلعها و يهبطها و عينيه كيشوفو فيها باشتياق بحال الا شحال ما شافها.
هز ليها يدها برفق و باسها بوسة طويييلة و هو مغمض عينيه مخلي حرارتها طلع و قلبها يضرب بالجهد عاد طلق منها و شاف فيها
أزاد : توحشتك
جينا (هبطات راسها حشمانة و ابتسمات ابتسامة خفيفة)
أزاد (ضحك بالشوية و هز ليها وجهها بطرف صبعو مضورها لعندو تا هزات فيه راسها) : قلت ليك توحشتك 😉
جينا (زادت تزنكًات و حيدات ليه يدو بالشوية و نطقات بصوت بالكاد مسموع) : مغنمشيوش للدار؟
أنت تقرأ
🔥الصفحة 44🔥(مكتملة الجزء الاول)
Actionمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
