🔥الصفحة 44🔥(مكتملة الجزء الاول)

part63

//الصفحة 44//
📝الكاتبة ياسمين الوراق
🌷بارت 63🌷

🍂🍂 أصبحنا و أصبح الملك لله رب العالمين 🍂🍂

قصر العراقي

عزيزة (معصبة) : كيفاش حبس عليها الدوا؟؟ واش متاكد من هاد الخبار ا كاظم؟

كاظم : معلووم الحاجة انا جبت الخبار من عند رجال الكينغ. مادموزيل جينا حالتها غادا و كتكفس. لبارح فالليل حاولت تلوح راسها من البالكون كون ما عتقاتها الخدامة للي مخلي عندها الكينغ

عزيزة (جلسات فبيروها كتخمم) : كانت غتنتاحر كاع؟ (شافت فيه بتساؤل) واش هاد الدوا يقدر يوصلها لهاد الحالة زعمة؟؟؟

كاظم (حرك راسو بالايجاب) : و يمكن اكثر ا الحاجة.... سي أزاد مللي كانت عندها 14 عام و هو كيعطيها داك دوا و راه مجهد عليها. العجب للي باقي ما حماقت ديك البنت و هي كتشربو سبع سنين هادي

عزيزة : اممم اوا ها هو قطعو عليها دابا....ما عرفت شنو تحت راسو

كاظم : نقدر نسولك ا الحاجة؟

عزيزة : وي سول

كاظم : انتقامك من ياسر نقدر نفهمو و لكن جينا ؟ كتبقا حفيدتك تا هي لا؟؟

عزيزة (تنهدات) : ااه حفيدتي و ما عمرني كنت نبغي ليها الأذى. كون غي بقات تحت يدي و كبرات وسط عائلتها.
و لكن دوماج داك الكلب داها معاه و انا ما عندي تا خيار باش نوصل ليه من غيرها

كاظم : نتمنا غي الكينغ ما يديرش فيها شي حاجة خايبة... الحقد معمر ليه قلبو مزياااان

عزيزة (ابتسمات) : ما تخافش انا عارفة شنو كندير.... اللعبة كلها تحت سيطرتي.

كاظم : مهيم انا غنمشي نشوف خدمتي و كالعادة ادا كان شي جديد غادي نعلمك

عزيزة : واخا (تفكرات شي حاجة) كاظم؟

كاظم (تلفت عندها) : نعام

عزيزة (بتردد) : كاين شي خبار على أمجد؟

كاظم (حرك راسو بالنفي) : لا ا الحاجة... ما كاين تا جديد من غير أنه باقي ف نيويورك

عزيزة (تنهدات) : واااخا مزيان... صافي سير شوف شغالك

خرج كاظم و خلا عزيزة جالسة بوحدها فالبيرو و كتخمم

عزيزة : عارفاك كاعي عليا و فقلبك نار أكبر من نار أزاد..و لكن ما بقا والو و نرجع كل حاجة كيف خاصها تكون

🔙🔙🔙

أمجد (كيبكي) : اهي اهي اهي ما بغيتش نمشي بغيت بااااابااااا

عزيزة (معنقاه) : صافي ا ولدي الله يرضي عليك باراكة من البكا.... شوف ياك انا عزيزة عليك؟

أمجد (حرك راسو بالايجاب و هو مزال كيتنخصص)

عزيزة (ابتسمات ليه) : مزيااااان... اوا سمع لهدرتي و سير مع عمو كاظم. غادي يديك فالطيارة للي كتعجبك و غتشوف بلاد زوييينة صافي؟؟

أمجد : واخا 😟😟