🔥الصفحة 44🔥(مكتملة الجزء الاول)

part3

//الصفحة 44//

🌷بارت 3🌷

فصباح اليوم التالي
من بعد ليلة متعبة بسبب كابوسها اليومي فاقت جينا بتثقال و ناضت بشوية عليها كتحك عينيها فاتجاه الحمام اللي قضات فيه روتينها الصباحي و من بعد لدريسنيغ باش توجد راسها  تمشي لمعهد هندسة الديكور فين كتقرا و هبطات كتجري تفطر مع باها و امها.
جينا (باست ماماها فخدها) : صباح الخيير ا نعووومتي
نعمة : صباح النور ا الكبيدة
ياسر : احم احم و حنا زعما ماليناش شوية فهاد الحب كامل
جينا (عنقاتو و باستو) : نتا راك العمر و زيدون ا موسيو الجوهري راك الليل كامل و نتا غارق حب اووو مقنعتيش هههههه
نعمة (ضرباتها ففخدها) : كوني تحشمي شوية. ما عرفت هاد التصنديلة منين جايباها
ياسر : اودي ا جينا ا بنتي غير كيجيب ليك و صافي. أما حنا راه مقطووع علينا الما و الضو
جينا (ضحكات بالجهد) : تو تو تو و راك مقصح ا سي الجوهري. بقييييتي فيا ههههه
ياسر : هههههه (ضرب كفو مع كفها)
نعمة (حركات راسها يمين و يسار) :لا حول ولا قوة الا بالله... دابا عاد عرفت هاد النمسة لمن خارجة
ياسر : بيان سييغ طالعة لباباها انسة جينا الجوهري و من لا يعرفها.
جلست جينا كتفطر مع والديها فجو مليئ بالضحك و التقشاب و هادي تكتيك من نعمة و ياسر كيحاولو يخففو بيها على جينا من الأزمة اللي كتمر بيها. كل ليلة كيظلو معاها حتا ترتاح و تنعس و الصباح كيصبحو ضاحكين كان شيئا لم يكن و بحال الا داكشي اللي وقع فالليل عمرو ما كان. حتا هي فاهمة شنو كيديرو والديها و كتحاول تسايرهم على قدر الإمكان باش ما يتشوشوش عليها أكثر.

باش نقربكم أكثر منهم، هادي عائلة الجوهري اللي مكونة من 3 أشخاص فقط. ياسر رجل أعمال في ميدان البناء بمدينة طنجة فالخمسينات مع عمرو، مرتو نعمة اللي فاواخر الأربعين من عمرها و لكن باااقا مجبدة و محافظة على لاطاي الصدر وااقف و الفخاض عامرين و مسعودة خارجة تقلب على البرودة هههه. و فالاخر كاينة بينهم جينا اللي عندها 21 عام هي البنت الوحيدة عند واليديها و مفششيينها بزاااف لزوج الأسباب. حيت ما عندهم تا حد من غيرها و ثانيا بسبب أزمة نفسية كتعاني منها و اللي غادي تفهموها من بعد.

اما فجهة أخرى وبالضبط فمدينة مراكش، كاين قصر كبييير الهبة ديالو باينة غير من يابو اللي مزخرف بالذهب و عالي كيحد الشوف و مرسوم فيه سبع مخرج نيابو. هاد الباب واقفين قدامو ربعة الفيدورات مهمتهم يمنعو اي واحد يدخل القصر بدون إذن العائلة المالكة. و كاينين بزااف بحالهم مفرقين على جميع جوانب القصر و محاصرينو.
اما مللي كيتحل الباب الكبير.. فهي جنة فوق الأرض، طريق طويلة على يمينها و شمالها حدائق كبار وسطهم عدد كبير من النافورات كيخرج منهم الماء بشكل جميل كأنهم متفقين على إيقاع واحد و لا سمفونية وحدة. فاخر هاد الطريق كاينة نافورة كبر من هادو اللي ف الحديقة و كيتوسطها سبع كيخرج من فمو الماء. هاد النافورة اللي كيدورو عليها السيارات قبل ما يوقفو قدام الباب الداخلي للقصر. هاد القصر اللي غير كتدخل ليه كتقول سبحان الله. كتشوف مزيييج من الصالونات التقليدية و العصرية المزينة بأغلى و أعرق التحق و اللوحات. كتشوف جناحات نوم كل واحد فيها يدير دار غير بوحدو بلا الدريسينغ و لا الحمامات.
فهاد القصر كتعيش وحدة من اغنى و أشهر العائلات فالمغرب و اللي غير اسمها كيزرع الخوف فبنادم و يخليه يضرب حساب لاصغر واحد فيها. هادي هي عائلة... العراقي